Feeds:
Antradas
Comentairos

Posts Tagged ‘Emilia Vázquez’

La Xunta Xeneral aprobó na sesión plenaria d’esti vienres una moción d’IU que pide al Principáu que negocie col Gobiernu central “con tolos medios al so algame” pa que s’incluyan nos decretos de primaria y secundaria la especialidá del asturianu “pa normalizar y equiparar a los profesores de ‘llingua’ col restu del profesoráu”.

Foi la diputada d’IU Emilia Vázquez la encargada de defender la iniciativa nuna intervención que realizó íntegramente en llingua asturianu. Alcontró apoyos en 33 de los 45 diputaos de la Xunta Xeneral. De fechu tantu IU, como los grupos parlamentarios de PSOE, Foru y Mistu (UPyD) apoyaron la moción.

(more…)

Read Full Post »

La presidenta de l’Academia de la Llingua Asturiana, Ana Cano, aprovechó la coincidencia del actu institucional del Día Les Lletres, nel Teatru Campoamor, cola campaña electoral pa los comicios europeos del 25 de mayu, pa recordar que la Unión Euroopea encamienta y toma abondes midíes pa la protección de les más de 30 llingües minoritaries que tien reconocíes el continente, ente elles l’asturianu.

Fízolo nel so discursu, ante un teatru tremáu de xente, ente la que taben numberosos políticos de casi tolos partíos que se presenten a les elecciones europees n’Asturies.

(more…)

Read Full Post »

Diputaos y estudiantes del IES Santa Cristina de L.lena tomaron parte esti martes nel actu institucional de la Selmana de Les Lletres Asturianes, nun plenu nel que se lleeron testos de dellos autores en llingua asturiana.

L’actu, presidíu pol máximu responsable de la Xunta, Pedro Sanjurjo, que realizó toles sos intervenciones n’asturianu, contó tamién cola participación de la directora xeneral de Política Llingüística, Ana Fueyo, el viceconseyeru de Cultura, Alejandro Calvo, y la presidenta de l’Academia de la Llingua, Ana Cano. Toos ellos tuvieron na mesa, xunto col alumnu más mozu y el más veteranu de toos.

(more…)

Read Full Post »

La presidenta de l’Academia de la Llingua Asturiana, Ana Cano, calcó en que la oficialidá de la llingua asturiana nun supondría nengún problema económicu, y poro refugó l’argumentu de la crisis pa nun facilitar esta reconocencia dende les instancies polítiques.

Asina lo espresó mientres el so discursu nel actu institucional del Día de Les Lletres, que como tolos años l’Academia celebra nel Teatru Campoamor d’Uviéu. (more…)

Read Full Post »

DAMIÁN BARREIRO

Emilio Marcos Vallaure, conseyeru de Cultura y Deporte, volvió usar esti 16 de xineru l’asturianu dientro de la Xunta Xeneral. Vallaure compareció nel Parllamentu pa esplicar xunto al so equipu la llei de presupuestos no que se refier al departamentu que dixire y utilizó l’idioma pa falar de les midíes de Política Llingüística. Otra manera, tamién usó de manera más breve’l gallego-asturianu, «por respetu a los 18 conceyos más occidentales». El presupuestu d’esti añu de la Dirección Xeneral de Política Llingüística ye de 2.135.034 euros, 675.525 menos que nel 2011, «un axuste que se va compensar col compromisu y la voluntá política de l’Alministración»

Según Vallaure, l’oxetivu ye’l desarrollu de la Llei d’Usu y, por eso, van impulsar l’apoyu a la normalización social nos sectores empresarial, institucional y cultural. Tamién faló de visibilizar l’idioma gracies a les actividaes entames pola propia Dirección Xeneral y l’impulsu de midíes polítiques «de costu cero». Ente estes midíes, señaló l’incrementu del usu del asturianu en RTPA, na propia Aliministración autonómica, nes denominaciones d’orixe, nos eventos deportivos, l’impulsu del reconocimientu de la Especialidá d’Asturianu pal profesoráu, la validación y usu de la toponimia o la eleboración del nomenclátor colos nomes de llugar recuperaos. (more…)

Read Full Post »

DAMIÁN BARREIRO

Ana Isabel Álvarez, conseyera d’Educación y Universidaes, dixo que teníen la intención de consiguir la regulación del colectivu de profesores d’asturianu, pero qu’agora taben recopilando información y estudiando cómo facelo: «Namás podemos facer la declaración d’intenciones de que vamos estudiar la manera de regularizar la situación llaboral de los profesores d’asturianu, que merecen tol reconocimientu y que yá tienen una formación reglada n’igualdá de condiciones».

La conseyera fixo estes declaraciones na Comisión d’Educación de la Xunta Xeneral depués de ser preguntada pola diputada d’IX Emilia Vázquez, que dixo que tanto’l presidente Álvarez-Cascos como’l conseyeru de Cultura, Emilio Marcos Vallaure, mostraron l’interés por desarrollar la Llei d’Usu, polo que preguntó a la conseyera si dende la so cartera diben regular «el problema» de la enseñanza d’asturianu. (more…)

Read Full Post »

El conseyeru d’Educación y Ciencia del Principáu d’Asturies, Herminio Sastre, anunció esti martes que’l Principáu tien previsto recurrir la sentencia de la Sala de lo Contencioso Alministrativo del Tribunal Superior de Xusticia d’Asturies, que “declara nulu y sin efectos por ser contrariu a Derechu”, l’artículu 5.1 de la norma qu’establecía un númberu mínimu d’ocho alumnos pa formar un grupu na asignatura de Llingua Asturiana na Educación Secundaria.

El TSXA estimaba asina la demanda interpuesta polos servicios xurídicos de CC.OO contra la Resolución de 16 de mayu del 2008, de la Conseyería d’Educación y Ciencia, pola que s’establecía la ufierta y les condiciones pa la elección de materies optatives y materies opcionales pa la Educación Secundaria Obligatoria.

(more…)

Read Full Post »

La Xunta celebra esti miércoles la tradicional ‘Llectura de testos lliterarios n’asturianu’, dientro de la Selmana de Les Lletres, que va entamar a les 13 hores nel Salón Europa.

Pilar Alonso, Benjamín Gutiérrez, Ovidio Sánchez, Joaquín Aréstegui, Alfonso Román, Emilio Pérez Cueva, Elma Alonso, Cristina Coto, Jesús Iglesias, Emilia Vázquez y Diana Camafeita, van ser dellos de los parlamentarios asturianos que participen de la llectura, xunta diputaos por Asturies nel Congresu y senadores como José Manuel Cuervo, Pilar Fernández Pardo o Dorinda García.

(more…)

Read Full Post »