Antonio Martínez gana’l III Premiu Emilio Trabanco Trabanco

“Noreña y la Sidra. Apuntes sobre la hestoria sidrera d’un conceyu Asturianu” ganó por unanimidá’l III Premiu d’Ensayu Emilio Trabanco Trabanco, que cunta con una dotación de 1.500 €.

El xuráu, compuestu por David M. Rivas (presidente), Antón Fuertes, Inaciu Hevia Llavona y Antonio Fernández Álvarez, alcordó por unanimidá otorgar el Premiu Emilio Trabanco a Antonio Martínez Fernández pola so obra “Noreña y la sidra. Apuntes sobre la hestoria sidrera d’un conceyu asturianu”. Arriendes d’ello, el xuráu valoró perpositivamente la calidá del restu de trabayos presentaos (cincu, dos n’asturianu y tres n’español) y confirma’l ca vuelta mayor nivel de les obres que se presenten a esti premiu qu’algama yá la so tercer edición.

Read Full Post »

Convocáu’l III Premiu d’Ensayu Emilio Trabanco

La Sidra, col sofitu del Grupu Trabanco vien de convocar la III Edición del Concursu d’Ensayu “Emilio Trabanco Trabanco”.

El concursu, que persigue l”aumentar la conocencia y espardimientu de los estreamos aspeutos que conformen la cultura asturiana de la sidre, favoreciendo l’estudiu y la conocencia de la mesma, al empar que s’algama l’aniciu d’un corpus bibliográficu sidreru”, ta dotáu con un premiu de 1.500 euros y la espublización de la obra premiada. El plazu pa presentar obres fina’l 1 d’avientu de 2011, tienen que tener una estensión mínima de 65 páxines (TNR12, a doble espaciu) y tar escrites n’asturianu o n’español.

Read Full Post »

Yá ta nes llibreríes el diccionariu sidreru de Fernán Gonzali Llechosa

Conforme al compromisu alquiríu pola revista La Sidra de dir editando los llibros premiaos nel Premiu d’Ensayu Emilio Trabanco Trabanco, vien d’espublizase la que foi la primer obra qu’algamó esti gallardón, el “Diccionario Sidrero Asturiano Español”, del que ye autor Fernán Gonzali Llechosa y que vien a ser una edición correxida y aumentada del orixinal en llingua asturiana “Diccionariu Sidreru” que tan bona acoyida tuvo.

Read Full Post »

El ‘Diccionariu de la sidre’, de Fernán Gonzali, lleva’l I Premiu d’Ensayu Emilio Trabanco

Fernán Gonzali Llechosa foi’l ganador del I Premiu d’Ensayu Emilio Trabanco Trabanco col so trabayu ‘Diccionariu de la sidre’, gallardón que reconoz aquelles obres d’investigación inédites relacionaes cola cultura sidrera asturiana y qu’otorga la revista La Sidra y el Grupo Trabanco. La entrega d’esti premiu que lleva’l nome del fundador del Llagar Trabanco, tuvo llugar esta mañana nes instalaciones d’esta empresa de Llavandera de casi 85 años d’historia y contó cola presencia de delles autoridaes y amantes de la sidre.

Read Full Post »

Convocáu’l primer Premiu d’Ensayu “Emilio Trabanco Trabanco”

La Revista La Sidra (Ensame Sidreru) convoca’l Primer Premiu d’Ensayu “Emilio Trabanco Trabanco” dotáu con un premiu de 1.500 euros . Les obres que se presenten tendrán de tar rellacionaes col mundiu la sidre y la cultura desendolcada al so alrodiu. Les obres que se presenten puen tar escrites n’asturianu o en castellán y hai de plazu fasta’l 1 d’avientu d’esti añu.

Read Full Post »