Feeds:
Antradas
Comentairos

Posts Tagged ‘Enrique Fernández Rodríguez’

“El procesu de recuperación llingüística ye irreversible”, asegura Cano

PABLO R. GUARDADO

La presidenta de l’ALLA, Ana María Cano, amosóse crítica nel so discursu pol XXXVII Día de les Lletres Asturianes contra aquellos que reprimen a la llingua asturiana, pero recordó que “el procesu de recuperación llingüística ye irreversible”. Anunció la creación del Premiu Nacional de Lliteratura Asturiana, de calter triañal.

El Teatru Campoamor acoyó un añu más l’actu institucional de l’Academia de la Llingua Asturiana (ALLA), qu’esti añu contó cola actuación del grupu de rock en gallego-asturiano Bacotexo, llingua na que Cano comenzó’l so discursu. Asina, tres saludar a los presentes, destacó que “el Academia entende a Asturias non como úa mera entidá alministrativa, sinón como un país que configura úa realidá histórica integral. Esta consideración é importante porque lleva ben axina a que os graves problemas cos que cargamos todos os asturianos y asturianas (económicos, sociales y culturales) teñan que ser encaraos dende úa perspeutiva política, de política asturiana, y non dende plantiamentos esclusivamente ‘téunicos’ o ‘alministrativos’”.

(more…)

Advertisements

Read Full Post »

“Utilizando l’argumentu de la llóxica, los usos y los sentimientos inherentes al dineru, abórdase continuamente la rellación ente’l poderosu caballeru y la felicidá. Son continuos los desafíos a ciertos convencionalismos, asina como la capacidá del autor pa tratar d’adentranos nel camín de delles verdaes presuntamente sólides y irrefutables que depués de da-yos dalguna qu’otra vuelta acaben paeciendo fráxiles y duldoses”.

Estes palabres d’Enrique Fernández Rodríguez introducen a la perfección l’ensayu Los deseos del dineru col que l’escritor Xulio Arbesú (L’Entregu, 1957) algamaba de recién el Premiu “Máximo Fuertes Acevedo”. Editáu por Trabe, el volume ábrese con dos preguntes: “¿El dineru da la felicidá? En casu negativu, ¿ayuda a consiguilo?”. “Al rodiu d’estes entregues y les sos posibles respuestes vamos falar en serio y en chancia nesti llibru”, esplica l’autor de noveles tan conocíes como Misión Pelayo, Un raposu en Tresmonte, Potestas y El pisu d’enriba. La informatización del transporte y El destín tresnumanu foron los trabayos ensayísticos d’esti escritor que nesta ocasión ayúdanos, dende l’humor, a dar la vuelta a dellos tópicos y esmoliciones, y a facenos reflexonar. (more…)

Read Full Post »

Los deseos del dineru
Xulio Arbesú
XVIII Premiu d’Ensayu «Máximo Fuertes Acevedo»
Trabe
208 páxs.
///

Xulio Arbesú (L’Entregu, 1957) tien publicaes delles noveles (Misión Pelayo, xuvenil; Un raposu en Tresmonte; Potestas,histórica; y El pisu d’enriba). Con L’eternu negociu foi a algamar el Premiu «Narraciones Trabe» del añu 2011. Autor del volume de rellatos Cuentos con neños, tien, amás, editaos dos ensayos: La informatización del transporte y El destín treshumanu. (more…)

Read Full Post »

El Centru de Referencia de la Cultura y la Llingua Asturiana, Casa de los Alberti, de Ciañu (Llangréu), va acoyer a partir el ciclu Los xueves de Castilletes y Carbón, que va celebrase tolos xueves de payares a les 20 hores. Estes actividaes tán entamaes pola Fundación Nuberu en collaboración col Conceyu de Llangréu. Los actos van entamar esti 8 de payares cola conferencia d’Enrique Fernández Rodríguez «Dellos conceptos de pedagoxía económica». Una selmana depués, el día 15, toca-y el turnu a Cristian González, que va falar de «Gastronomía y mina».

El xueves 22, la presidenta de l’Academia de la Llingua Asturiana, Ana Cano, va falar del papel que tien la llingua asturiana dientro de la Universidá d’Uviéu. Una selmana depués, va celebrase un recital lliterariu col títulu de «Compañero dame tira», nel que van participar Chechu García, Manuel Asur, Pablo Texón, Lourdes Álvarez, Xurde Álvarez, Henrique Facuriella, Xosé Ramón Martín Ardines y Roberto Corte. P’acabar, el martes 4 d’avientu, nel Teatru de L’Entregu, Nuberu va ufrir un conciertu que va poner fin a estes actividaes.

(de Les Noticies, 06-11-2012)

Read Full Post »