L’Arribada abre la convocatoria pa la presentación de candidatures pa los Premios Timón

Dende esti momentu y hasta’l 3 d’ochobre yá ye posible presentar candidatures pa los Premios Timón del añu 2017 qu’entreguen dende’l 2007 l’Asociación Cultural L’Arribada. Los gallardones van entregase mientres la decimosegunda edición de L’Arribada.

Nun primer momentu los destinatarios del Premiu Timón yeren los autores en llingua asturiana o eonaviego, que víen asina reconocida la so trayeutoria creativa, pa trés años depués incorporar un Timón nuevu p’autores asturianos en llingua castellana. Por último, nel 2013, creóse’l Premiu Timón de Cultura Asturiana, que valora a les asociaciones, sociedaes, fundaciones y instituciones con sede n’Asturies que tengan como fin “la conservación y promoción de la identidá cultural de nueso, y a persones con una trayeutoria valoratible nesi ámbitu”.

Read Full Post »

Un homenaxe a Seamus Heaney y los Premios Timón protagonicen la Vagamar 2013 (Programa, 27 y 28 de septiembre) Un homenaxe a Seamus Heaney y los Premios Timón protagonicen la Vagamar 2013 (Programa, 27 y 28 de septiembre)

L’Asociación Cultural L’Arribada acaba de dar a conocer les feches de la Vagamar 2013, una de les estayes de L’Arribada Lliteraria, que se desarrollará los díes 27 y 28 de setiembre, na quincena segunda d’ochobre y na quincena primera de payares.

Un homenaxe al poeta Seamus Heaney, Premiu Nobel de Lliteratura recientemente fallecíu, y la entrega de los Premios Timón a los escritores Miguel Rojo y Gonzalo Suárez, y a l’Asociación Cultural Ensame Sidreru protagonicen los actos d’estes primeres xornaes.

Read Full Post »

L’Arribada fai públicu’l nome de los nominaos primeros a los Premios Timón nes sos trés estayes

PABLO R. GUARDADO

Yá se conocen los nominaos primeros a los Premios Timón, que na edición d’esti añu estrena la categoría de ‘Cultura Asturiana’. El plazu pa presentar candidatura a los gallardones añales de L’Arribada fina’l 2 de mayu al meudía.

Los aspirantes, hasta’l momentu, pa llevase’l primer Premiu Timón de Cultura Asturiana, “destináu a asociaciones, sociedaes y fundaciones con sé na nuestra comunidá autónoma que tengan como fin la conservación y promoción de la identidá cultural del país”, son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Tertulia Cultural El Garrapiellu, la Fundación Caveda y Nava y l’ Asociación Cultural Ensame Sidreru. L’Asociación Cultural L’Arribada va tener en cuenta como un méritu importante a la hora de fallar el gallardón, la difusión de la llingua asturiana y/o del gallego-asturiano nes actividaes d’estos coleutivos.

Read Full Post »

Convocáu’l primer Premiu d’Ensayu “Emilio Trabanco Trabanco”

La Revista La Sidra (Ensame Sidreru) convoca’l Primer Premiu d’Ensayu “Emilio Trabanco Trabanco” dotáu con un premiu de 1.500 euros . Les obres que se presenten tendrán de tar rellacionaes col mundiu la sidre y la cultura desendolcada al so alrodiu. Les obres que se presenten puen tar escrites n’asturianu o en castellán y hai de plazu fasta’l 1 d’avientu d’esti añu.

Read Full Post »