Cuando dalgo ta bien pero podía ser meyor

HENRIQUE G. FACURIELLA

La Historia d’Asturies ta tremada d’episodios heroicos, cuasi épicos, de resistencia contra l’invasor –sía romanu, godu, árabe o francés– pero tamién de lluches intestines, lo que, aunío a una dosis curiosa de mistificación, tien dao a los asturianos fama de presta-yos la griesca cuasi tanto como la sidra. D’esti tópicu ye del qu’echen mano Marga Llano y Pepe Mieres pa montar l’espectáculu teatral Garráime, que lu mato, o la lloca hestoria d’Asturies, que la compañía Escenapache Acción Cultural representó’l vienres 16 de payares nel Teatru Filarmónica d’Uviéu dientro del II Festival «Nel Amaro» de Teatru Profesional en llingua asturiana y gallego-asturianu.

Read Full Post »

El vienres comiencen les representaciones del II Premiu Nel Amaro

El II Premiu y Festival Nel Amaro de Teatru Profesional en Llingua Asturiana y Gallego-asturiano yá conoz a los cuatro finalistes qu’aspiran a asoceder nel palmarés al ‘Llázaro de Tormes’ de Carlos Alba ‘Cellero’. Les obres que pasaron el corte del xuráu son ‘Aire’, de Producciones Nun Tris; ‘Hansel y Gretel’, d’Higiénico Papel Teatro; ‘Garráime que lu mato o La lloca hestoria d’Asturies’, d’Escenapache; y ‘Disculpe caballeru’, de Zig Zag Danza.

Los cuatros primeros vienres de payares va representase nel uvieín Teatru Filarmónica, con entrada llibre, una d’estes representaciones teatrales a les 20 hores. La primera va ser ‘Aire’, espectáculu que “recrea un escenariu post-catástrofe, pero deriváu d’una situación d’esaniciu, d’escaezu. Nesi contestu performánticu, la llinia dramática marcada polos poemes y que-y apurre un desendolque al espectáculu ye clara: pártese de temes más o menos comunes na poesía o la lliteratura asturiana d’anguaño, como la derrota, la idea de país, de casa o patria; dende’l caos viáxase hacia la creación d’una nueva realidá sobre les murueques del desaniciu”.

Read Full Post »

El Festival de Teatru Asturianu ‘Nel Amaro’ llega en payares al Teatru Filarmónica

El conceyal de Cultura, Roberto Sánchez Ramos y el Director Xeneral de Planificación Llingüística y Normalización, Fernando Padilla Palicio, presentaron esti martes en rueda de prensa’l I Premiu y Festival de Teatru Asturianu ‘Nel Amaro’ que se va celebrar na Filarmónica mentes el mes d’avientu.

Trátase del primer premiu de teatru profesional n’asturianu. El Festival va celebrase’l 3, el 10, el 17 y el 24 del mes de payares a les 20.00 hores, con entrada llibre.

Read Full Post »