Ester Sánchez y García Oliva presenten a Etenko, una neña que fraya colos estereotipos sobre la muyer

PABLO R. GUARDADO

‘Etenko y los patines maraviosos’ ye’l cuentu infantil últimu de Vicente García Oliva, con ilustraciones d’Ester Sánchez. Esta neña tan especial buscar frayar tolos estereotipos y suaña con patinar, volar y salise d’esa realidá que la empequeñez.

Un prólogu informativu sobre’l papel de la muyer na sociedá, que la lliteratura repitió y repite tantes veces, sirve p’abrir esta obra: reducíes a seres pasivos, secundarios, ayenos a la épica y al protagonismu reserváu namái pa los homes. Etenko ye consciente de qu’hai que lluchar conta munches lleis y por eso suaña, patina y vuela.

Read Full Post »

Ángela Sánchez: “Preferimos compromisos de merca por parte de l’Alministración pa que los nuesos llibros puedan llegar a les biblioteques”

PABLO R. GUARDADO

Pintar-Pintar trátase d’una empresa con estaya editorial que destaca por ser de les más actives na espublización de llibros n’asturianu pa neños y neñes. Ángela Sánchez Vallina (Uviéu, 1965) ye ún de los trés socios d’una firma que sobrevive la crisis gracies a la diversificación y al comerciu n’América Llatina.

¿Cuándo naz Pintar-Pintar?
Pintar-Pintar surde como editorial nel añu 2005 de la mano d’Ester Sánchez, llicenciada n’Historia del Arte y ilustradora; Carlos Pérez Vázquez, llicenciáu en Belles Artes y diseñador gráficu; y yo, llicenciada en Derechu y venceyada a la formación d’emprendedores, pero la marca ‘Pintar-Pintar’ yá esistía años enantes como taller d’arte infantil dirixíu por Ester.

Read Full Post »

Pintar-Pintar asoleya “Versonaxes”

La editorial asturiana Pintar-Pintar ta acabantes d’anunciar una nueva obra, que s’amesta al so catálogu de trabayos lliterarios. Nesti casu ye una obra d’Aurelio González Ovies, entitulada “Versonaxes”. Cola ilustración d’Ester Sánchez, faise un repasu poéticu per 23 personaxes reales y fantásticos, prósimos y cotidianos, onde la combinación de la pallabra, el versu, y el debuxu, algamen gran importancia nel so conxuntu.

(d’Infoasturies, 04-06-2013)

Read Full Post »