Xosé Ramón Martín Ardines, ganador del VI Concursu de Microrrellatos pola Selmana de les Lletres

El xuráu escoyó los meyores microrellatos y decidió dar el primer premiu a Xosé Ramón Martín Ardines, el segundu a Begoña Menéndez Canal y el terceru a Lluís Aique Fernández. Los 3 primeros van recibir un llote de llibros y un diploma y el restu, un detalle y un diploma.

Trátase del VI Concursu de Microrrellatos en Twitter ‘Selmana Lletres FSA’ convocáu pola Secretaría d’Educación, Universidá y Normalización Llíngüística de la FSA-PSOE al rodiu de la celebración de la Selmana de les Lletres Asturianes. El xuráu, compuestu por Antón García, Direutor Xeneral de Política Llingüística del Gobiernu del Principáu d’Asturies, Ester Prieto, poeta y editora n’Ediciones Trabe, Ester García, escritora, Inaciu Galán, escritor y periodista y María Luz Pontón, Secretaria d’Educación, Universidá y Normalización Llingüística de la Federación Socialista Asturiana FSA-PSOE, destacó l’ésitu d’una convocatoria a la que se presentaron más de 50 obres de muncha calidá.

(de Formientu, 08-05-2023)

Read Full Post »

‘Onde’l caos se texe y se destexe’ y ‘Hai una llinia trazada’ ente los llibros n’asturianu más vendíos nel 2022

La novela ‘Onde’l caos se texe y se destexe’, de Xulio Viejo, y los ensayos ‘Hai una llinia trazada’, de Xune Elipe, y ‘¡Volved las manos al bable!’, d’Inaciu Galán, tán ente los llibros escritos orixinalmente n’asturianu más vendíos nel añu 2022.

La primera ye una novela que conecta una historia personal, centrada nel conceyu de Quirós, cola d’Asturies y del mundu occidental. Esta obra yá mereció’l premiu al meyor llibru n’asturianu del 2021 de la Tertulia Malory de L’Entregu.

Per otru llau, ‘Hai una llinia trazada’ ye un ensayu qu’algamó’l XXVI Premiu Máximo Fuertes Acevedo del Principáu y qu’analiza la historia de la música asturiana, faciendo un repasu pelos periodos, movimientos y intérpretes más importantes, resaltando los datos y fechos que foron cruciales nel devenir de la nuestra música.

Read Full Post »

Gonzalo González Barreñada algama’l Premiu Teodoro Cuesta de Poesía

L’escritor Gonzalo González Barreñada, cola obra ‘Cartes de treslluz’, ye’l ganador del XXXI Premiu Teodoro Cuesta de Poesía qu’entama’l Conceyu de Mieres.

El xuráu tuvo integráu por Pilar Fidalgo, Montserrat Garnacho, Milio Ureta Soto, Pablo Rodríguez Medina y Esther Prieto, actuando como presidenta la conceyala d’Educación Ana Belén Losa y como secretariu’l responsable del Serviciu de Normalización, Luis Suárez.

A esta edición presentáronse doce poemarios y el premiu pa González Barreñada foi por mayoría. El Premiu Teodoro Cuesta ta dotáu con 4.000 euros.

(de La Nueva España, 06-12-2022)

Read Full Post »

El Conservatoriu d’Uviéu acueye la presentación de ‘Canción lírica asturiana de conciertu’

El Conservatoriu Superior de Música d’Uviéu ‘Eduardo Martínez Torner’ va acoyer esti vienres 7 d’ochobre a les 19.00 hores la presentación del llibru ‘Canción lírica asturiana de conciertu’, de Vicente J. Sánchez García.

L’actu va cuntar amás cola actuación d’Eliana Sánchez (declamación), Beatriz Díaz (sopranu) y Mario Bernando (pianu) y la participación del director xeneral de Política Llingüística del Principáu, Antón García, y la responsable d’Ediciones Trabe, Esther Prieto, encargada de la publicación d’esta obra.

Esta actividá, con entrada llibre hasta enllenar l’aforu, enmárcase dientro de les actividaes de la Seronda Musical, qu’entama’l Principáu d’Asturies.

(d’Europa Press, 06-10-2022)

Read Full Post »

Pablo X. Suárez llogra la Beca Asturies de Lliteratura Asturiana en Residencia pa estimular la creación lliteraria

El proyectu Retrablu rural, una mirada realista a l’aldea contemporánea de Pablo X. Suárez va ser beneficiariu de la Beca Asturies que sofita una residencia de creación lliteraria n’A Coruña para un escritor en llingua asturiana o eonaviegu ente’l 1 y el 31 de payares del 2022. La Conseyería de Cultura, Política Llingüística y Turismu impulsa la iniciativa en collaboración cola Residencia Lliteraria 1863.

El xuráu, que formaben los escritores Francisco Álvarez, Esther Prieto y Miguel R. Monteavaro, ganador de la beca na convocatoria anterior, destacó la propuesta narrativa mui bien estructurada y con una mirada novedosa sobre’l mundu rural asturianu. El xuráu destaca la calidá de tolos proyectos presentaos.

Read Full Post »

Cultura promueve la dixitalización del históricu selmanariu en llingua asturiana ‘Les Noticies’

La Biblioteca d’Asturies sumó a los sos fondos virtuales la colección de 770 exemplares del selmanariu Les Noticies, qu’a lo llargo de 16 años (1996-2012) analizó la sociedá del momentu en llingua asturiana.

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, promovió la dixitalización de les más de 20.000 páxines de la publicación pa poneles a disposición de tola xenta interesao.

Read Full Post »

Adolfo Camilo, ganador del V Concursu de Microrrellatos pola Selmana de les Lletres

El xuráu escoyó los meyores microrellatos y decidió dar el primer premiu a Adolfo Camilo, el segundu a Anabel Santiago y el terceru a Natalia Riego. Los 3 primeros van recibir un llote de llibros y un diploma y el restu, un detalle y un diploma.

Trátase del V Concursu de Microrrellatos en Twitter ‘Selmana Lletres FSA’ convocáu pola Secretaría d *Educación, Universidá y Normalización Llíngüística de la FSA-PSOE al rodiu de la celebración de la Selmana de les Lletres Asturianes.

Read Full Post »

Ediciones Trabe asoleya «Unes vacaciones bien rares»

Ediciones Trabe ta acabante d’asoleyar la nueva obra d’Esther Prieto, que tien por nome Unes vacaciones bien rares.

Unes vacaciones bien rares ye un álbum ilustráu que naz de dos realidaes distintes: el confinamientu producíu pol andanciu de la COVID 19 y les escurribandes que fai’l ser humanu contra los llobos, animales consideraos dañibles. Esti cuentu ye un cantu a la fauna selvaxe y al so derechu a vivir onde siempre vivió. Pero, amás, ye tamién un alegatu a favor de la convivencia ente los distintos, ensin moralina y con naturalidá, una fábula moderna que pue prestar a la rapazada. Amás d’un testu poéticu y llimpiu tien unes espléndides ilustraciones de Nanu González.

Read Full Post »

La industria editorial n’asturianu prevé publicar 34 novedaes nel 2022, onde destaquen les traducciones

Les editoriales asturianes van publicar nel 2022 un total de 34 novedaes, ente les que destaquen les traducciones de grandes noveles de la lliteratura universal, como ‘Roméu y Xulieta’ de Willian Shakespeare o ‘Les dos torres’ de Tolkien. Amás, tamién hai obres que tovía nun tán publicaes en castellanu, como ‘Guillem’, de la catalana Núria Cadenes.

Son un total de 34 novedaes de siete editoriales que van recibir ayudes del Gobiernu d’Asturies pa la promoción del llibru n’asturianu y en gallego-asturianu, yá sía pa obres orixinales o traducíos d’otres llingües.

Read Full Post »

Anabel Santiago gana’l IV Concursu de Microrrellatos de la FSA

El xuráu del IV Concursu de Micorrellatos qu’entamó la FSA pola Selmana de les Lletres escoyó los 10 meyores microrellatos y decidió dar el primer premiu a Anabel Santiago, el segundu a Mónica Ronderos y el terceru a Elena Gutiérrez.

Los tres primeros van recibir un llote de llibros y un diploma y el restu, un detalle y un diploma. Trátase del IV Concursu de Microrrellatos en Twitter ‘Selmana Lletres FSA’, convocáu pola Secretaría d’Educación, Universidá y Normalización Llíngüística de la FSA-PSOE.

Read Full Post »