Feeds:
Antradas
Comentairos

Posts Tagged ‘Estoyu’

DAMIÁN BARREIRO

Depués de que la conseyera de Cultura, Ana González, anunciara que’l Gobiernu va eliminar pal 2013 les subvenciones p’asociaciones, empreses y pa la industria audiovisual pol usu del asturianu, al considerar que tienen poca visibilidá social, Carlos Pulgar, portavoz de la Xunta pola Defensa de la Llingua Asturiana, afirma que la desapaición d’estes llinies «va suponer un retrocesu evidente na visivilización de la llingua nel sector comercial y cultural». Otra manera, dende Ediciones Trabe, Esther Prieto afirma que la eliminación de les subvenciones pa empreses «pon en peligru los dos premios lliterarios que convocamos y la revista gratuita Estoyu».

Y ye que partíes como les destinaes a les empreses permitíen qu’Ediciones Trabe convocara premios como’l Montesín de narrativa xuvenil o’l Trabe de Narrativa, amás de la publicación de la revista Estoyu o entamar delles iniciatives de promoción de los sos llibros. «Quitar la llinia de subvención a empreses ye quitar perres pa la promoción del asturianu, de la so cultura y de la so lliteratura, lo que redunda de manera negativa na so visibilidá, arrequexando un pelín más tolo asturiano. Anque los tiempos son malos, la miseria también hai que la saber xestionar y eso ye lo que-y pidimos al nuestru Gobiernu: que xestione con prudencia y equidá», afirma Prieto. (more…)

Read Full Post »

Estoyu 04

Ediciones Trabe saca’l númberu 4 d’Estoyu. Revista de Llibros, dedicada nesta ocasión al teatru.

Fecha col enfotu de dar a conocer los llibros editaos n’Asturies, en cualquiera de les sos llingües, va disdribuíse de baldre… Amás, pue atopase en formatu PDF na web y nel blogue d’Ediciones Trabe.

ANEXU: Estoyu 04.

(d’Ediciones Trabe, 08-11-2012)

Read Full Post »

Ediciones Trabe acaba de sacar el númberu 3 d’Estoyu. Revista de llibros dedicada nesta ocasión a la lliteratura asturiana fecha por muyeres. Fecha col enfotu de dar a conocer los llibros editaos n’Asturies, en cualquiera de les sos llingües, la publicación va disdribuíse de baldre. Amás, pue atopase en formatu PDF na web y nel blog d’Ediciones Trabe.

ANEXU: Estoyu 3.

(de Les Noticies, 30-11-2011)

Read Full Post »

La revista Estoyu, publicada por Ediciones Trabe, punxo estos díes na cai’l so númberu dos; esta publicación ta dedicada dafechu al mundu de los llibros y tolos sos conteníos xiren alredor d’ellos.

Nesta entrega nueva Pablo X. Suárez fala de «La novela asturiana y yo», Iván Cuevas aporta l’artículu «El tiempu de les posibilidaes», Miguel Rodríguez Monteavaro trata’l tema «A lliteratura nova en galego-asturiano», mentes que la presidenta del Gremiu d’Editores d’Asturies fai una reflexón sobre lo que pue suponer la llegada del llibru dixital, lo mesmo que l’escritor Ovidio Parades.

(more…)

Read Full Post »