Posted in Antroponimia / Antroponimie, Asturies, Dialectoloxía / Dialetologie, Eitimologie / Etimoloxía, Toponimia / Toponimie, Uvieo, tagged Ana María Cano González, Claudia Elena Menéndez Fernández, Estudis Romànics, José Ramón Morala, Loreto Díaz Suárez, Ramón d'Andrés Díaz, Xosé Lluis García Arias on Março 15, 2023| Leave a Comment »
Estudis Romànics, publicada pol Institut d’Estudis Catalans, ye una prestixosa revista nel ámbitu de la llingüística y filoloxía romániques. Diríxenla los profesores Joan Veny y José Enrique Gargallo, verdaderes autoridaes nesta estaya del saber.
Nel últimu númberu, el volume XLV d’anguaño 2023, Estudis Romànics acueye cinco presencies de la llingüística y filoloxía asturianes:
(more…)Posted in Asturies, Balmonte, Historia de la llingua / Stória de la lhéngua, Lexicologie / Lexicoloxía, tagged Antoni de Bastero i Lledó, Estudis Romànics, Francisco Javier Cienfuegos Jovellanos, Mario Crescimbeni, Xuan Carlos Busto Cortina on Dezembre 30, 2020| Leave a Comment »
Xuan Carlos Busto Cortina: «Los Vocables asturians de Antoni de Bastero y su probable informante, el Cardenal Cienfuegos», Estudis Romànics, XLII (2020), pp. 7-32. ISSN 0211-8572.
Antoni de Bastero i Lledó (Barcelona, 1675 – Girona, 1737) foi un eclesiásticu, xurista y filólogu. Los Vocables asturians axuntaos por Antoni de Bastero xunen al so valor de primer léxicu asturianu, el d’amosar traces fonétiques de tipu occidental, como’l resultáu «ts» pal llatín -ct- (presente nes zones B, incluyíu parcialmente’l conceyu de Miranda, y aislladamente D), que dexaríen aventurar l’orixe del so informante.
La vinculación de Bastero cola resistencia austracista, exiliada en Roma, fai creyible que llegare a conocer al que dende 1722 actuaba como Embaxador Plenipotenciariu del Emperador, el Cardenal Cienfuegos (nacíu n’Agüerina, conceyu de Miranda), bien venceyáu a los intereses austriacos n’España pente medies del Almirante de Castiella. Hai, amás, constancia de qu’ente Bastero y Cienfuegos hebo amigos comunes como Mario Crescimbeni, quien, como cofundador de la Accademia Arcadia, pudo favorecer el so nomamientu como «arcades». Bastero pudo recibir esti léxicu asturianu del so informante ente 1722 y 1724, periodu nel que dambos frecuentaren dicha institución.
ENLLAZ: Los vocables asturians de Antonio de Bastero y su probable informante, el cardenal Cienfuegos.
(Del Seminariu de Filoloxía Asturiana, 18-12-2020)
Tierra alantre, la mesma fala 