Feeds:
Antradas
Comentairos

Posts Tagged ‘Federico Fierro Botas’

“L’espeyu onde miranos: televisiones de proximidá n’europa Occidental y procesos de recuperación identitaria”, ye la obra ganadora del sestu premiu Fierro Botas, que concede l’Ayuntamientu de Xixón al traviés de la Conceyalía d’Educación, Cultura, Mocedá y Fiestes. Ye esti un completu ensayu sobre l’importante papel que los medios de comunicación tienen na pervivencia d’un idioma.

El premiu dotáu con 3.000 € y la publicación del ensayu, foi pa la obra del periodista Damián Barreiro Maceiras (A Estrada 1984), magar qu’avilesín de tola vida, exredautor del diariu dixital Asturies.com y del periódicu Les Noticies, anguaño collaborador en Diagonal Asturies y la seición infantil n’asturianu de LNE, Escolinos. (more…)

Read Full Post »

PABLO R. GUARDADO

Nel so enfotu de facer alcordanza de Federico Fierro Botas, el Conceyu de Xixón ta acabante de convocar la sesta edición del premiu d’ensayu y trabayos d’investigación que lleva’l so nome. El plazu d’entrega de trabayos fina’l 13 de setiembre.

El comprometíu sacerdote xesuita, un namoráu de la cultura asturiana y rusa, perdió la vida nel añu 2002 nun accidente de tráficu en Rusia a los 59 años, dexando atrás un trabayu bayurosu de traducción de testos relixosos a la llingua asturiana. Pol so gran llabor, el Conceyu de Xixón decidió entamar esti premiu col que recordar la so memoria y, al mesmu tiempu, apoyar el trabayu de los investigadores asturianos. (more…)

Read Full Post »

J. L. A.

El etnógrafo gijonés Ignaciu Hevia Llavona (1965) obtuvo ayer el premio «Fierro Botas» de ensayos y trabajos de investigación por su estudio «La botella de Xixón. Oríxenes y desendolcu hestóricu de la botella de sidra d´Asturies», en el que aborda aspectos poco conocidos de uno de los iconos de mayor popularidad entre los asturianos, el recipiente en el que se corcha la sidra.

El premio, con el que se recuerda al jesuita y cura obrero Federico Fierro Botas, destacado asturianista que falleció en un accidente de tráfico en Rusia, en 2002, está dotado con 4.000 euros y la publicación del ensayo. (more…)

Read Full Post »

D. BARREIRO

“Santina de Cuadonga, ayúdamos nel camín pa llegar al to fíu; préstame tanto llegar hasta vosotros”. Asina, n’asturianu, finó ayeri Miguel Sanz la so toma de posesión como Arzobispu.

Unes poques pallabres, namás un actu simbólicu, pero paez un pasu alantre na rellación ente l’Arzobispáu y la llingua asturiana. Ye de reseñar, qu’un de los primeros actos del so predecesor, Carlos Osoro, namás llegar al cargu foi prohibir usar l’asturianu na lliturxa del funeral del xesuita Federico Fierro-Botas, presidente del coleutivu Manuel Fernández de Castro, asociación que trabaya pol usu de la llingua dientro de la ilesia.

(more…)

Read Full Post »

D. BARREIRO

El Coleutivu Manuel Fernández de Castro ye una asociación que, fundada pol tristemente fallecíu Federico Fierro Botas, vien trabayando dende l’añu 1986 pola presencia de la llingua dientro de la Ilesia. Asturies.com faló col so actual presidente, el sacerdote José Manuel García de Jesús, sobre’l llabor del coleutivu y les espectatives que s’abren col recíen nomamientu del nuevu Arzobispu, Jesús Sanz Montes.

(more…)

Read Full Post »

Siguen desarrollándose intensamente les munches actividaes previstes nel programa del alcuentru cultural Arribada 2009. Asina, el martes 29 de setiembre nel Centru de Cultura Antiguu Institutu (CCAI) de Xixón el cine, la lliteratura y el teatru van protagonizar esa xornada.

(more…)

Read Full Post »

PABLO R. ALONSO

Rafael Rodríguez Valdés (Uviéu, 1978) ta acabante d’asoleyar “Discursos llingüísticos y movimientu obreru na Asturies decimonónica” (Trabe, 2009). Esti historiador mozu yá publicare en 2004 “Llingua asturiana y movimientu obreru (1899-1937)” (Atenéu Obreru de Xixón). Asturies.com quixo falar con él d’esta nueva investigación, ganadora del Premiu “Fierro Botas“ d’ensayu en 2008.

Hai cinco años asoleyó “Llingua asturiana y movimiento obreru (1899-1937)”, y agora publica “Discursos llingüísticos y movimientu obreru na Asturies decimonónica” ¿Ye esti un trabayu d’ampliación del anterior, vien a completalu?
Tengo que facer una precisión nesti sentíu. Realmente esti trabayu nun ye que lo escriba cuatro años depués del otru. Publícase agora por mor que ganó’l Premiu “Fierro Botas” en 2008, pero escribilu malpenes unes meses depués del primeru. Daquella lo que fixi foi ampliar el númberu de llectures. En realidá nun me dediqué a rescribir lo que yá tenía sobre’l primer terciu del sieglu XX, sinón escribir sobre’l sieglu XIX, ente otres coses porque depués de presentar el primer trabayu muncha xente preguntóme qué pasaba nel XIX, y yo nun sabía que responder. Esti trabayu nuevu ye un complementu al otru, lo que cambia ye l’espaciu temporal, y tamién la persona, l’investigador, que tien munches más llectures y qu’apuntó les crítiques que-y fixeron respective a “Llingua asturiana y movimientu obreru”. Esti llibru acabante de salir escribilu en 2005, y depués incorporé dalgunos otros trabayos renovadores como los de Sergio Sánchez Collantes sobre’l republicanismu. En cuantes al conteníu, evidentemente hai que conseñar que’l movimientu obreru nun ye’l mesmo nos años venti del sieglu XX, yá formáu que l’inicial del XIX. Digamos que pa dambos fixi la mesma pregunta pero les respuestes son distintes.

(more…)

Read Full Post »

Older Posts »