El Conseyu de Gobiernu aprueba la Minor d’Asturianu

D. BARREIRO

El Conseyu de Gobiernu del Principáu aprobó güei los nuevos graos universitarios, ente los que ta ‘Llingües Modernes y les sos Lliteratures’, nel que s’inclúi’l Minor d’Asturianu.

Asina, el Principáu dio-yos el preste a los decretos pa la implantación de les enseñances oficiales de 22 graos na Universidá d’Uviéu, lo que supón el camudamientu de les titulaciones esistentes a los planes del Espaciu Européu d’Educación Superior, que van entrar en vigor el próximu cursu 2010-11.

Read Full Post »

Xulio Viejo: “Hai que salvar la minor na próxima revisión de planes”

D. BARREIRO

Pa Xulio Viejo la nueva titulación de filoloxía supón una meyora, pero tamién un retu, yá que les titulaciones van analizase constantemente y si nun se cumplen los oxetivos puen quitala.

El profesor, ún de los mayores espertos de l’asturianística, faló de la nueva minor d’asturianu nes Xornaes ‘Llingua y Educación’, empobinaes por Suatea y celebraes nel Centru Municipal d’El Llanu esti pasáu fin de selmana.

Read Full Post »

D’Andrés: “Tenemos la suerte de que nun hai controversia ortográfica”

Ramón d’Andrés (Madrid, 1959), ye’l direutor del Seminariu de Filoloxía Asturiana, ex direutor de la Oficina de Política Llingüística y una de les personalidaes de l’asturianística.

¿Qué ye’l Seminariu de Filoloxía Asturiana?
Ye un grupu d’investigación constituíu formalmente, onde profesores ya investigadores s’axunten en dalgo que tien el reconocimientu de la Universidá. Fundóse en 2002 y mueve una serie de proyeutos d’investigación dirixíos caún por un profesor. Por exemplu, Xulio Viejo dirixe’l proyeutu Eslema de corpus llingüísticu oral y escritu del asturianu. Yo toi dirixendo l’ETLEN, un estudiu sociollingüísticu na zona de transición del Eo-Navia.

Read Full Post »

García Arias; “Hubo xente averao al poder que collaboró pa que los sensatos y pensantes la entamaran contra mí y contra la llingua que defendía”

D. BARREIRO

Dende qu’un 20 de xunetu de 1974 la revista “Asturias Semanal” espublizara una entrevista a trés profesores universitarios embaxo’l títular “Hablemos en bable”, la situación de la llingua y d’Asturies camudó abondo. Ún d’esos trés profesores yera Xosé Lluis García Arias, que ta acabantes de ser nomáu caderalgu de Llingua Española, dempués de que fai 22 años los contrarios a la normalización tórgaran-y un honor que merecía por meritos propios. Dempués d’aquella entrevista ñació l’asociación Conceyu Bable, de la qu’Arias foi’l primer presidente, y años más tarde l’Academia de la Llingua Asturiana, qu’él dirixó los venti primeros años. García Arias fala con Asturies.com del pasáu y del presente, tamién de la so visión de futuru, de los fechos que marcaron la situación del asturianu y del propiu país.

Read Full Post »

Gotor defende’l “progresu en conteníos” de la llingua na Universidá y Fernández de Castro fala de “falta de llibertá”

El rector de la Universidá d’Uviéu, Vicente Gotor, defendió güei la so política sobre la llingua asturiana na Universidá, demientres la sesión del Claustru na que se diba aldericar sobre la reforma estatutaria, votación que quedó aplazada pa dempués del branu. Esti tema foi ún de los que más tensión xeneró, cola intervención del profesor Félix Fernández de Castro, que se quexó d’una supuesta falta de llibertá pa falar sobre esti tema.

Gotor indicó que “sigue progresándose en conteníos de la llingua asturiana”, en cuanto a la presencia del idioma na Universidá. Al respeuto, Félix Fernández de Castro –que denunció supuestes amenaces por oponese a la inclusión del asturianu como llingua A nun títulu de grau, na propuesta de la facultá de Filoloxía pa la so adautación al Espaciu Européu d’Educación Superior– apuntó na so intervención que “nun pue dicise que n’Asturies haya llibertá pa falar sobre l’Asturianu”.

Read Full Post »

Defensa de la llingua

RAMÓN D’ANDRÉS

Como yá dixi va poques selmanes, toi convencíu de que llograr avances pal asturianu enxamás ye regalao: cuesta siempre un trabayu que trespasa lo razonable. Pero hai que facelu, porque l’accesu directu a oxetivos máximos tanos siempre vedáu. El fechu de llograr poner la Llingua Asturiana ente les futures titulaciones reglaes de la Facultá Filoloxía, na votación del pasáu 20 de noviembre, ye un episodiu mui ilustrativu. Como se recordará, la primer propuesta de l’antigua decana -que tolos profesores asturianistes apoyemos- resultó achaplada por una emienda contraria a la presencia del asturianu nos estudios reglaos. Esto asocedía en xunu. La situación yera mui esmolecedora, porque l’asturianu perdía una votación con una diferencia apreciable de votos, creando un precedente mui gafu dientro la Facultá; creábase una situación permala nun momentu decisivu pal so futuru académicu dientro les nueves titulaciones del espaciu européu; y, pa detrás, too ello dexaba l’asturianu n’abertal, ensin posibilidaes de plantear nada realista y al mesmu nivel de lo yá refugao pola Facultá meses primero. Y ye que l’asturianu siempre tuvo garráu con pinces na nuestra Facultá, y eso entós quedaba mui n’evidencia. Creo que cualesquier persona pue entender lo delicao de la situación. En resultes, había que filar fino si queríemos nun echalo too a perder definitivamente.

Read Full Post »

Quince años para reordenar la llingua

Ha sido como esa decisión salomónica que no satisface a nadie pero que contenta a todos. El generosamente mayoritario acuerdo alcanzado esta semana por la Facultad de Filología sobre el futuro de los estudios de asturiano ha tenido la virtud de aunar en un solo sentido de voto la mayor parte de las distintas corrientes lingüísticas de una facultad tradicionalmente dividida. La suma de 63 voluntades sobre las 27 de diferente sentido la consiguió la conversión del actual título propio de especialista en otro de carácter complementario, denominado ‘minor’, que se cursa paralelamente a una filología, que tiene un coste económico mucho menor que el actual, y que mantiene idénticas atribuciones para impartir docencia en asturiano.

Read Full Post »

La Facultá de Filoloxía d’Uviéu aprueba la propuesta de crear un Minor de Llingua Asturiana col 70% de los votos

La Xunta de la Facultá de Filoloxía Asturiana aprobó güei la propuesta del decanu, José Antonio Martínez, de creación d’un Minor de llingua Asturiana (bloque d’asignatures de 48 creitos) con un 70% d’apoyu de los profesores presentes na votación a la que se sometió la propuesta.

L’alcuentru, celebráu esta mañana, tenía como oxetivu dar el vistu bonu a la propuesta de Títulos de Grau plantegada pol Decanatu, de cara a los futuros estudios de Filoloxía, tres la reforma de los estudios universitarios p’adautalos al Espaciu Européu d’Enseñances Superiores (EEES). El decanu proponía la creación de cinco títulos de grau (actuales carreres), compuestos por un Maior (120 creitos), combinable con un Minor. Ente los Minores, figura’l d’asturianu.

Read Full Post »

Los profesores de Filoloxía van votar el xueves la propuesta del decanu, qu’inclúi cinco títulos y un Minor d’asturianu

La Xunta de la Facultá de Filoloxía de la Universidá d’Uviéu va someter a votación el próximu xueves la propuesta sobre la nueva ufierta de titulaciones del decanu, José Antonio Martínez, qu’inclui un total de cinco títulos de grau (actuales carreres), ente les que va tar, como principal novedá, un Minor d’asturianu (bloque d’asignatures que va sumar un total de 48 creitos).

Los profesores tán convocaos a les 10.30 hores a una sesión na que van tener que decidir si acepten o refuguen la nueva configuración que propón el decanu, como alternativa a la propuesta de l’anterior responsable del cargu, Ana Cano. Naquella ocasión incluyíase la posibilidá de cursar dientro del Maior del títulu de grau Llingües Modernes, un bloque d’asignatures d’asturianu como Llingua A, que sumaba un total de 72 creitos, o bien otru de 42 creitos, como LLingua B, o como Minor. La propuesta aprobóse de primeres, pero dempués tamién s’aprobó una enmienda del profesor Félix Fernández de Castro contraria a la ufierta d’asturianu, lo que provocó la dimisión de la responsable de la Facultá.

Read Full Post »

Xulio Viejo: «Pa empezar, ye razonable’l ‘minor’»

Según pudo saber esta redacción, el próximu xueves 20 de payares va celebrase la Xunta de la Facultá na que se va votar, por aciu de la enmienda del profesor Félix Fernández de Castro, si s’acepta o non un «minor» de llingua asturiana. L’equipu de gobiernu de la Facultá, dirixíu pol decanu José Antonio Martínez, vien trabayando dende hai delles selmanes nuna campaña de sensibilización pa llograr el «minor», lo que diba garantizar un encaxe razonable de los estudios de llingua asturiana na Facultá de Filoloxía. Esta opción, otra manera, ye «la «unica viable» al dicir del profesor Xulio Viejo, que va ser l’encargáu de defendela na Xunta del xueves, y que nos adelantra les sos opiniones nesta entrevista.

Defende usté que la opción del «minor» pa los estudios d’asturianu na Facultá de Filoloxía ye nesti momentu la única viable. ¿Por qué?
Por cuestiones puramente administratives, lo único que podemos votar na Xunta de Facultá de la próxima selmana ye «minor» sí o «minor» non. Ayeri [xueves 13 de payares] ciarróse’l plazu pa presentar enmiendes y nun se presentó nenguna en sentíu contrariu. Quiero dicir: nun se presentó nenguna pidiendo un incrementu de docencia. Polo tanto, ta dándose un debate social qu’en bona midida ye irreal. Discútese na cai si’l «minor» ye poco o muncho pero en realidá naide solicitó más.

Read Full Post »