Iniciativa pol Asturianu dedica’l tercer seminariu de la oficialidá a los modelos de normalización y a la tresmisión xeneracional

Iniciativa pol Asturianu dio a conocer el programa completu del III Seminariu “Oficialidá, el camín constitucional de futuru pal asturianu” que se va desendolcar el vienres 21 y sabadu 22 d’abril nel Aula Magna del Edificiu Hestóricu de la Universidá d’Uviéu.

Dientro del III Seminariu que va inaugurar Ignacio Villaverde, rector de la Universidá d’Uviéu, van desarrollase diferentes ponencies y alderiques pa conocer la situación del idioma y les opciones d’oficialidá. L’alcuentru va entamar con una ponencia del abogáu Nicolás Bartolomé baxo’l título ‘Los modelos d’oficialidá de les llingües d’España. Opciones pal consensu constitucional’.

Read Full Post »

Entrevistamos a los fundaores de la primer empresa de telefonía que fala a Asturies na so llingua “Creyemos nel consumu llariegu como la meyor manera d’afrontar el futuru prósimu na situación na que tamos, pues sofitando empreses ya iniciatives asturianos construyimos un futuru meyor pa la nuestra sociedá”

Recién salió al mercáu Nordés, una nueva compañía de telefonía móvil asturiana con sede n’Avilés y perspeutiva asturiana qu’ufre dos ventaxes comparatives perinteresantes perriba d’otres operadores móviles: l’usu del asturianu y l’atención personalizada “ensin mensaxes grabaos”. Xicu Mata y Félix Fernández son los emprendeores qu’hai tres d’esti proyeutu

¿Qué ye Nordés? Y tamién ¿Quíenes sois Nordés?

X: Nordés ye un proyeutu pa facer un operador de telefonía móvil con raigaños nesta tierra. Pretendemos dar cobertura a un perfil de cliente que valora una forma diferente d’ufrir los servicios de telefonía dende la cercanía y con enfotu por defender los nuesos valores. Somos una empresa asturiana, afincada na nuestra tierra y que creemos y apostamos por ella.

F: En Nordés tamos como socios tres el proyectu Xicu Mata, con años d’esperiencia nel sector de la seguridá y telecomunicaciones cola so empresa Asturcón Seguridá, y yo mesmo, Félix Fernández, colo fecho n’Acuto Xuegos nesti tiempu.

Read Full Post »

Félix Fernández (Acuto Xuegos): “Vemos una necesidá de qu’haya una mayor concienciación de consumir n’asturianu”

“¿Cuála ye?” pue que nun fore, hasta agora, muncho más qu’una entruga. Sicasí, agora ye’l títulu del nuevu proyeutu d’Acuto Xuegos: Un xuegu de mesa p’adultos que va poner a prueba los nuesos conocimientos n’estayes como la historia, la xeografía, la llingua y la lliteratura o l’ociu… Pa facer posibe’l primer xuegu de mesa d’adultos, va organizase bien ceo un crowdfunding pa sofitalu al que vos podéis apuntar calcando equí.

Proyeutos como ésti faen parte de lo que ye la cultura popular asturiana, una de les estayes que más de llau quedó nes últimes décades y, quiciabes, la gran escaecida del surdimientu cultural. Con una lliteratura y una música d’oru, un teatru n’asturianu más que decente… …paez qu’ellementos d’importancia pa la cultura como los videoxuegos, los xuegos de rol, el cine o los xuegos de mesa acaben por resistísenos. D’estos últimos, de los xuegos de mesa, falamos güei con Félix Fernández, responsable d’Acuto Xuegos que mos cuenta qué tien d’especial “¿Cuála ye?”; un xuegu que nun sal de la nada, sinón que ye yá’l quintu que faen. Si queréis descubrilu, nun vos perder esta entrevista. Y si vos presta, nun dexéis de sofitalu.

¿Cómo se llama’l xuegu que vamos ver?
El xuegu llamáse ‘¿Cuála ye?’ y d’apellíu, por dicilo de dalguna manera, va tener ‘El xuegu de preguntes d’Asturies’.

Read Full Post »

Acuto, xuegos n’asturianu: facía falta facelo y fízose

La perda la llingua materna entama en cuantes que tolos estimulos esternos -tele, xuegos, escueles- se dirixen a la reciella n’otra llingua. Entrevistamos a Félix Fernández, d’Acuto Xuegos, que da un pasu alantre pa iguar esti problema, ufriendo a los neños y neñes asturianos la posibilidá de xugar na so llingua

Preséntanos el vuesu proyeutu… ¿Qué ye Acuto?
Acuto Xuegos ye una iniciativa de calter familiar qu’entamamos la mio pareya, Mamen, y yo. Ñaz tres d’unos meses de da-y vueltes a la idea y de dir buscando la manera de facela viable.

De siempre pensamos qu’había un vaciu pergrande en xuegos n’asturianu pa la reciella. Hai una situación ideal que sedría que neños y neñes crecieren teniendo presencia del asturianu na escuela, na programación de la tele, na música, na ufierta cultural de los conceyos y nos xuegos y xuguetes. Nunos aspectos de mui buena manera n’otros menos tan dándose pasinos en too esto y faltaba qu’entamara a haber una ufierta de xuegos y xuguetes.

Read Full Post »

“Los neños puen pasalo bien n’asturianu ensin problema nengún”

DAMIÁN BARREIRO

Esti 21 de febreru empezaron les actividaes que punxo en marcha l’asociación Reciella (Families pol asturianu) y la Estaya de la Llingua d’Avilés. Van ser un conxuntu de diez espectáculos que se van celebrar a lo llargo d’esti añu y que, como espliquen Félix Fernández, miembru de Reciella, y Montse Machicado, encargada de la Estaya; quieren ayudar a tresmitir l’idioma ente los asturianos más piquiñinos.

¿Cómo surdió esta collaboración?
Félix Fernández- L’asociación nació pa facilitar la tresmisión de la llingua a los más neños, dalgo que ye complexo dientro del ámbitu familiar –porque los neños perciben la falta de prestixu del idioma- y, sobre too, fuera d’esti; tol entornu social ye contrariu a esa tresmisión. Por eso, l’añu pasáu vinimos presentanos al serviciu de normalización y surdió la idea de trabayar nesi sentíu.

Montse Machicado – Ellos espresaron la so esmolición porque n’Avilés nun había actividaes pa los más neños na so llingua propia. Evidentemente, había munches otres coses, pero como pas y mas falantes d’asturianu nun teníen una programación específica pa los sos fíos. L’añu pasáu, por cuestiones presupuestaries, foi una programación mui curtia, pero esti añu yá se planteó como un ciclu y como dalgo que va siguir.

Read Full Post »

La Estaya de la Llingua coordinará durante el año un programa de actividades infantiles

A. P.

La Estaya de la Llingua, en colaboración con la Asociación Reciella, desarrollará durante este año diferentes actividades infantiles para facilitar y promocionar el uso del asturiano entre los más pequeños.

Las actividades son gratuitas y de carácter mensual, entre febrero y mayo, y de septiembre a diciembre, en la Factoría Cultural a excepción de las actividades del 10 de mayo, que coincidirán con la Selmana de les Lletres Asturianes en la Antigua Pescadería. Serán gratuitas y solo necesita inscripción previa un taller de narración oral con plazas limitadas.
El concejal de Cultura, Román Antonio Álvarez, y la responsable del programa, Monsterrat Machicado, presentaron ayer el programa acompañados por Félix Fernández y Susana Sela, de la Asociación Reciella, y la actriz Olga Cuervo, que colabora en varios espectáculos.

Read Full Post »