Gómez García lleva’l XXI Premiu ‘Fernán Coronas’ con ‘Nun me preguntes cómo pasa’l tiempu’

PABLO R. GUARDADO

L’uviedín afincáu en Vaḷḷouta, Miguel Ángel Gómez García, resultó ganador del XXI Premiu de Poesía ‘Fernán Coronas’ Padre Galo. El xuráu del gallardón escoyó la so obra ‘Nun me preguntes cómo pasa’l tiempu’ como la meyor de les presentaes a concursu.

El xuráu del premiu, presidíu por Félix Ferreiro y formáu por Carmen Guardado, Mar Madera, Susana Sela –que fixo les veces de secreatria– y Inaciu Galán, aconceyó ayeri pela tarde en Cadavéu, alcordando por mayoría conceder esta edición del reconocíu gallardón lliterariu que lleva’l nome d’ún de los escritores de referencia de la historia de la llingua asturiana a Gómez García. D’esta forma, l’escritor con domiciliu nel conceyu de Cuideiru asocede nel palmarés del Fernán Coronas al candasín Xurde Fernández, que llevó l’añu pasáu’l concursu qu’entama la Sociedas Popular de la Regalina pol poema ‘Difícil’.

Read Full Post »

La Casa del Padre Galó acoyía esta fin de selmana la V edición de la Xunta d’Escritores en Llingua Asturiana

La casa natal del Padre Galo, en Cadavéu (Valdés), acoyó esti sábado, 16 de payares, la V edición de la Xunta d’Escritores en Llingua Asturiana, que desenvolvió un programa d’actividaes nel que xugó un papel destacáu l’análisis de la presencia de la llingua asturiana nos medios de comunicación, asina como nes escueles, nes biblioteques y na familia.

La Xunta tuvo organizá pol Ayuntamientu de Valdés, al traviés de la so Casa de Cultura y Biblioteca “Joaquín Rodríguez” y nesta edición tuvo tamién un llugar destacáu’l Premiu de Poesía “Fernán Coronas”, con un alcuentru de los poetes ganadores del mesmu a lo llargo de los últimos años, que realizaron un recital poéticu con poemes de los sos trabayos galardonaos.

Read Full Post »

Ánxel Álvarez Llano faise col XVII Premiu de poesía Fernán Coronas

La Sociedá Popular de La Regalina dio anuncia del resultáu del so concursu de poesía, dedicáu al padre Fernán Coronas, escritor clásicu asturianu. La Casa Natal del Padre Galo sirvió d’espaciu pa dar a conocer al ganador, que nesti casu foi Ánxel Álvarez Llano, pol poemariu “Ensin salir de casa”.

El xuráu tuvo formáu por José Luis Rendueles, Carmen Guardado, Dori Méndez, Mar Marena y Félix Ferreiro, que destacaron “el precisu y estrictu usu de la llingua, la coherencia formal de tolos poemes y l’algame d’un ritmu tresparente y sonoru”.

Read Full Post »