El letrado de la Junta considera necesario cambiar el reglamento si se quiere usar el asturiano

MIGUEL ROJO

Estaba previsto que ayer se debatiese en la junta de portavoces de la Junta General el informe del letrado mayor sobre el uso del asturiano en las convocatorias que se hagan en sede parlamentaria, pero un fallo informático impidió que los grupos lo recibiesen a tiempo durante el fin de semana para poder estudiarlo. Así que será el próximo lunes cuando decidan cómo abordar la problemática surgida después de que, tras una iniciativa del PP, se prohibiese el uso de la llingua asturiana junto al castellano a la hora de realizar las convocatorias de la comisión que estudiará en la Junta, precisamente, el régimen de protección del asturiano. En su informe, el letrado mayor, Alberto Arce, analiza exhaustivamente toda la legislación al respecto y concluye que si se quiere usar el asturiano en las comunicaciones internas de la Junta es necesario cambiar el reglamento, para que no haya problemas de índole jurídico. «La cuestión del bable en la junta debería ser objeto de una regulación completa y coherente, para que los diputados sepan a qué atenerse», recomendaba. Distingue el letrado entre el uso del asturiano «en la Junta», algo que no presenta mayores problemas jurídicos, y el uso del asturiano «por la Junta», que sí podría causarlos.

Esta polémica se inició porque Izquierda Unida pretendía poder realizar comunicaciones y convocatorias bilingües en la mencionada comisión, pero el PP, con Mercedes Fernández presumiendo al día siguiente de su «logro» en las redes sociales, apostó por no permitir ese guiño a la llingua asturiana aduciendo que el único idioma oficial en Asturias es el castellano. Tras el preceptivo informe de los servicios jurídicos, el PSOE optó por apoyar la postura del PP, como también lo hizo Ciudadanos y Foro, dejando así en minoría a IU y Podemos.

Read Full Post »

PP, PSOE y C’s torguen otra vuelta l’usu del asturianu na Xunta Xeneral

Si daquién tenía dalguna duda, la xunta de portavoces resolviérala esti llunes 15 cuando’l PSOE y Ciudadanos xuníense al PP pa torgar otra vuelta usar l’asturianu na Xunta Xeneral, nesti casu pa convocar una comisión pa falar del idioma, amosando que namái la oficialidá pue igual el problema y que la llei d’usu ye papel moyao.

Nun fizo falta más que sentir al PP con dir a los tribunales pa que Fernando Lastra, en nome del PSOE, camudara les sos pallabres y la so opinión de la selmana pasada pa torgar el pasu al asturianu: de nun paece-y mal que s’emplegara l’asturianu nes convocartories de la “Comisión non permanente d’estudiu sobre’l réxime de protección y promoción del asturianu” a camentar que como la llingua nun se contempla nel reglamentu de la Xunta nun se puen “buscar subterfugios” pa favorecer lo que nun s’alcuentra regulao. En principiu, la Llei d’Usu obligaría a que se regule, pero paez que ta meyor ensin regular, pa poer emplegar esa disculpa siempre que-y pruya al PSOE o al PP.

Read Full Post »

IU propón que se convoque a los diputaos de la Xunta n’asturianu y el PP opónse

La diputada d’IU na Xunta Xeneral del Principáu d’Asturies Concepción Masa propunxo esti llunes que puea convocase n’asturianu a los diputaos pa la Comisión especial d’estudiu sobre’l réxime de protección y promoción del Asturianu y les sos distintes alternatives. El PP opúnxose frontalmente.

Anque’l voceru d’IU nel parlamentu asturianu, Gaspar Llamazares, nun se refirió al asuntu na so comparecencia selmanal ante los periodistes tres la xunta de los representantes de los grupos, foi la so homóloga del PP, Mercedes Fernández, la que reveló que falara del tema y qu’ellos taben en contra dafechu.

Read Full Post »

Reacciones a la non oficialidá (II)

José Manuel Pérez: «Nun parez razonable facer, de la excepción, norma»

Los alcuerdos algamaos na ponencia pa la reforma estatutaria tán xenerando bien de crítiques dende’l puntu de vista xurídicu por cuenta de la decisión de que dellos puntos precisen pa la so aprobación una mayoría de dos tercios, como ye’l casu de la teórica llei que regularía l’usu y promoción del asturianu. Asina lo pon de manifiestu’l profesor de Derechu Alministrativu de la Universidá d’Uviéu, José Manuel Pérez, qu’explica qu’esti tipu de mayoríes namás se requieren pa casos mui excepcionales, polo que nun-y parez «mui razonable que se faiga de la excepción norma». Esta mayoría, amás de pal asturianu, demándase pa lo que son los órganos institucionales o la llei electoral. Sicasí, nun se requier pa cuestiones como crear la policía autonómica o’l Conseyu de Xusticia.

Otru aspectu nel que s’amuesen discrepancies pa col textu redactáu na ponencia ye l’aseveración de qu’Asturies «asume los valores de la Unión Europea» y de que va «cuidar pol cumplimientu de los sos oxetivos». «Esto nun ye asina, principiando porque nun se respeta la Carta de los Derechos Fundamentales de la Unión Europea», apunta’l xurista. Esti documentu diz nel artículu 21 que «se prohíbe toa discriminación, y en particular la exercida por razón de sexu, raza, color, oríxenes étnicos o sociales, característiques xenétiques, llingua, relixón o convicciones, opiniones polítiques o de cualquier otru tipu, pertenencia a una minoría nacional, patrimoniu, nacimientu, discapacidá, edá o orientación sexual». De siguío, l’artículu 22 explicita que «la Unión respeta la diversidá cultural, relixosa y llingüística».

José Manuel Pérez tamién cuestiona delles de les afirmaciones que se tán faciendo nestos díes, como l’argumentu dau pol diputáu socialista Fernando Lastra de que reconocer una carta de derechos ye anticonstitucional: «El Tribunal Constitucional ta diciendo tolo contrario y bien d’estatutos yá incluyeron esa carta ensin que naide se pronunciare en contra. Y, amás, les normes tán fundamentalmente pa eso: pa reconocer derechos».

Leopoldo Tolivar: «Si’l PP mantuviere otra actitú, yera fácil que ficiere movese al PSOE»

Leopoldo Tolivar Alas, catedráticu de Derechu Alministrativu na Universidá d’Uviéu, comentó, tres de la propuesta del grupu parlamentariu socialista sobre la redacción del artículu cuartu del Estatutu, que fala de la llingua asturiana, que «yera lo previsible». Amás, dixo que «si’l PP mantuviera, como dixo nun principiu, otra actitú, yera fácil que ficiera movese al PSOE un migayín. Menos la mención al gallego-asturianu, que ye xusto, el resto ta igual, nun siendo la cuestión terminolóxica de “asturianu” por “bable”». Tolivar sorrayó que «siempre tuvi convencíu de que, nesta materia, nun diba haber cambios».

Read Full Post »

L’asturianu siguirá ensin oficialidá

Los grupos parlamentarios cierren l’artículu que tien que ver cola llingua asturiana denomando al asturianu y al gallego-asturianu como “patrimoniu llingüísticu”, qu’axunta un valor social de respetu, convivencia y entendimientu. Recueye al mesmu tiempu’l deber del Principáu de promover y fomentar el so usu, asina como’l so espardimientu nos medios de comunicación y la so enseñanza, respetando en tou casu, les variantes.

D’esti mou el grupu que forma la ponencia estatutaria, formáu pol PSOE, PP ya IX-BA-LV, pieslla definitivamente la puerta a la cooficialidá de les llingües d’Asturies.

L’asturianu yera ensin dulda ún de los asuntos más polémicos de la refoma, nel que s’esparaba que hubiera discrepancies, por embargu l’alcuerdu ente’l PSOE y el PP pieslla l’asuntu. Asina, y según esplicó’l voceru del PSOE, Fernando Lastra, los socialistes presentaron propuestes de tolos artículos que tán presentes nel títulu preeliminar, y la que tien que ver col asturianu tuvo’l preste del PP.

Pela so parte’l cabezaleru del PP, Ovidio Sánchez, manifestó que los populares yá trabayaren xunto colos socialistes nesti asuntu, polo que partíen d’un consensu previu y poro, roblen el testu.

Pela contra IX-BA-LV volvió a defender, según indicó Jesús Iglesias, la propuesta presentada pol Conceyu Abiertu pola Oficialidá y na que se recoyía la oficialidá de la llingua.

(d’Asturies.com, 10-07-2008)

Read Full Post »