Feeds:
Antradas
Comentairos

Posts Tagged ‘FNAC’

ANTÓN GARCÍA

Nestes últimes décades, el cuentu n’asturianu ocupa un llugar de privilexu tanto pola cantidá (frente al escasu númberu que conocemos anterior al Surdimientu) como pola calidá. Pue dicise que ye’l xéneru que meyor ta faciendo’l retratu d’esta sociedá, quiciabes porque la novela tovía nun llogró’l desarrollu que s’esperaba. La variedá de cuentos permite estremar yá xéneros y autores, y dende llueu puen dase nomes de toa solvencia. Ente los cuentistes qu’a min más me presten ta Pablo Antón Marín Estrada, con esi apunte certeru que fai de les cuenques mineres asturianes, o Milio Rodríguez Cueto y la observación atenta del mundu que lu arrodia, nel que siempre atopa un motivu de refexión orixinal. Pero hai munchos más nomes, de Miguel Rojo a Xuan Bello, de Paquita Suárez Coalla a Francisco Álvarez, de Xandru Fernández al mui lliterariu Sánchez Vicente, pasando por Montserrat Garnacho, Carlos Rubiera, Pablo X. Suárez, Xabiero Cayarga, Xulio Viejo, Adolfo Camilo Díaz o Quique Faes, por citar namás los que se me vienen agora a la cabeza. (more…)

Read Full Post »

Esti 2011, la FNAC de Parque Principado (Siero) convocó’l I Premiu de Relatu n’Asturianu. El ganador foi David Fernández, col orixinal tituláu La vuelta.

La vuelta, publicáu por Suburbia Ediciones, preséntase’l vienres 25, a les 19 hores, na FNAC.

(de Suburbia Ediciones, 24-11-2011)

Read Full Post »

La FNAC de Parque Principáu cumple 10 años y pa celebralo convoquen un concursu de rellatos n’asturianu. Al mesmu, van poder presentase toles persones que lo deseen con obres orixinales y inédites n’asturianu y nun premiaes n’otros concursos. El tema va ser llibre y la obra ganadora va formar parte del primer llibru de rellatos n’asturianu publicáu pola FNAC.


(more…)

Read Full Post »