Feeds:
Antradas
Comentairos

Posts Tagged ‘Formientu’

Diego Solís (Xixón 1991) ye ún de los poetes más destacaos de la última xeneración d’escritores asturianos. Ganador del Asturias Joven de Poesía en 2018, tien escrito tanto n’asturianu como en castellán y asoleyaos bien de poemarios como Hágase abril (Ruleta rusa), Cállanos con esa música (Impronta) o Y el mundu marcha (Saltadera). Amás,dirixe’l programa La cla invisible de Play Presta. Xunto a ello, co-dirixe Formientu y fundó Fame Poétika, grupu col qu’organizó bien de timbes poétiques en dellos puntos d’Asturies.

Güei, el poeta xixonés siéntase con nós pa charrar del so proyectu nuevu, Volvemos en 6 minutos, onde axunta poesía, imaxe y soníu nun solu llibru.

Codirixes Formientu y tuvisti presente en les timbes poétiques de Fame mientres bien d’años. Ello ye, tas pronto de la poesía siempres. ¿Cómo foi cambiando nestos últimos años esti xéneru?

Va unos años hebo un “boom” de poesía en directu que, magar de que sigue teniendo ciertu tirón, yá nun ye lo que yera. Esto pudo afectar na poesía que se fixo, anque yo reconozo que poca de la poesía pensada pal directu espublicé en papel posteriormente; igual el poema “Manques” precisamente asoleyáu nesta revista y poco más. Agora creo qu’hai una vuelta al llibru físicu como talu. Puede que tamién eso influya y cada vez haya menos poesía prosificada y pensada pal recitáu públicu. Creo que sigue asentáu l’usu del versu llibre y que’l llector busca ediciones guapes y cuidaes. En “Volvemos en 6 minutos” al menos aposté por esa llínia d’una manera mui radical, anque en directu les veces que recité dalgún funcionó mui bien pol tonu autoparódicu que tien el llibru. Seya como fuere, too sirve y de toos se puede deprender, yo siempre respeté a toles propuestes que son a llegar a la xente.

(more…)

Read Full Post »

PABLO R. GUARDADO

El I Concursu de Guión de Curtiumetraxe n’Asturianu y Gallego-asturiano Formientu, convocáu nel marcu del #FormientuEnCasaFest, foi pa la obra ‘De cuando l’agua’ de Fernando de Luxán. L’actu d’entrega del premiu va celebrase esti sábadu na sede de Cuatro Gotes Producciones.

La charra-taller virtual de Pablo A. Quiroga, responsable d’Algamar Producciones, ‘El guión nel curtiumetraxe asturianu’ dientro de la iniciativa entamada por Formientu pa poner en valir la cultura asturiana pel confinamientu pol estáu d’alarma pandemia de COVID-19, sirvió de xerme a esta iniciativa, que consistía nel unvíu de guiones inéditos pa curtiumetraxes de temática llibre. La participación foi “abondante”, apunta la organización, con dos trabayos gallardonaos pol xuráu, quedando ermu’l tercer premiu.

(more…)

Read Full Post »

NURIA PRENDES

Formientu remembra con un retu en redes que’n circunstancies normales, estos díes cellebraríase la XLI Selmana de les Lletres Asturianes, aplazada por agora a Ochobre por mor del andanciu

La plataforma lliteraria Formientu caltúvose especialmente activa demientres l’empreslle causáu pol coronavirus, gracies al so festival online #FormientuEnCasaFest, que suma agora 2 meses y más de 60 actos culturales col asturianu como llingua vehicular, sumando cerca de 80.000 espectadores y qu’entama agora la so cuarta -y esperamos que cabera- fola.

(more…)

Read Full Post »

La plataforma lliteraria Formientu.com pon en marcha estos díes y coincidiendo cola aisllamientu de la población pola mor del andanciu de coronavirus, un ciclu cultural embaxo’l títulu #FormientuEnCasaFest. La idea d’esti festival virtual ye ufrir a la xente actividaes lliteraries y culturales que valgan pa face-yos pasar el tiempu d’esti enzarru nes cases y poner en valir la importancia de la cultura asturiana y la llingua asturiana nun momentu como esti.

El festival tien previstes actividaes dende esti miércoles 18 y hasta’l llunes 30 de marzu, anque la idea ye siguir ampliando programación mientres dure la cuarentena nes cases y en función del ésitu de la convocatoria. Les actividaes van facese al traviés de cámara web y en directo dende les cases de los protagonistes de cada actividá,

(more…)

Read Full Post »

La revista lliteraria Formientu, que sal en papel dende l’añu 2006 y ta codirixida polos escritores Diego Solís y Claudia Elena Menéndez, llega con un númberu nuevu a les llibreríes d’Asturies y col oxetivu de siempres, dar visibilidá a los y les escritores mozos n’asturianu.

La revista llega con esti al númberu 17 y la primer presentación va tener llugar esti miércoles 10 de xunetu a les 20:45 hores na Carpa de la Pallabra de la Selmana Negra de Xixón, cola presencia de los directores y d’Inaciu Galán, de Cuatro Gotes Producciones, encargada de la xestión editorial.

(more…)

Read Full Post »

El director de la revista Formientu, l’escritor Diego Solís, va presentar esti miércoles 22 de mayu «Cállanos con esa música», poemariu billingüe, con más o menos una metá de poemes n’asturianu y otra en castellán. Inaciu Galán va facer la convidada a la llectura del llibru nel actu.

El llibru foi ganador del Premiu Asturies Xoven de poesía en 2018 y va presentase xunto al restu de ganadores de les categoríes de novela y teatru, a les 19.30 hores, na Biblioteca d’Asturies «Ramón Pérez de Ayala», asitiada na Plaza Daoiz y Velarde, n’Uviéu.

(more…)

Read Full Post »

Esti vienres 28 d’avientu va tener llugar el ‘Cimavilla fest’ un pequeñu festival multidisciplinar nel que participen distintos grupos y colectivos artísticos de xente mozo de Xixón, ente los que ta Fame Poétika, venceyáu tamién a la revista Formientu que mañana va desendolcar un recital poéticu n’asturianu y castellán.

Sedrá a les 19.30 hores na Sidrería Tabacalera de Cimavilla, nel Campu les Monxes o Plaza’l Llavaderu. Diego Solís, codirector de Formientu y presentador del eventu diz que “ye una mena de llegar a la xente, el fechu de facer recitales en barrios y en llugares que nun principiu nun s’asocien a la lliteratura ye una bona noticia y creo que fala del bon momentu nel que tamos nesi sen”. Nel actu van recitar autores como Aida Escudero, Inaciu Galán o Blanca Fernández.

(de Formientu, 27-12-2018)

Read Full Post »

La revista lliteraria Formientu, que sal en papel dende l’añu 2006 y ta codirixida polos escritores Diego Solís y Claudia Elena Menéndez, pon en marcha agora una nueva iniciativa na rede, la plataforma lliteraria formientu.com, una completa páxina web dedicada a la lliteratura asturiana que va siguir col espíritu orixinal de la revista, sirviendo como ferramienta pa la promoción de los y les autores mozos, pero tamién como un espaciu nel que difundir en xeneral la lliteratura escrita n’asturianu y en gallego-asturianu.

En pallabres del editor y críticu lliterariu Antón García, “pa siguir la evolución lliteraria de lo más nuevo n’asturianu resulta imprescindible Formientu”, y nesi espíritu, l’oxetivu de la nueva plataforma dixital ye convertise nun espaciu imprescindible pa conocer l’actualidá de la lliteratura asturiana.

(more…)

Read Full Post »

LibrOviedo abrirá sus puertas el próximo 4 de mayo en una edición aún más especial, pues cumple 25 años, y lo hace con la misma ilusión de acercar los libros y la lectura a los visitantes. Presentaciones, encuentros, debates, talleres infantiles, cuentacuentos, etc, son algunas de las actividades que durante los diez días de feria se presentará ante el público. Un acontecimiento festivo y cultural en el que también tendrán cabida el teatro en la calle o el cine al aire libre. Un amplio y variado programa para poner la guinda a este 25 Aniversario.

(more…)

Read Full Post »

PABLO R. GUARDADO

La Casa Cultura de La Pola Llaviana acueye esti vienres l’actu d’entrega de premios del III Requexu Lliterariu El Xarabatu, dirixíu a les escolines y escolinos de los colexos Elena Sánchez Tamargo y Maximiliano Arboleya, de Los Barreros. Ésti cuenta tanto con estaya de rellatos como de dibuxu.

El Xarabatu, con René Durán a la cabeza, entama per tercer añu esti concursu que tien l’oxetivu “incentivar a los neños a la escritura, a la imaxinación, al dibuxu, demostrando que la Llingua Asturiana ta más viva que nunca y que tien futuru, amás de romper cola xeneralidá de los concursos solo en castellán”. D’igual forma, escúeyese la cercanía cola Selmana de les Lletres Asturianes pal entamu d’esti eventu cola intención de da-y visibilidá en Llaviana a esta celebración.

(more…)

Read Full Post »

Older Posts »