Feeds:
Antradas
Comentairos

Posts Tagged ‘Fundación Belenos’

La Fundación Belenos vieno acabante d’asoleyar “Los llavaderos del Conceyu Piloña”, un llibru que fai’l númberu 9 de la so coleición Cartafueyos de Belenos y del que ye autor l’etnógrafu piloñés Daniel Cueli Canto (Coya, 1978).

Cueli ye precisamente miembru de la Fundación Belenos y del Conseyu Editorial de la so revista Asturies, memoria encesa d’un país, y el so llibru ye’l resultáu d’un trabayu de trés años que lu llevó, ente otres coses, a censar tolos llavaderos d’esti conceyu del centru-oriente d’Asturies.

(more…)

Read Full Post »

PABLO R. GUARDADO

El sábadu finó’l plazu pa la presentación de candidatures a los diferentes Premios Timón qu’entrega l’Asociación Cultural L’Arribada mientres la Vagamar. No que correspuende a los gallardones lliterarios, nesta edición aspiren los escritores nacíos nel añu 1965 o enantes.

Pal IX Premiu Timón p’autores en llingua asturiana y eonaviego hai un total de 19 candidatos: Lurdes Álvarez, Cristina Muñiz Martín, Esther Prieto, Xosé Miguel Suárez, Esther García López, Belén Rico, Adolfo Camilo Díaz, Taresa Lorences, Xavier Frías Conde, Ignaciu Llope, Xosé Lluís Campal, Xulio Berros, Xulio Arbesú, Alberto Cobreros Gil, Consuelo Vega, Milio’l del Nido, Carme Martínez Pérez, Xilberto Llano y Ánxel Álvarez Llano. N’ediciones anteriores reconocióse la trayeutoria de Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013) y Xosé Bolado (2014).

(more…)

Read Full Post »

El 2 de marzu pasáu zarró’l plazu de la convocatoria pa recibir candidatures a los Premios Timón 2014 nel corréu electrónicu de l’asociación: larribada@gmail.com.

Los Premios Timón destínense a reconocer la trayectoria lliteraria de los escritores d’Asturies. Pa esta edición, nes estayes lliteraries, opten a los gallardones los/es escritores que nacieren nel añu 1.964 o antes. Trátase del VIII Premiu Timón, p’autores en llingua asturiana y n’eonaviego, y del V Premio Timón, p’autores asturianos en llingua castellana.

Igualmente, prémiase tamién a asociaciones, sociedaes y fundaciones con sé n’Asturies que tengan como fin la conservación y promoción de la identidá cultural de nueso, per aciu del II Premiu Timón de Cultura Asturiana. (more…)

Read Full Post »

La Xunta Xeneral ta tramitando la segunda llei de reforma del sector públicu, que va regular, sobre manera, la Radio Televisión del Principáu d’Asturies (RTPA), axustándola a la llei audiovisual nueva y a los criterios d’austeridá. Ye de reseñar que la llei actual señala ente los sos oxetivos la promoción de la cultura y la educación, «con especial protección del bable, mediante la promoción del so usu y espardimientu nos medios de comunicación social». Sicasí, esa especial protección nun llegó a más d’un 5% de la emisión na TPA y un 2% en RPA, mentes que na web rtpa.es l’asturianu cuasi nun existe. Por eso, a los firmantes d’esti manifiestu paez-yos “que resulta evidente que la llei tien que valir pa recoyer esplícitamente la necesidá de que la televisión y la radio autonómica xueguen un papel fundamental nel procesu de normalización social del idioma”. (more…)

Read Full Post »

La Fundación Belenos ta acabante d’asoleyar el númberu 33 de la so revista, “Asturies, memoria encesa d’un país”, onde amás de les sos estayes fixes asoleya dellos trabayos de distintes temátiques y autores.

El númberu 33 de la revista Asturies de la Fundación Belenos ya ta asoleyada. Amás de les estayes habituales, como “Memoria Gráfica d’Asturies” (nesta ocasión dedicada a la caza del bardión asturianu), “L’Estoxu” y “Cartafueyos de Belenos”, la espublización recueye siete trabayos de tematiques estremaes y de dellos autores. (more…)

Read Full Post »

PABLO R. GUARDADO

Yá se conocen los nominaos primeros a los Premios Timón, que na edición d’esti añu estrena la categoría de ‘Cultura Asturiana’. El plazu pa presentar candidatura a los gallardones añales de L’Arribada fina’l 2 de mayu al meudía.

Los aspirantes, hasta’l momentu, pa llevase’l primer Premiu Timón de Cultura Asturiana, “destináu a asociaciones, sociedaes y fundaciones con sé na nuestra comunidá autónoma que tengan como fin la conservación y promoción de la identidá cultural del país”, son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Tertulia Cultural El Garrapiellu, la Fundación Caveda y Nava y l’ Asociación Cultural Ensame Sidreru. L’Asociación Cultural L’Arribada va tener en cuenta como un méritu importante a la hora de fallar el gallardón, la difusión de la llingua asturiana y/o del gallego-asturiano nes actividaes d’estos coleutivos. (more…)

Read Full Post »

DAMIÁN BARREIRO

Depués de que la conseyera de Cultura, Ana González, anunciara que’l Gobiernu va eliminar pal 2013 les subvenciones p’asociaciones, empreses y pa la industria audiovisual pol usu del asturianu, al considerar que tienen poca visibilidá social, Carlos Pulgar, portavoz de la Xunta pola Defensa de la Llingua Asturiana, afirma que la desapaición d’estes llinies «va suponer un retrocesu evidente na visivilización de la llingua nel sector comercial y cultural». Otra manera, dende Ediciones Trabe, Esther Prieto afirma que la eliminación de les subvenciones pa empreses «pon en peligru los dos premios lliterarios que convocamos y la revista gratuita Estoyu».

Y ye que partíes como les destinaes a les empreses permitíen qu’Ediciones Trabe convocara premios como’l Montesín de narrativa xuvenil o’l Trabe de Narrativa, amás de la publicación de la revista Estoyu o entamar delles iniciatives de promoción de los sos llibros. «Quitar la llinia de subvención a empreses ye quitar perres pa la promoción del asturianu, de la so cultura y de la so lliteratura, lo que redunda de manera negativa na so visibilidá, arrequexando un pelín más tolo asturiano. Anque los tiempos son malos, la miseria también hai que la saber xestionar y eso ye lo que-y pidimos al nuestru Gobiernu: que xestione con prudencia y equidá», afirma Prieto. (more…)

Read Full Post »

ALBERTO PIQUERO

El Jurado del Premio Serondaya a la Innovación Cultural, en la sección de Ciencias de la Cultura Humana, integrado por Doña Pilar Ardura Fernández, que actúó como Presidenta, Don Ismael González Arias, Don Fernando Oneroso Fernández, Don Ernesto Burgos Fernández y Don Miguel Ángel de Blas Cortina, actuando como secretario, con voz y sin voto, Don Fulgencio Argüelles Tuñón, acordó en la tarde de ayer durante la reunión mantenida en Cenera de Mieres, lugar donde reside la asociac ión que otorga estos galardones de nuevo cuño que han irrumpido en el panorama asturiano con notable repercusión, conceder el citado premio a la Fundación Belenos.

Los motivos aducidos en el acta que rubricaron unánimemente los miembros del Jurado han considerado que los méritos de la Fundación Belenos están fundamentados «por su contribución innovadora en la vertebración del territorio asturiano y su proyección e incorporación a la cultura del atlantismo europeo, destacando especialmente la utilización de la lengua asturiana como herramienta de comunicación y patrimonio de la diversidad cultural de Europa, así como el mantenimiento de proyectos singulares como la revista ‘Asturies, memoria encesa d’ un país’, seminarios de estudios asturianos, publicaciones diversas sobre las Ciencias de la Cultura Humana y otros proyectos que contribuyeron y contribuyen al mantenimiento de una cultura singular». (more…)

Read Full Post »

La Fundación Belenos acaba de publicar el numberu 32 de la revista Asturies, memoria encesa d’un país. Esti exemplar ábrese col estudiu de Jorge Camino Mayor «El Mayéu Busiá (L.lena): orixe d’una braña na Edá del Bronce». Otra manera, Alberto Álvarez Peña y Alfoso Fanjul falen de «Los torgues d’Argul (Pezós)», mentes que Manuel Mallo failo de «Les cases soportalaes d’Avilés y les sos “mirilles”», y Javier Cubero publica «Delles consideraciones alredor de Xosé Faes “Capitán de los carlistes, resurreción de Pelayo”».

Na estaya «Memoria gráfica d’Asturies», Francisco Jesús Menéndez Busta y Macario Victorero Cubiella publiquen un reportaxe sobre Llastres, la so identidá y la mar. Inaciu Hevia y Alberto Álvarez Peña analicen les peslleres, maniyes y picaportes en «Artesanía del fierro nes puertes de les cases asturianes» y Gausón Fernande fala de la hermana de Don Pelayo. (more…)

Read Full Post »

L’asociación L’Arribada organiza un añu más en Xixón la so Vagamar lliteraria. Del 10 al 15 de setiembre, el Vieyu Institutu de Xixón va acoyer los actos d’esta edición, que va cuntar con dos esposiciones. Una nel Atenéu de la Calzada, embaxo’l títulu Huella Astur 2012, con semeyes del concursu de Tierra Astur, podrá visitase del 3 al 13 de setiembre; y nel Vieyu Institutu Xovellanos, la esposición fotográfica Les dos cares d’Asia, de Carlos Espina, del 7 al 16 de setiembre.

La inauguración de los actos va facese’l llunes 10, n’El Muelle, Puertu Deportivu de Xixón. A les cinco la tarde va celebrase una visita guiada pela bahía xixonesa nel barcu ‘Cimavilla I’, dende’l Puertu Deportivu a Islla de la Tortuga y Cabu San Llorienzo y regresu al Puertu Deportivu. A les seis produciráse l’Arribada de los congresistes con una pasacais cola Banda de Gaites de Castrillón, que trescurrirá dende’l Puertu Deportivu pelos Xardinos de la Reina, cais Corrida, Tomás Zarracina, Tomás y Valiente, y Plaza del Parchís hasta’l Centru de Cultura Vieyu Institutu. Yá nel patiu del edificiu va celebrase una llectura institucional y cívica, como Homenaxe a la narrativa en llingua asturiana y gallego-asturianu. A les ocho va proyectase “Les dos cares d’Asia”, audiovisual presentación de la esposición fotográfica de Carlos Espina. (more…)

Read Full Post »

« Newer Posts - Older Posts »