Feeds:
Antradas
Comentairos

Posts Tagged ‘Fundación Municipal de Cultura Educación y Universidá Popular’

Ente’l 14 de payares y el 26 d’avientu la nuesa asociación va cellebrar el deceniu primeru d’actividá per aciu d’un eventu formáu por una cincuentena d’actos y nomáu 10 años de L’Arribada. Esta iniciativa cuenta col sofitu económicu del Ayuntamientu de Gijón/Xixón y la collaboración de FMCEyUP, Oficina Municipal de la Llingua de Xixón, CMI Atenéu de La Calzada, Muséu del Ferrocarril d’Asturies, Muséu Casa Natal de Xovellanos, Asociación de Vecinos de Vega y de varies editoriales, asociaciones culturales, empreses, llibreríes y establecimientos hosteleros. Amás d’ello tamién ufre la so collaboración el conceyu de Miranda do Douro.

10 años de L’Arribada entama un programa especial pa facer analís de la evolución cultural en Xixón y Asturies, abriendo un abanicu ampliu de propuestes en forma d’alcuentros con lliteratos y creadores artísticos, proyecciones cinematográfiques, tertulies, presentaciones, conferencies, actos institucionales y actuaciones musicales, ente más otro. De los conteníos del programa daráse cuenta a la prensa y na bitácora del eventu (http://arribada10.wordpress.com)

(de L’Arribada, 07-11-2015)

Read Full Post »

La Fundación Municipal de Cultura, Educación y Universidá Popular afala y entama la décimo cuarta edición de les Xustes Lliteraries.

L’envís d’estes Xustes ye’l d’estimular la creación lliteraria ente la ciudadanía y de dar a conocer los trabayos d’escritores aficionaos y aficionaes.

Van poder participar toos aquellos autores aficionaos y aficionaes mayores de 14 años, con trabayos orixinales o inéditos non premiaos con anterioridá nesti u otros concursos.

(more…)

Read Full Post »

PABLO R. GUARDADO

Esti vienres principia la tercer edición del Festival Arcu Atlánticu. Xosé Nel Riesgo Fernández (Avilés, 1963), direutor de la Fundación Municipal de Cultura, faló con Asturies.com del certame, la llingua asturiana y otres munches cuestiones.

¿Cuáles son les novedaes principales del Festival Arcu Atlánticu?
Voi principiar polo negativo, que ye que nesta ocasión nun va haber Campeonatu d’Asturies de Bandes de Gaites; hebo una primer edición, pero non una segunda. L’añu pasáu fiximos un gran esfuerciu pa trayer a dos escoceses con un currículum impresionante pal xuráu –ún pa gaita y otru pa percusión–, direutores de trés bandes caún, precisamente pa evitar los bilordios qu’hebo sobre si’l campeonatu yá taba dáu a una banda de Xixón: finalmente ganó Xácara, d’Uviéu. Nesta ocasión dalgunes que nun se fiaben l’añu pasáu presentáronse, pero’l númberu total yera de cinco, polo que decidimos nun celebrar esta segunda edición porque ye inaceptable acometer una inversión de 10 o 12.000 euros pa contar con namái cinco bandes de gaites participantes.

(more…)

Read Full Post »

El plazu de matrícula será del 19 de setiembre al 4 d’ochobre de 2013

L’Ayuntamientu de Gijón/Xixón, al traviés del Departamentu de la Universidá Popular de la FMCEUP, ufierta cursos d’asturianu qu’entamarán en febreru. Los dos cursos ufiertaos son los que vienen darréu:

LLINGUA ASTURIANA: BÁSICU (códigu 162)

LLINGUA ASTURIANA: TORNA (códigu 163)

Dambos van dase dafechu n’asturianu y pa matriculase nel de “Llingua Asturiana: Torna” faen falta conocimientos previos.

(de la Oficina de Normalización Llingüística del Ayuntamientu de Xixón, 04-09-2013)

Read Full Post »

R. V.

Cinco años después de su puesta en funcionamiento, el Conseyu Asesor de la Llingua acaba de reordenar sus estatutos con la intención de «facilitar mecanismos que aumenten la representación social del movimiento asociativo en el seno del Conseyu mediante un marco flexible que se adapte a las necesidades sociales y culturales cambiantes». Los nuevos estatutos cuentan con la aprobación inicial del Pleno y acaban de publicitarse.

La aprobación de estos estatutos es uno de los escasos movimientos, según se han encargado de denunciar algunos de sus miembros, que ha generado el Conseyu de la Llingua desde la llegada al gobierno de Foro Asturias. La crítica a la falta de dinamismo de este consejo incluye la desilusión de que esa atonía llegue de la mano de un histórico defensor de la cultura y la lengua asturiana, el ahora edil Carlos Rubiera. (more…)

Read Full Post »

El BOPA asoleyó güei la convocatoria de sovenciones de la Fundación Municipal de Cultura, Educación y Universidá Popular del Conceyu de Xixón, que cunta con 9 llínees d’acción: Asociacionismo cultural, producciones artístiques, teatru y danza, centros d’enseñanza y entidaes educatives, cultura tradicional y llingua asturiana, xuegos y deportes tradicionales asturianos, asociaciones de vecinos de la zuna rural, pal espardimientu de la cultura tradicional asturiana nos centros educativos y p’asociaciones y colectivos xuveniles.

El plazu de presentación de la solicitúes ye de 30 díes arteros a partir de güei, 25 de marzu. (more…)

Read Full Post »

PABLO R. GUARDADO

‘Arcides ya María, pandereteras de Trabáu (Degaña)’ ye’l títulu del discu últimu asoleyáu pol Muséu del Pueblu d’Asturies. Ésti recueye’l folclor de Degaña al traviés de 37 pieces interpretaes por estes dos hermanes pandereteres.

“Esti discu ye mui importante porque Degaña ye un conceyu bastante desconocíu, yá que xente como Lomax o García-Matos nun fixeren grabaciones de campu na zona”, esplica Fernando Ornosa, responsable del Archivu de Música Tradicional del Muséu del Pueblu d’Asturies. L’álbum, que se presentó esta mañana nes instalaciones museístiques, permite sentir un repertoriu bayorosu compuestu por 37 pieces ente les que se pueden atopar bailles a lo suelto como ‘Las castañuelas’, ‘La muñeira’, ‘L’amudar’ y ‘La jota’; agarraos como ‘La rumba’ y ‘El valse’; cantares d’aguilandu; villancicos; cantares de ronda; y añaes. (more…)

Read Full Post »