Feeds:
Antradas
Comentairos

Posts Tagged ‘Fundación Municipal de la Cultura Educación y Universidá Popular del Conceyu de Xixón’

PABLO R. GUARDADO

L’occitanu, l’asturianu y el mirandés, l’eusquera, el bretón y el gallegu van ser el centru d’atención del VI Festival Arcu Atlánticu, que comienza esti martes y va allargase hasta’l domingu baxo’l lema ‘Un mar de llingües’. Juan Carlos Moreno Cabrera pon la charra inaugural, que trata sobre los idiomes como patrimoniu cultural.

Tres tar dedicáu a países como Portugal o Éire, o ciudaes como Naunnt o Lisboa, nesta ocasión la Fundación Municipal de Cultura, Educación y Universidá Popular decidió poner el focu nes llingües minorizaes del arcu atlánticu. Asina, va haber cinco xornaes dedicaes a caún de los idiomes minoritarios de la parte continental, amás d’una más xeneral que va conformar güei la xornada inaugural.

(more…)

Advertisements

Read Full Post »

Alan Lomax in Asturias, november 1952 preséntase nel Muséu del Pueblu d’Asturies el xueves 15 de setiembre a les 19 hores. Esti llibru-cd que recueye cuasi tolos cantares rexistraos pol etnomusicólogu norteamericanu n’Asturies constiúi’l númberu 13 de la colección Fontes sonores de la música asturiana qu’edita l’Archivu de la Música Tradicional del Muséu.

Nel actu de presentación de la obra van intervenir Fernando Ornosa, responsable del Archivu de la Música Tradicional del Muséu del Pueblu d’Asturies; José Antonio Gómez, profesor titular d’Etnomusicoloxía de la Universidá d’Uviéu; Juaco López, director xeneral de Patrimoniu del Principáu d’Asturies; Xosé Nel Riego, director de la Fundación Municipal de la Cultura, Educación y Universidá Popular del Conceyu de Xixón; y Lisardo Lombardía, director del Festival Intercélticu de Lorient. Amás, nel estrene públicu del trabayu tamién van tar Ángela Mestas, Josefina Moradiellos, Manuel Otero y Maruja Suárez, cuatro de los informantes que viven 59 años depués de ser grabaos por Alan Lomax. (more…)

Read Full Post »