Feeds:
Antradas
Comentairos

Posts Tagged ‘Fundación Príncipe de Asturias’

Iniciativa pol Asturianu criticó esti xueves la política de marxinación” de la llingua qu’exerce la Fundación Príncipe d’Asturies, especialmente patente na celebración de los Premios.

Al traviés d’un comunicáu, el colectivu apuntó que la Fundación nun fai posible visitar la so páxina web n’asturianu, anque pue lleese hasta n’once llingües, y tampoco inclúi l’asturianu en nengún actu de la Selmana de Premios. (more…)

Read Full Post »

La Comisión de Lexicografía de la Real Academia Española (RAE) va estudiar l’informe presentáu por Iniciativa pol Asturianu en xunu nel rexistru de la entidá. El documentu ta avaláu por filólogos de diez universidaes de tol mundu.

Darío Villanueva, secretariu de la RAE, unvió un comunicáu al coleutivu que trabaya pola normalización de la llingua asturiana y agradeció la propuesta treslladada a la entidá responsable de la normativización de la llingua castellana pa la modificación del términu ‘asturiano’ nel so diccionariu. Según reza l’informe, ‘asturiano’ ye un axetivu y tien la definición siguiente na so tercer aceición: ‘Se dice de la variedad asturiana del dialecto romance asturleonés’. En términos paecíos atópase ‘bable’ –‘dialecto de los asturianos’–, ‘asturleonés, sa’ –na segunda aceición, ‘Se dice del dialecto romance nacido en Asturias y en el antiguo reino de León como resultado de la peculiar evolución experimentada allí por el latín– y ‘leonés’ –na sésta remite a ‘asturleonés’ y na sétima, ‘Se dice de la variedad del castellano hablada en territorio leonés’–. En ‘Definir el términu asturianu con xeitu/Definir el término asturiano con propiedad’, Iniciativa pol Asturianu presenta argumentos científicos y llegales pa la so igua nel diccionariu, dando a la llingua asturiana’l rangu de llingua, al igual qu’asocede con otros idiomes peninsulares. (more…)

Read Full Post »

Iniciativa pol Asturianu fizo llegar estos díes a la Casa Real una petición pa que la páxina web de la institución use l’asturianu, yá que la versión nueva de la mesma inclúi versión nel restu de les llingües del estáu español, pero non n’asturianu. Un fechu qu’Iniciativa pol Asturianu albidra como “una marxinación de la llingua asturiana frente al restu de llingües del Reinu”. La organización unvió tamién una carta a la Fundación Príncipe d’Asturies col mesmu oxetu, yá que la so web pue lleese hasta n’once idiomes, pero non na nuesa llingua. Pide a la Fundación que s’implique “na normalización y promoción del asturianu”.

Pa Iniciativa pol Asturianu, “el fechu anómalu de que la llingua asturiana nun seya entá oficial nun quita pa que la Casa Real use l’asturianu, yá que la normativa actual obliga a les instituciones a protexer y fomentar el so usu”, recuerden. (more…)

Read Full Post »

El periodista, ex director de la Fundación Príncipe d’Asturies y de la revista Asturies Selmanal, Graciano García, nun s’atreve a facer un pronósticu de si nun futuru va llegar a incluyise la llingua asturiana na ceremonia d’entrega de los Premios Príncipe, pero cree que “yá hai señes bien clares que yá se ficieron”. Al respecto, destacó “los xestos d’amparu” del príncipe d’Asturies, Felipe de Borbón, cola cultura y la llingua asturianes.

En declaraciones a Europa Press, refirióse a esti asuntu, n’ocasión del so nomamientu como patronu d’honor de la Fundación Caveda y Nava, que trabaya pola normalización del asturianu, dende la concordia y l’entendimientu institucional. L’actu va tener llugar esti sábadu, 20 de payares, en Villaviciosa, a partir de les 12.30, momentu en que se va realizar la ufrienda floral frente a la casa del escritor Xosé Caveda y Nava. Darréu, va celebrase la ceremonia solemne na Fundación Cardín.

(more…)

Read Full Post »