“Con ‘Ástor’ pretendemos avera-y a la xente la realidá de la cultura asturiana y amosala al mundu”, asegura Morán

PABLO R. GUARDADO

Yá ta disponible’l númberu 18 de ‘Ástor’, el cartafueyu de la Lliga Celta d’Asturies, que s’edita 30 años depués del 17 en formatu dixital con apéndices en castellanu y inglés. “Pretendemos avera-y a la xente la realidá de la cultura asturiana y amosala al mundu”, apunta’l so direutor Fernán Morán sobre esti proyeutu que se presentó na sede de l’Academia de la Llingua Asturiana (ALLA).

Nacida na seronda del 1981, ‘Ástor’ foi una revista que s’editó hasta l’añu 1990, momentu nel que la primer Lliga Celta d’Asturies cesó l’actividá. “Nel 2015 un garrapiellu de persones quiximos resurdir la Lliga Celta d’Asturies, dando-y continuidá a lo que venía faciendo nun contestu históricu diferente y otres ferramientes”, esplica Morán, presidente del coleutivu y coordinador d’una iniciativa qu’echó a andar hai añu y mediu.

Read Full Post »

Belenos asoleyó’l númberu 33 de la revista ‘Asturies’

La Fundación Belenos ta acabante d’asoleyar el númberu 33 de la so revista, “Asturies, memoria encesa d’un país”, onde amás de les sos estayes fixes asoleya dellos trabayos de distintes temátiques y autores.

El númberu 33 de la revista Asturies de la Fundación Belenos ya ta asoleyada. Amás de les estayes habituales, como “Memoria Gráfica d’Asturies” (nesta ocasión dedicada a la caza del bardión asturianu), “L’Estoxu” y “Cartafueyos de Belenos”, la espublización recueye siete trabayos de tematiques estremaes y de dellos autores.

Read Full Post »

La revista “N’Ast. Cartafueyos d’Ensayu” presenta númberu nuevu en Xixón

Esti vienres, 14 d’avientu, va presentase públicamente’l númberu 8 de la revista “N’Ast. Cartafueyos d’Ensayu”. L’actu de presentación, abiertu al públicu, va tener llugar en Xixón, nel Llar Social L’Ayalga (cai Decanu Prendes Pando, 11, baxu), a les 20’00 hores, y nel mesmu participarán tanto miembros de l’Asociación Cultural N’Ast, coleutivu qu’asoleya la revista, como dellos de los autores qu’andechen cola mesma.

Read Full Post »

Belenos publica un númberu nuevu de «Asturies, memoria encesa d’un país»

La Fundación Belenos acaba de publicar el numberu 32 de la revista Asturies, memoria encesa d’un país. Esti exemplar ábrese col estudiu de Jorge Camino Mayor «El Mayéu Busiá (L.lena): orixe d’una braña na Edá del Bronce». Otra manera, Alberto Álvarez Peña y Alfoso Fanjul falen de «Los torgues d’Argul (Pezós)», mentes que Manuel Mallo failo de «Les cases soportalaes d’Avilés y les sos “mirilles”», y Javier Cubero publica «Delles consideraciones alredor de Xosé Faes “Capitán de los carlistes, resurreción de Pelayo”».

Na estaya «Memoria gráfica d’Asturies», Francisco Jesús Menéndez Busta y Macario Victorero Cubiella publiquen un reportaxe sobre Llastres, la so identidá y la mar. Inaciu Hevia y Alberto Álvarez Peña analicen les peslleres, maniyes y picaportes en «Artesanía del fierro nes puertes de les cases asturianes» y Gausón Fernande fala de la hermana de Don Pelayo.

Read Full Post »

Llega a les llibreríes un númberu nuevu d’«Asturies, memoria encesa d’un país»

La Fundación Belenos acaba de publicar el numberu 30 d’Asturies, memoria encesa d’un país. Esti exemplar de la revista inclúi reportaxes sobre la prehistoria n’Asturies, los primeros colonos a Norteamérica y l’alfarería asturiana.

Esti númberu ábrese con un reportaxe de Rubén Montes López, Susana Hevia y Ángel Villa Valdés sobre’l Monte Castelo de Pelóu, «un asitiamientu prehistóricu de llarga perduración en Grandas de Salime». Alberto Álvarez Peña fala sobre’l faunu de Moñes, mentes que Jorge Camino y Yolanda Viniegra lo faen sobre los primeros colonos asturianos a los EE UU.

Read Full Post »