“Tamos equí por amor, y l’amor siempre gana”

PABLO R. GUARDADO

Los mensaxes destinaos a los intolerantes, a aquellos sectores qu’ataquen y traten de facer de menos a la llingua asturiana, protagonizaron los discursos de los Premios Lliterarios 2018 y del II Nel Amaro de teatru profesional. “Tamos equí por amor, y l’amor siempre gana”, aseguró’l poeta Pablo Texón na so intervención.

L’escritor de Felechosa consiguió’l XXIV Premiu Xuan María Acebal de poesía por ‘Allumamientu’. Yera ún de los premiaos ayeri, xunto con Manuel García Menéndez (XXXIX Premiu Xosefa Xovellanos de novela por ‘El visitante impropiu’), Damián Barreiro (XXIV Premiu Máximo Fuertes Acevedo por ‘Asturploitation’), Lluis Aique Iglesias (XI Premiu María Xosefa Canellada de lliteratura infantil y xuvenil por ‘Invisible’), Anxelu González (X Premiu Alfonso Iglesias de cómic por ‘Cacique blancu’) y Laura Iglesia (direutora de ‘Hansel y Gretel’, obra d’Higiénico Papel Teatro merecedora del II Premiu y Festival de Teatru Profesional en Llingua Asturiana y Gallego-asturiano).

Read Full Post »

Les pruebes oficiales d’asturianu van ponese en marcha en 2019

El conseyeru d’Educación y Cultura, Genaro Alonso, anunció esti martes que los primeros examenes oficiales d’asturianu van ponese en marcha en 2019 y que son un “oxetivu irrenunciable” del Executivu autonómicu.

Asina lo indicó Alonso na Comisión d’Educación y Cultura de la Xunta Xeneral, onde presentó les cuentes de la so cartera recoyíes nel proyectu de Llei de Presupuestos pa 2019 y onde faló del procesu que ta faciendo la Conseyería d’Educación y Cultura pa poder acreitar el nivel d’asturianu de les persones adultes d’una manera oficial.

Read Full Post »

El presupuestu dedicáu a la promoción del asturianu xube un 9%

El conseyeru d’Educación y Cultura, Genaro Alonso, presentó esti martes na Xunta Xeneral les cuentes del so departamentu recoyíes nel proyectu de Llei de Presupuestos pa 2019, que xube a 837.685.097 euros, un 6,08% más qu’anguaño. La promoción del asturianu supón 1,7 millones d’euros, un 9% más qu’anguaño.

Alonso calificó’l presupuestu de “espansivu a les clares” que ta “nel polu opuestu de les polítiques d’austeridá” que demuestra que pal Executivu “la educación y la cultura son una “prioridá”, como al so xuiciu muestra que la so cartera sía la segunda con más recursos.

Read Full Post »

La Xunta pola Defensa de la Llingua califica de «mísere» la promoción del asturianu

La Xunta pola Defensa de la Llingua Asturiana (XDLA) afirmó que l’anteproyectu de presupuestos pa 2019, pactáu ente PSOE, Podemos Asturies y IX, nun supón «nenguna meyora pal asturianu» y califiquen de «curtiu y mísere» que la partida de la promoción del asturianu quede nel 0,04% de toles cuentes. «La partida ye irrisoria y insuficiente, al ser la Dirección Xeneral de Planificación Llingüística y Normalización el departamentu con menos presupuestu de tola Administración autonómica», diz la XDLA al traviés de nota de prensa.

Pa l’asociación, esta situación muestra que nun hai cambios na FSA a pesar de lo aprobao nel so XXXII Congresu, onde’l partíu decidió apoyar la oficialidá. «Nin tenemos oficialidá nin muncho menos se cumple cola Llei d’Usu, que ye lo que dicíen los socialistes que diben facer hasta poder modificar l’Estatutu», indicó la XDLA, p’añadir que con esta «probitú» presupuestaria «nun se ven diferencies ente la FSA nueva y la vieya».

Read Full Post »

Un libro de texto define al asturiano como un dialecto que «nunca logró convertirse en lengua»

L. ORDÓÑEZ

Son relativamente frecuentes, tanto que han llegado hasta el Senado y también hasta la Junta General, las interpretaciones sui generis de la historia o la lengua asturiana que hacen las diversas editoriales que publican los libros de texto con los que se impartirán las asignaturas en las escuelas. En algunos casos con meteduras de pata de lo más groseras. En el caso del tomo dedicado a «Lengua castellana y literatura» de la editorial Edelvives para el primer curso de bachillerato se afirma que la lengua asturiana es un dialecto del castellano que integra en el grupo del asturleonés como «variedad diatópica» se forma similar al murciano, el riojano, el andaluz o el extremeño.

En concreto, el libro de Edelvives afirma que tanto el asturleonés como el aragonés «experimentan la fuerza centrípeta del castellano (del que tienen una gran influencia) en el momento de imposición cultural y política de Castilla por lo que nunca lograron convertirse en lenguas». También señala que «los límites del leonés son bastante imprecisos, hasta el punto de que existen zonas influidas por el gallego. Actualmente se extiende por Asturias, el oeste de Santander, el norte y el oeste de León, el oeste de Zamora y Salamanca y parte de Cáceres. El bable es considerado una variente del leonés».

Read Full Post »

El Principáu, “satisfechu” cola so política llingüística, diz que lo que pase depués de les elecciones “tresciéndenos”

El conseyeru d’Educación y Cultura, Genaro Alonso, afirmó que cree que no referente a la llingua asturiana, el Gobiernu autonómicu ta faciédolo “razonablemente bien”, pero que lo qu’asoceda depués de les elecciones de mayu del 2019 “ye dalgo que nos tresciende”.

Nunes declaraciones distribuyíes al traviés del Principáu, Alonso afirmó qu’en política llingüística l’Executivu tien el so propiu programa de gobiernu –basáu na Llei d’Usu y Promoción del Asturianu– y que tán “seguros y convencíos” de lo que van llevar a términu hasta’l final de la llexislatura.

Read Full Post »

Suatea afirma que no que llevamos de llexislatura la situación del asturianu na educación “reculó”

El sindicatu Suatea denunció qu’a lo llargo d’esta llexislatura, la situación del asturianu y del gallego-asturianu nel sistema educativu “reculó”. Too eso a pesar del pactu de llexislatura ente’l PSOE y IX y al conseyeru Genaro Alonso, favorable a la normalización del asturianu.

Al traviés d’una nota de prensa, el sindicatu afirma que, llegando a la recta final de la llexislatura, “nun se respeten los derechos de la ciudadanía”. Una situación que pa Suatea choca col compromisu del pactu d’investidura que comprometió al Gobiernu a meyorar la normalización llingüística enantes d’acabar la llexislatura– y al nomamientu de Genaro Alonso como conseyeru d’Educación y Cultura.

Read Full Post »