Los lletreros nuevos instalaos na N-634 al so pasu per Piloña nun respeten la toponimia oficial

PABLO R. GUARDADO

‘Oviedo’, ‘Infiesto’ y ‘Campo de Caso’, topónimos derogaos nel 2019, 2008 y 2007, de manera respeutiva, son los emplegaos nos lletreros nuevos instalaos pol Ministeriu de Tresportes, Movilidá y Axenda Urbana na N-634 al so pasu per Piloña. La Xunta pola Defensa de la Llingua Asturiana (XDLA) reclama al Gobiernu una quexa formal por esti incumplimientu de la única toponimia oficial, l’asturiana.

La billingüe Oviedo/Uviéu, L’Infiestu y El Campu son les úniques formes válides y, poro, les que deberían apaecer na cartelería oficial. Esta situación ye pa la XDLA “otru despreciu más de la Demarcación de Carreteres n’Asturies, de la Delegación del Gobiernu y del conxuntu del Executivu central hacia al patrimoniu llingüísticu asturianu”.

Read Full Post »

Asturies celebra esti vienres el Día de les Lletres con descuentos y llibros de regalu

Toles persones que compren un llibru o un discu n’asturianu o gallego-asturianu’l vienres 5 de mayu, Día de les Lletres Asturianes, van tener un 10% de descuentu y el regalu de ‘Xosé Bolado. Fálame duce’, dedicáu al poeta y críticu homenaxáu nesta edición, o’l cómic ‘Gladius’, nel casu de les persones que compren lliteratura en gallego-asturianu.

Un total de 57 llibreríes y tiendes de discos del Principáu d’Asturies collaboren esti añu cola Dirección Xeneral de Política Llingüística na promoción y celebración de les Lletres.

Read Full Post »

La 44 Selmana de les Lletres Asturianes va rindir homenaxe al poeta y críticu lliterariu Xosé Bolado

La 44 Selmana de les Lletres Asturianes, que va celebrase ente’l 28 d’abril y el 6 de mayu, va rindir homenaxe a la figura del poeta y críticu lliterariu Xosé Bolado, fallecíu en mayu del 2021. Xosé Bolado, académicu de la llingua asturiana y profesor, ye una figura central de la recuperación llingüística y lliteraria d’Asturies na Transición. La programación incluye la estrena del documental Na firida del cementu. Vida y obra de Xosé Bolado, dirixíu por Ana Lamela, y tamién la edición de dos llibros conmemorativos alredor de la contribución decisiva que la figura de Xosé Bolado supunxo pa la llingua y la lliteratura asturianes.

Asina, Xosé Bolado. Fálame duce recueye la semblanza que distintos amigos y personalidaes del mundu de la cultura tracen sobre l’autor uviedín, no personal y tamién na aportación que fizo como poeta, como militante sindical y políticu y na so dimensión de críticu y estudiosu de la llingua y de la lliteratura n’asturianu. La obra, coordinada por Marta Mori, edítala’l Gobiernu del Principáu d’Asturies con realización editorial de Trabe.

Read Full Post »

La XDLA reclama que se complete la normalización toponímica na rede de ferrocarriles n’Asturies

La Xunta pola Defensa de la Llingua Asturiana (XDLA) reclamó esti vienres que se complete la normalización toponímica na rede de ferrocarriles n’Asturies. Nesi sentíu, criticaron que l’aplicación nueva ConeCTA nun respeta dafechu los topónimos oficiales.

L’asociación recordó al traviés de nota de prensa que dende 2020 presentaron informes y tuvieron alcuentros col Gobiernu asturianu pa tratar esi tema. Una situación que frutió en “avances” como l’usu de la toponimia na mayoría de pantalles informatives y na cartelería de les estaciones. Sicasí, afirmen qu’esi usu ye “incompletu” porque dientro de los trenes, en megafonía, redes sociales, páxines webs y aplicaciones móviles la toponimia asturiana ye “inexistente”.

Read Full Post »

La XDLA reclama que los presupuestos recueyan “polítiques clares” a favor del asturianu “p’asegurar el so futuru”

La Xunta pola Defensa de la Llingua Asturiana reclamó esti xueves al traviés de nota prensa al Gobiernu autonómicu y los grupos parllamentarios qu’utilicen los presupuestos autonómicos pal 2023 pa recoyer “polítiques clares” a favor del asturianu y del gallego-asturianu “qu’aseguren el so futuru”.

Al traviés de nota de prensa, la organización reclamó a los políticos “qu’entiendan d’una vez la llingua y la cultura asturiana como un exe prioritariu pal futuru” y recordó que’l sector de la industria de la llingua axunta a munchos profesionales.

Read Full Post »

Iniciativa reclama que la Rede de Biblioteques d’Asturies tenga tamién el nome n’asturianu y gallego-asturianu

Iniciativa pol Asturianu presentó alegaciones al decretu pol que se crea y regula la Rede de Biblioteques Públques del Principáu d’Asturies pa reclamar l’usu del nome del ente n’asturianu y gallego-asturianu.

Nel documentu presentáu al Gobiernu d’Asturies, la organización propón que l’artículu 8 del Decretu que reúne los ‘Principios informadores’ apaeza un puntu concretu que reciba’l títulu de ‘Principiu de compromisu llingüísticu’ nel que se recueya’l papel que tien que xugar esta rede en materia llingüística “en consonancia col Estatutu d’Autonomía y la propia Llei d’Usu”.

Read Full Post »

La propuesta d’oficialidá presentada pol Principáu toma como base l’Estatutu gallegu

El Gobiernu asturianu ta presentando a los distintos grupos parllamentarios una llista colos once aspectos que consideren esenciales pa tratar nel procesu de reforma del Estatutu. Ente ellos ta la oficialidá del asturianu, con un tratamientu asemeyáu pal gallego-asturianu –recoyíu, eso sí, col nome de ‘eo-naviegu’– pero nel so “esclusivu ámbitu territorial”.

Pa la redacción del artículu cuatro nuevu del Estatutu propunxeron a los grupos tomar como base’l correspondiente artículu del Estatutu d’Autonomía de Galicia, porque recueye la necesidá d’aprobar una Llei de Normalización, que va ser onde se desenvuelva’l modelu d’oficialidá d’Asturies. L’artículu cuatro actual yá recueye que va ser una llei de la Xunta Xeneral la que determine la protección, usu y promoción del asturianu.

Read Full Post »