Ponga yá tien la toponimia oficial

El Conseyu de Gobiernu autonómicu aprobó esti miércoles el decretu qu’establez a partir d’agora los topónimos tradicionales del conceyu de Ponga.

Dempués del entamu de la vixencia del presente decretu, les Alministraciones Públiques van adaptar de manera progresiva les rotulaciones en víes públiques y carreteres lo mesmo que de mapes y planos oficiales a les formes toponímiques establecíes nel decretu, afirmó’l Gobiernu asturianu. De momentu, mediu de centenar de conceyos completaron la revisión de la so toponimia.

Read Full Post »

El Conseyu de Gobiernu aprueba la toponimia d’Avilés

Na reunión del miércoles 24 de payares, el Conseyu de Gobiernu aprobó’l decretu pol que se determinen los topónimos tradicionales del conceyu d’Avilés, el tercer conceyu asturianu no tocante a númberu d’habitantes. Cola so aprobación, son yá cuarenta y ocho los conceyos asturianos que van tener los sos topónimos tradicionales oficializaos, ventiséis d’ellos nesta llexislatura. El procesu de revisión toponímica ye necesariamente llargu y exhaustivu. Entámase a pitición de los propios ayuntamientos, y cuenta cola participación abierta de los partíos políticos con representación municipal, los colectivos de vecinos, les asociaciones de la zona, l’Academia de la Llingua Asturiana, el Real Instituto de Estudios Asturianos y la Universidá d’Uviéu, mesmo qu’investigadores, encuestadores y espertos en toponimia. Toos ellos collaboren nun procesu sistemáticu y rigurosu, trabayando, debatiendo y revisando les formes toponímiques hasta alcanzar alcuerdos y soluciones de consensu. A les resultes d’esti trabayu conxuntu, son casique 15.000 los topónimos tradicionales recuperaos desque en mayu del 2005 se publicaren nel Boletín Oficial del Principado de Asturias los primeros decretos d’oficialización toponímica. Na actualidá, otros 15 conceyos más tienen abiertu’l so espediente, alcontrándose en distintes fases de tramitación.

(de la Dirección Xeneral de Política Llingüística, 25-11-2010)

Read Full Post »

La Conseyería de Cultura edita un xuegu multimedia n’asturianu pa los neños

La Conseyería de Cultura y Turismu del Gobiernu d’Asturies presentaba nel pasáu Festival del Llibru Infantil y Xuvenil d’Asturies, celebráu en Vilaviciosa, un xuegu interactivu destináu a los neños y neñes titulau Vivir n’asturianu.Con esti xuegu los escolinos pueden familiarizase cola lingua asturiana de la mano de Colás y Xana, los dos personaxes d’esti enretenimientu multimedia nel que los rapacinos tienen qu’acertar delles preguntes sobre historia, deporte, música, lliteratura, arte, etc. nun bloque denomináu Cultura Xeneral, mentes que n’otru’l tema central ye’l mundu de la sidra. Según se vaigan acertando les preguntes va pasándose a una fase nueva.

Esta iniciativa tuvo una bona acoyida ente’l públicu, sobre manera, ente los docentes d’asturianu, que pueden utilizalo como ferramienta didáctica.

(de la Estaya d’Asturianu de la RTPA, 25-10-2009)

Read Full Post »

La toponimia oficial de Parres, nel BOPA

El 14 de setiembre del 2009 publicáronse nel Boletín Oficial del Principáu d’Asturies (BOPA) los topónimos del conceyu Parres, talo que s’aprobaron pol Conseyu de Gobiernu del Principáu d’Asturies na so sesión del 2 de setiembre.

ANEXU: Decretu de oficialización.

(de la Dirección Xeneral de Política Llingüística, 14-09-2009)

Read Full Post »

La toponimia oficial de Siero, nel BOPA

El 11 d’agostu del 2009 publicáronse nel Boletín Oficial del Principáu d’Asturies (BOPA) los topónimos del conceyu de Siero, talo que s’aprobaron pol Conseyu de Gobiernu del Principáu d’Asturies na so sesión del 29 de xunetu.

ANEXU: Decretu de oficialización.

(de la Dirección Xeneral de Política Llingüística, 11-08-2009)

Read Full Post »

El Gobiernu oficializa la toponimia tradicional del conceyu de Siero

Nel Conseyu de Gobiernu celebráu esti miércoles 29 de xunetu aprobóse’l decretu onde se determinen los topónimos oficiales de Siero. Con esti alcuerdu yá son 39 los conceyos cola toponimia oficial aprobada, a la espera de la espublización d’esti decretu nel BOPA.

El Conceyu de Siero ta formáu poles parroquies d’Aramil, Argüeyes, La Carrera, Celles/Ceis, La Collá, Collao, Feleches, Granda, Hevia, Lieres, Llimanes, Llugones, Marcenao, Muñó, La Paranza, La Pola, Samartindianes, Samartino, Samiguel, Santa Marta, Santiago, Areñes, Santolaya, San Xuan del Cuto, Tiñana, Trespando, Valbona, Valdesoto, Viella y Santa Marina.

Read Full Post »

El Principáu aprueba una partida pa traducir al asturianu y al inglés el so portal web

El Conseyu de Gobiernu del Principáu d’Asturies aprobó güei una partida de 696.000 euros destinaes a la contratación d’un serviciu de traducción al asturianu y al inglés de los conteníos del portal corporativu del Executivu autonómicu. El contratu desarrollaríase ente los años 2009 y 2012.

Read Full Post »

La toponimia oficial de Degaña, nel BOPA

El 12 de mayu del 2009 publicáronse nel Boletín Oficial del Principáu d’Asturies (BOPA) los topónimos del conceyu de Degaña, talo que s’aprobaron pol Conseyu de Gobiernu del Principáu d’Asturies na so sesión del 22 d’abril.

ANEXU: Decretu d’oficialización de la toponimia de Degaña

(de la Estaya d’Asturianu de la RTPA, 12-05-2009)

Read Full Post »

La toponimia oficial de Yernes y Tameza, nel BOPA

El 13 d’abril del 2009 publicáronse nel Boletín Oficial del Principáu d’Asturies (BOPA) los topónimos del conceyu de Yernes y Tameza, talo que s’aprobaron pol Conseyu de Gobiernu del Principáu d’Asturies na so sesión del 25 de marzu.

ANEXU: Decretu de oficialización.

(de la Oficina de Política Llingüística, 13-04-2009)

Read Full Post »

Aprobada la toponimia oficial de Miranda

El Conseyu de Gobiernu celebráu esti martes 28 d’ochobre aprobó’l decretu colos topónimos oficiales del conceyu de Miranda, que queden agora pendientes namás del trámite d’asoleyalos en BOPA. La nota oficial conseña que les Alministraciones Públiques habrán adecuar de manera progresiva la rotulación en vía pública y carreteres del conceyu, lo mesmo que en mapes y planos oficiales a les formes apautaes en Decretu. Miranda fai asina’l númberu 32 de los conceyos asturianos que recuperaron, con calter llegal a tolos efectos, la so toponimia tradicional.

(d’Asturies.com, 29-10-2008)

Read Full Post »