Feeds:
Antradas
Comentairos

Posts Tagged ‘Gonzalo G. Barreñada’

Gonzalo G. Barreñada nun asoleyó nada hasta los 42 años; pero de magar que lo fixo, nun aparó de ganar premios y reconocimientos. Ganador del Xuan María Acebal, del Premiu de la Crítica y, agora, recientemente, del Premiu Xovellanos; fálanos de “El Viaxe del Cacique”, la so nueva novela cola qu’algamó esti últimu premiu. Falamos con él non namás d’esta novela pola que tamos yá naguando, sinón del procesu creativu del escritor y, tamién, del panorama cultural d’Asturies y de l’estáu de salú de la lliteratura astusiana.

¿Quién ye esi cacique y a ónde viaxa?

El cacique al que fai referencia la novela ye Caonabo. Vien de vuelta a La Española (Quisqueya pa los taínos), onde él yera cacique de Maguana. En realidá, sabemos que Caonabo muerre en 1496, pero nesti casu lo qu’imaxino ye que siguió vivu en Sevilla y que torna en 1502 cola espedición de Nicolás de Ovando. Nesa nao na que torna hai amás dalgunos personaxes de la época qu’animen un poco la hestoria. ¿Por qué 1502? Ye una dómina que siempre me prestó muncho. 1502 ye un añu interesante, entovía nun esiste la Casa de Contratación, ye l’añu del cuartu viaxe de Colón… Yá ta too ehí y al mesmu tiempu ta too por facer.

(more…)

Read Full Post »

El llunes 27 d’avientu de 2020 a les 18:00 hores, axuntó de forma telemática’l xuráu del Premiu de la Crítica de l’Asociación d’Escritores d’Asturies (AEA) na categoría de narrativa n’asturianu, conformáu polos escritores María Luz Pontón, José Ángel Gayol, Víctor Suárez Piñero ya Inaciu Galán, ayalgueru de l’AEA, como secretariu con voz pero ensin votu.

Tres destacar el contentu pola bona participación y sobre manera pola calidá de les trés obres presentaes como candidates al premiu, lo que pal xuráu fala del bon momentu del  panorama de la narrativa n’asturianu, aldericóse sobre les mesmes, tomándose por unanimidá’l determín de declara ganador del premiu al llibru Skull City y otres histories, d’Adolfo Camilo Díaz, asoleyáu por Ediciones Trabe.

(more…)

Read Full Post »

Nel Burgundu de la posguerra entamen apaecer enriba la nieve unes buelgues misterioses. D’esti fechu va danos cuenta en primer persona Pachu, un nenu del pueblu que les visitó colos amigos. Al poco d’esti descubrimientu va quedar sordu por una enfermedá y por él vamos enteranos de que les buelgues pertenecen a unos fugaos a los que dalguién del pueblu traicionó. ¿O son de la persona que los vendió? La hestoria ensin contar cuenta la vida d’esti nenu en Burgundu, narrada por él mesmu y de la so rellación con un personaxe bien escuru del que Pachu sospecha y que ye, amás, mui amigu de la familia.

Gonzalo G. Barreñada (Sotrondio, 1973) ye llicenciáu en Xeografía y Historia y ta especializáu n’Historia del Arte. Nel 2016 publicó Biografíes, primer llibru de poemes, al que siguieron El pesu de la lluz (2019) y El llar n’orde (2020), col que foi a ganar el Premiu «Xuan María Acebal» de Poesía. Cola novela La casa de Xuan Buelga (2018) inició la so narrativa al rodiu del mundu míticu de Burgundu, que continuó col volume de relatos Hestories de Burgundu (2018) y que sigue cola novela qu’equí presentamos, La hestoria ensin contar.

(de Formientu, 30-10-2021)

Read Full Post »

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, anunció la puesta en marcha del circuitu lliterariu Autores nel camín 2021, un programa protagonizáu polos homes y muyeres escritores de la nómina de ganadores de los premios en llingua asturiana.

El primer actu del circuitu, onde van tar presentes el director xeneral de Política Llingüística, Antón García, y l’alcalde de Corvera, Iván Fernández, va facese esti xueves en Les Vegues, en Corvera, y va consistir nun alcuentru col escritor Gonzalo G. Barreñada, premiu Xuan María Acebal nel 2019 cola obra El llar n’orde, dientro de les actividaes del taller de llectura n’asturianu qu’entama’l Serviciu de Normalización Llingüística del conceyu.

(more…)

Read Full Post »

Gonzalo G. Barreñada (Sotrondio 1973) tardó muncho n’entamar a asoleyar obra (de 2016 ye’l so poemariu “Biografíes”), pero lo cierto ye que nestos últimos 4 años consiguió afitase como una de les voces más importantes de la lliteratura asturiana: Los Poemarios Biografíes y El Pesu de la Lluz, amás del volume de rellatos Hestories de Burgundu, y la novela La Casa de Xuan Buelga preceden nel tiempu a esti el Llar n’Orde, que non solo ye’l so tercer poemariu, sinón que tamién-y valió’l premiu Xuan María Acebal del Principáu d’Asturies. Recordámosvos, como siempre, qu’El Llar n’orde, amás de na vuesa llibrería asturiana de confianza, vais poder atopalu equí.

En 4 años fuisti a sacar trés poemarios, un volume de rellatos y una novela y, amás, a ganar el premiu más prestixosu de poesía d’Asturies, el Xuan María Acebal. Una de les carreres más meteóriques nes nueses lletres. ¿Tardasti n’escribir o en querer publicar? ¿Por qué? ¿Qué te fixo decidite?

Escribo cuentos dende neñu; daquella la mio mayor influyencia yera un llibru que tenía en casa de los hermanos Grimm. Con 12 ó 13 años escribí una novela d’esploradores ingleses en Canadá y una imitación mala d’El señor de los aniellos que llevaba de títulu Les seis espades de los elfos, obres dambes que tán na carbonera de casa xunto a otres munches; pero na carbonera tán bien; sicasí, nun olvido que nun hai nada de lo qu’escribí daquella que llueu nun sirviera d’aprendizaxe.

(more…)

Read Full Post »

Esti 2 d’ochobre ye’l Día del Llibru y el Discu Asturianu y toles producciones culturales n’asturianu van tener un 10% de descuentu. Ente les principales novedaes que los llectores van poder topar nes llibreríes ta la novela ganadores del Premiu Xosefa Xovellanos, ‘Los xardinos de la lluna’, de Francisco Álvarez, y ‘Nunn’, la primer novela de Xandru Martino pa públicu adultu.

La Selmana de les Lletres Asturianes ye l’eventu más importante alredor de la lliteratura n’asturianu y gallego-asturianu que se convoca n’Asturies. La cita, programada pal mes de mayu pasáu, aplazóse pola crisis provocada pola covid-19 y va celebrase la selmana del llunes 28 de setiembre al vienes 2 d’ochobre.

(more…)

Read Full Post »

L’asturianu nun tien detrás una “Alliance Française”, un “Instituto Cervantes” o un “British Council”; pero eso nun quita pa que per dayuri heba xente que quiera deprendelu como llingua estranxera, que s’apunte a clases y que merque manuales pa deprendelo. Qué fai que madrilanos, colombianos, arxentinos, americanos, suizos y gallegos quieran deprender la llingua de Marirreguera? ¿Qué razones tienen? ¿Arrepiéntense? El grau de conocimientu varía, y el númberu de llingües que falen tamién. Lo mesmo pasa coles razones. Pero toos tienen en común una cosa: Nun son d’Asturies (nin de Llión, nin de Miranda’l Douro) y quieren deprender asturianu.

Nun mundu onde se mos repite que l’interés de les llingües varía acordies cola utilidá económica de cada una; lo cierto ye que nun son precisamente poques les persones que-y vieron al asturianu una utilidá social enforma importante. Pa dellos ye una manera de conocer la cultura, pa otros, d’adautase al país; falar la llingua de la to familia, deprender la llingua na que tán los tos llibros o discos preferíos o, cenciellamente, porque tien una sonoridá y una belleza que nun tienen otres. Anque la utilidá económica del asturianu ye escasa, la utilidá social del asturianu nunca foi más alta.

(more…)

Read Full Post »

Yá ta nes llibreríes el segundu llibru de poemes de Gonzalo G. Barreñada. Ediciones Saltadera edita na so colección «Patache», esti El pesu de la lluz.

N’El pesu de la lluz, el segundu llibru de poemes de Gonzalo G. Barreñada, hai un movimientu continuu que camina de dientro a fuera. Muévese dende l’espaciu íntimu de la casa (la cocina onde llee y trabaya, la llavadora, la despensa, el tendal…) a llugares abiertos pelos que rolda como un modernu poeta-flâneur: lo urbano y lo rural, el monte y les escombreres, l’estranxeru… Más qu’afán críticu, a esti autor nótase-y l’interés por llevantar acta, permitiéndonos acompañalu mientres observa y anota. Esos apuntes del natural, fechos al ritmu rápidu de la memoria, casi al pasu, conformen un intelixente retratu de lo cotidiano a través del arte poéticu.

(more…)

Read Full Post »

PABLO R. GUARDADO

Gonzalo G. Barreñada, Francisco Priegue y Paquita Suárez Coalla tán acabantes d’asoleyar títulos con Saltadera, qu’edita tamién la novela ‘Invisible’ d’Aique Fernandi, ganadora del XI Premiu María Xosefa Canellada de lliteratura infantil y xuvenil. Cuatro llectures n’asturianu pa disfrutar xunto cola llegada del bon tiempu.

‘El peso de la lluz’ ye’l llibru que firma Barreñada. Trátase del so segundu poemariu, nel que “hai un movimientu continuu que camina de dientro a fuera. Muévese dende l’espaciu íntimu de la casa (la cocina onde llee y trabaya, la llavadora, la despensa, el tendal…) a llugares abiertos pelos que rolda como un modernu poeta-flâneur: lo urbano y lo rural, el monte y les escombreres, l’estranxeru…”, apunten dende Saltadera.

(more…)

Read Full Post »

DIEGOSOLISCS

Entrevistamos a Gonzalo G. Barreñada, nacíu en Sotrondio en 1973, ye llicenciáu en Xeografía y Historia y ta especializáu n’Historia del Arte. Ye l’autor de Biografíes (2016) y La casa de Xuan Buelga (2018) y ún de los autores más destacaos na lliteratura asturiana de los últimos años.

¿Cuándo entamasti a escribir ya interesate pola lliteratura?
Yo empecé a escribir practicamente dende críu. En casa monté incluso una editorial na escuela: con autores toos inventaos por min, con llibros que, en teoría, diba publicar nel futuru (qu’al final namás escribí unu daquella). Realmente empecé interesame pola escritura mui pronto: a nivel de llectura entamé a interesame por autores, podíemos dicir, mui “adultos”. Tuvi la mala suerte de lleer autores mui adultos en vez de lleer autores de noveles d’aventures y demás. Alcuérdome, por exemplu, de tar lleendo con trece años a Thomas Mann o a Kafka.

¿Consideres entos qu’hai un tipu de lliteratura venceyada a cada edá? ¿Consideres que’l fechu de lleer llibros tan complexos de rapaz foi malo pa ti?
A min paezme qu’hai un mercáu editorial que sí que ta dirixíu a un públicu infantil y xuvenil y otru a xente adulto. Les etiquetes son un asuntu del capitalismu pa vender ente ciertes franxes d’eda. Nel mio casu sí que foi significativo lleer esos autores porque realmente influyéronme. Yeren los llibros que tenía, nun tenía otros…

(more…)

Read Full Post »

Older Posts »