Testos infantiles y xuveniles protagonicen el númberu 36 de «Lliteratura»

L’Academia de la Llingua Asturiana vien d’asoleyar el númberu 36 de la revista Lliteratura. Revista lliteraria asturiana correspondiente al añu 2020. Nesti númberu, de 173 páxines, baxo la direición de la escritora y académica Marta Mori, atópense dos estayes de la revista claramente definíes y que bien podríen iguar dos númberos perfectamente dixebraos: una primer estaya especial dedicada a la Lliteratura Infantil y Xuvenil (LLIX) y una segunda estaya que coincide colos conteníos habituales de la revista.

A lo llargo de les sos páxines combínase la creación lliteraria, l’ensayu y la crítica, y les voces nueves apaecen xunto a voces yá consagraes. «Esti exemplar pue valir al empar d’amuesa del llabor lliterariu de güei y como material pal aula no que cinca a la Lliteratura Infantil y Xuvenil», espliquen na academia. 

Read Full Post »

El Grupu Epona ufre llibros de baldre demientres l’andanciu

Grupu Epona quier apurrir el so gabitu pa qu’estos díes d’empreslle se faigan más llevaeros y pa ello ponen a llibre disposición delles de les sos obres, que puen descargase de baldre dende la so páxina web

Pa los adultos proponen la llectura del so volume “Poética de Muyeres 2014” nel que, con prólogu d’Helena Trexu Fombella, alcontramos poemes d’escritores asturianes dende nóveles a les más consagraes y dende l’estremu oriental al ocidental del país.

Read Full Post »

Les Xornaes Lliteraries de l’Arribada tendrán espaciu otra vuelta nel Festival del Arcu Atlánticu

Les Xornaes Lliteraries del Festival del Arcu Atlánticu van desenvolvese otra vuelta dende’l llunes 27 nel Centru Cultura Antiguu Institutu. Ente teatru, proyeiciones de cine y delles otres actividaes, destaca una esposición n’homenaxe a a Juliana Constructora, empresa fundamental na construcción naval de Xixón, coincidiendo col so centenariu. Compleméntase con una conferencia, el martes 28 de xunetu, a les 19.00 h, del historiador Rubén Vega y Daniel Ordóñez, antiguu trabayador de Juliana Constructora, sobre «Astilleros y cultura del trabajo. Memoria histórica de la construcción naval».

La programación entamará el llunes 27 a les 19 hores nel Patiu del Centru de Cultura Antiguu Institutu con teatru y van seguir el martes 28 a les 19:30 nel Salón d’Actos, CMI Xixón-Sur “José Gonzalo Fernández Mieres”cola proyeición cinematográfica de ” Todo el tiempo del mundo” y l’alcuentru col director, José Antonio Quirós.

Read Full Post »

Nora na viesca los milenta güeyos

Helena Trexu Fombella
Ilustraciones de Violeta Mateu
ISBN: 978-84-8053-802-2
21 x 29,7 cm || 24 páxs. || PVP: 8 €

Nora, una rapacina presumiduca y espabilada como un esperteyu, recibe’l día’l so cumpleaños –qu’amás ye martes d’Antroxu– una visita bien rara y sorprendente: un pláganu con voz y güeyos, que tien el mandáu de llevala a conocer la viesca los milenta güeyos, onde va vivir bien d’aventures.

(d’Ediciones Trabe, 05-05-2015)

Read Full Post »

L’ALLA tien nes llibreríes el cuartu númberu de Lletres Lliterariu

La revista Lletres Lliterariu, que ñació como númberu especial de Lletres Asturianes y lleva cuatro años como publicación dixebrada, asoleyó’l pasáu mes de mayu un númberu nuevu. Nesti cuartu númberu l’Academia sigue col enfotu de contribuir a festexar la virtualidá estética del nuesu idioma, que dende hai sieglos vien dándonos obres de calidá induldable. Nesti volume puen atopase obres de poesía, narrativa, teatru y tornes.

Esti númberu cuatro inclúi poemes de Xuan Porta, Lauren García, Marta Mori, Xurde Fernández, Cristina Menéndez Martín, David Fernández, Roberto González-Quevedo, Xicu Monteserín, Manuel Asur, Ricardo Saavedra Fernández-Combarro, Marisa López Diz, Irma González-Quevedo Pedrayes, Inaciu Galán y González, Xe M. Sánchez, Mª José Fraga Suárez, Helena Trexu Fombella, Abel Aparicio González, Berto García, Ángeles González Fuentes, Carmen Uría Araujo, Pachu Menéndez, Ánxel Álvarez Llano, Mª Esther García López y Santi Fano, qu’ilustra amás esti volume.

Read Full Post »