Henrique Facuriella descúbrenos la so obra poética n’«El centinela»

Ediciones Saltadera asoleyera la so obra poética conocida hasta’l momentu na antoloxía «La prueba del once», en 2015. Agora, cuatro años más tarde, Facuriella asoleya «El centinela», que ye «la crónica d’un viaxe vital onde les estaciones márquenles non los sitios, sinon les persones, los alcuentros físicos y les distancies emocionales con esos otros que representen el suañu y la promesa».

El xueves 11 de xunetu, a les 7 la tarde, va presentase’l volume na Llibrería Trabe, na cai Fernando Alonso d’Uviéu.

Read Full Post »

‘Hansel y Gretel’ d’Higiénico Papel Teatro: muncho más qu’un cuentu

HENRIQUE G. FACURIELLA

Que un montaxe teatral lleve’l títulu d’un cuentu infantil nun quier dicir, necesariamente, que sía una obra ñoña, facilona o inmadura, sinón que lo más probable ye que sía tolo contrario. Les producciones Disney y asemeyaes esblancuñaron y acarambelaron unes narraciones que, nel so orixe, yeren mui dures pero, como munchos críticos lliterarios y psicólogos tienen apuntao, daben a los neños unes ferramientes pa enfrentase a un mundu que yera –y sigue siendo– de too menos fácil.

La pieza Hansel y Gretel –que la compañía Higiénico Papel Teatro armó enriba de les tables del Filarmónica’l vienres 9 de payares, dientro del II Festival «Nel Amaro» de Teatru profesional n’asturianu y gallego-asturianu–, ensin ser una adaptación que se recree nes cares más sangrines del cuentu orixinal, nun ye tampoco una versión Disney de la historia, anque se mande de dellos clixés de la factoría estaounidense.

Read Full Post »

La revista «Lliteratura» cambia de formatu

L’Academia de la Llingua presentó esta tarde’l númberu 34 de la revista Lliteratura, correspondiente al añu 2018, na Feria’l Llibru de Xixón. Nel actu, intervinieron los escritores Solinca Turbón, David Fernández, Inaciu Galán, Henrique Facuriella y Llucía Fernández Marqués, qu’ufrieron un recital poéticu a los asistentes.

La revista Lliteratura, qu’edita l’Academia de la Llingua col sofitu del Ayuntamientu d’Uviéu, vien publicando testos llíricos, narrativos y ensayísticos n’asturianu y en gallego-asturianu dende l’añu de la so apaición, en 1990. La presente edición, a cargu de Marta Mori, que toma’l relevu nesta xera del poeta y académicu Xosé Bolado, presenta un cambiu de formatu y incorpora secciones nueves, ente les que destaca’l dossier sobre ‘La poesía última’. Nesti puen alcontrase collaboraciones de 17 poetes nacíos a partir de 1974.

(de La Voz de Asturias, 18-06-2018)

Read Full Post »

Facuriella torna a trayer creaciones en prosa de Pessoa al asturianu

PABLO R. GUARDADO

‘El pelegrín y otros cuentos’ trátase de la torna al asturianu de 36 cuentos inéditos a la muerte del portugués Fernando Pessoa –cola esceición de ‘El banqueru anarquista’–, obra d’Henrique Facuriella. B. Alto Creativos tamién edita la traducción del inglés ‘Esclavu doce años’, de Solomon Northup, de la que s’encargó Mario Baragaño.

Tres la traducción nel 2014, tamién de Facuriella, del ‘Livro do desassossego’, tornáu como ‘Llibru del desasosiegu’, l’axencia de comunicación edita ‘El pelegrín y otros cuentos’, trayendo asina al nuesu idioma dellos exemplos del trabayu en prosa del portugués. “L’interés de la mayoría de los editores y los críticos centróse, munchos años, na poesía del portugués y, sobre manera, nel fenómenu de la heteronimia (el desdoblamientu de la personalidá del escritor n’otres personalidaes con nome, biografía y voluntá propios)”, un enfotu que camudó nel 1982 cola publicación primeros testos del ‘Livro do desassossego’.

Read Full Post »

«Hay talento, falta glamour»

PABLO A. MARÍN ESTRADA

El presente y el futuro de la edición de libros en asturiano fueron debatidos ayer en un encuentro organizado por la Consejería de Educación y Cultura del Principado y celebrado en el Salón de Té del Teatro Campoamor de Oviedo. Editores, libreros, bibliotecarios y medios de comunicación expusieron sus puntos de vista ante una realidad que ha llevado en los últimos años a un descenso importante en el número de publicaciones en llingua asturiana y gallego-asturiano.

Los datos fueron puestos sobre el tapete por el Xefe de Serviciu de Planificación Llingüística, Chechu García: 138 títulos en 2011 frente a 58 en el último año. Las causas y los posibles remedios centraron el debate de las dos primeras mesas en las que participaron Santiago Caravia, de la Biblioteca de Asturias, el librero Rafa Gutiérrez, Henrique Facuriella de ‘Brixel’, el jefe de Cultura de El Comercio Miguel Rojo, así como los editores Antón García, Esther Prieto, Daniel Álvarez y Enrique Carballeira.

Read Full Post »

L’ésitu del Día de les Lletres Asturianes en Madrid asegura la so continuidá

El sábadu pasáu celebróse nel Centru Asturianu de Madrid el Día de les Lletres Asturianes, actu que contó con munchu públicu y collaboraciones de xente emigrao. Tres años ensin celebrase, Iniciativa pol Asturianu recuperó l’eventu, que tendrá continuidá.

L’actu entamó coles pallabres de Valentín Martínez-Otero, presidente del centru, que recordó’l sofitu de la entidá asturiana en Madrid a la cultura y la llingua asturiana y qu’agradeció a Iniciativa pol Asturianu la convocatoria de la celebración. Darréu, Marissa Bordallo, miembru d’esta organización, presentó l’actu y emponderó la disposición de Martínez-Otero pa entamar actividaes alredor de la llingua asturiana.

Read Full Post »

Un tiempu nuevu

ANTÓN GARCÍA

Lliteratura, 30
Revista lliteraria asturiana
Uviéu, Academia de la Llingua Asturiana, 2014.

Coincidiendo col XXXV Día de les Lletres acaba d’editase’l númberu 30 de la revista Lliteratura, una publicación que cumple venticinco años. Trai dalgunes novedaes amás del propiu conteníu que paga la pena destacar, como’l compromisu de salir anualmente alredor de la celebración de les Lletres, nel mes de mayu; pero tamién la renovación d’una parte del conseyu de redacción. El prematuru y llamentable fallecimientu del académicu Miguel Ramos Corrada dexa un furacu importante ente los redactores, tratándose d’ún de los primeros miembros del conseyu, xunto con Paz Fonticiella, Vicente García Oliva y Ignaciu Llope, que siguen. Sicasí, la entrada de dos nomes nuevos, Marta Mori y Xosé Ramón Iglesias Cueva, vien acompañada de la salida d’otros dos, Lluisa Suárez Sáez y Xuan Bello.

Read Full Post »

La llingua asturiana, en manos mozas

M. S. MARQUÉS

La entrega de los Premios Lliterarios 2013 que otorga la Consejería de Cultura llevó ayer la lengua asturiana al Paraninfo de la Universidad de Oviedo. El propio rector Vicente Gotor utilizó el asturiano para felicitar a los galardonados: Pablo Rodríguez Medina, premio Xosefa Xovellanos de novela por la obra “Fame d`amor, determín de pasión”; Beatriz Redondo, premio Máximo Fuertes Acevedo de ensayo por “Yá cuasi nunca lo facemos por amor. Conciencies mercenaries”; Marisa López Diz, premio María Josefa Canellada de literatura infantil y juvenil por “Tatuaxes nel corazón”; Alfonso Zapico, premio Alfonso Iglesias de cómic por la obra “Cuadernos d’Ítaca” y Ricardo Candás, premio Xuan María Acebal de poesía por “Superficie del silenciu”.

Los dos últimos no estuvieron presentes por motivos laborales, ambos trabajan fuera de Asturias. En el caso de Ricardo Candás fue su madre Isabel Huerta la encargada de recoger el premio. Henrique Facuriella lo hizo en nombre de Alfonso Zapico.

Read Full Post »

Ciañu entama’l ciclu «Los xueves de Castilletes y Carbón»

El Centru de Referencia de la Cultura y la Llingua Asturiana, Casa de los Alberti, de Ciañu (Llangréu), va acoyer a partir el ciclu Los xueves de Castilletes y Carbón, que va celebrase tolos xueves de payares a les 20 hores. Estes actividaes tán entamaes pola Fundación Nuberu en collaboración col Conceyu de Llangréu. Los actos van entamar esti 8 de payares cola conferencia d’Enrique Fernández Rodríguez «Dellos conceptos de pedagoxía económica». Una selmana depués, el día 15, toca-y el turnu a Cristian González, que va falar de «Gastronomía y mina».

El xueves 22, la presidenta de l’Academia de la Llingua Asturiana, Ana Cano, va falar del papel que tien la llingua asturiana dientro de la Universidá d’Uviéu. Una selmana depués, va celebrase un recital lliterariu col títulu de «Compañero dame tira», nel que van participar Chechu García, Manuel Asur, Pablo Texón, Lourdes Álvarez, Xurde Álvarez, Henrique Facuriella, Xosé Ramón Martín Ardines y Roberto Corte. P’acabar, el martes 4 d’avientu, nel Teatru de L’Entregu, Nuberu va ufrir un conciertu que va poner fin a estes actividaes.

(de Les Noticies, 06-11-2012)

Read Full Post »

Ámbitu edita l’antoloxía «Cuentos pal mes d’agostu»

Publicaciones Ámbitu acaba de sacar a les llibreríes l’antoloxía Cuentos pal mes d’agostu, onde se recueyen una docena de cuentos d’otros tantos autores. La obra publica cuatro rellatos inéditos de Pablo Texón, Miguel Rojo, Henrique Facuriella y Esther Prieto, y recupera dalgunos de los meyores cuentos –dellos inalcontrables güei– d’escritores de la talla de Berta Piñán, Marta Mori, Xosé María Valdés Costales, Antón García, José Luis Rendueles, Xurde Fernández, Héctor Pérez Iglesias y Paula Paulgar.

Read Full Post »