Feeds:
Antradas
Comentairos

Posts Tagged ‘Henrique G. Facuriella’

La Tertulia Malory, de L’Entregu, escoyó como meyor llibru n’asturianu de tolos editaos nel 2012 la novela gráfica La Chelita, del dibuxante Ruma Barbero. El xuráu tuvo formáu polos escritores Xulio Arbesú, José Luis Rendueles, Pablo Rodríguez Medina, Solinca Turbón, David Fernán, Roberto Corte, Chechu García y Henrique G. Facuriella, que fallaron el premiu nun actu celebráu na tertulia’l 1 de Payares de 2013. El xuráu destacó nel acta del fallu “el dominiu de tolos recursos del llinguaxe del cómic. Un ritmu narrativu áxil y rellumante a les órdenes d’un guión perfechu col que conquista l’alma del llector”.

El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu nuna fecha tovía ensin determinar. Amás, el colectivu lliterariu con sé en L’Entregu va mercar 20 exemplares de la obra pa ofrecer como regalu protocolariu nos actos organizaos o onde participe la Tertulia Malory. (more…)

Read Full Post »

ANTÓN GARCÍA

«Yo nun soi yo nin soi l’otru,/ más bien soi dalgo intermedio:/ pie de la ponte del tedio/ que va de min dica l’otru»; estos versos del propiu autor podíen sirvir de lema al llibru La confesión de Lúcio, la obra del portugués Mário de Sá-Carneiro que traduz al asturianu Henrique G. Facuriella. Ye una curiosa narración sobre l’atracción homosexual velada, impresa en 1914, na que la identidá de los protagonistes, el triangulu amorosu que formen el narrador (Lúcio), Ricardo de Loureiro y la so muyer, Marta, va desdibuxándose según avanza’l relatu. Na carta prólogu qu’abre’l llibru Lúcio Vaz diz que tuvo diez años na cárcele por matar al so amigu Ricardo, y al recobrar la llibertá decide confesar lo que pasó, consciente qu’esa verdá va resultar «inverosímil». Empieza darréu’l relatu de cómo hacia 1895 se treslada de Lisboa a París pa estudiar Drechu, entrando en contactu cola riquísima vida cultural de la capital francesa. Ellí Lúcio conoz, ente otres persones, a l’Americana, una artista anticonvencional, delgada, rubia, cubierta de xoyes, que besa na boca a otres muyeres y bailla sensualmente. (more…)

Read Full Post »

Mário de Sá-Carneiro
Traducción d’Henrique G. Facuriella
Publicaciones Ámbitu
ISBN: 978-84-8053-96413-85-6
14 x 21 cm || 160 páxs. || PVP: 12 €

La novela La confesión de Lúcio ta considerada por dellos críticos como la obra mestra del escritor Mário de Sá-Carneiro (Lisboa, 1890-París, 1916). L’enfotu del narrador, Lúcio Vaz, ye demostrar qu’él nun mató al escritor Ricardo de Loureiro, y, pa consiguilo, afirma que va dicir namás que «la verdá» hasta cuando ella sía «inverosímil». (more…)

Read Full Post »

Publicaciones Ámbitu acaba d’editar el númberu 40 de la revista cultural El Summum. Ente los conteníos, atópase un artículu d’Alfonso Palacio sobre la pintora María Vallina, un estudiu de Carlos Paricio Vega alredor del monesteriu uviedín de Santa María de la Vega o l’análisis de María Campomanes sobre la presencia de les muyeres mayores nes redes sociales.

Nel apartáu lliteriariu destaquen l’avance de la novela nueva de Marina Sanmartín Pla y la traducción al asturianu de dellos poemes del portugués Al Berto al cargu d’Henrique G. Facuriella. D’él son tamién les imáxenes y los testos d’un fotorreportaxe sobre la comunidá cisterciense de Valdediós. Amás, Xosé Bolado analiza la obra poética d’Héctor Pérez Iglesias y Sibisse Rodríguez fala sobre la terapia colectiva que pue ofrecer l’arte en casos de catástrofes como’l terremotu de Lorca.

ANEXU: El Summum 40.

(de Les Noticies, 12-12-2012)

Read Full Post »

La Tertulia Malory, de L’Entregu, escoyó como meyor llibru n’asturianu de tolos editaos nel 2011 el poemariu La ñeve del cuquiellu, del escritor Xabiero Cayarga. El xuráu tuvo formáu polos escritores Xulio Arbesú, José Luis Rendueles, Pablo Rodríguez Medina, Roberto Corte, Chechu García y Henrique G. Facuriella, que fallaron el premiu nuna sesión especial de la tertulia celebrada en Peñamayor el 9 de xunu del 2012. El xuráu destacó nel acta del fallu «la claridá de los versos, la frescura y el tempo poéticu, a la par que s’atoparon nel llibru munchos momentos de llectura rellumantes».

El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu nuna fecha tovía ensin determinar. Amás, el colectivu lliterariu con sé en L’Entregu va mercar venti exemplares de la obra pa ofrecer como regalu protocolariu nos actos organizaos o onde participe la Tertulia Malory. (more…)

Read Full Post »

ANTÓN GARCÍA

Convién señalar que l’autor d’esti Llunariu que traduz Henrique G. Facuriella al asturianu, Al Berto (Coímbra, 1948-Lisboa, 1997), ye primero que nada un poeta que se llamaba Alberto Raposo Pidwell Tavares. Nenu ricu, pintor, editor con vocación marxinal, viaxeru, hippy, poco a poco foi construyendo un personaxe lliterariu provocativu y tresgresor, que llevantó la bandera de la militancia homosexual nuna sociedá, la portuguesa de los años setenta y ochenta, entá non preparada p’asumir tanta novedá. Esti llibru, que tovía firma en 1988 col so nome verdaderu, yera la primer incursión del futuru Al Berto nel tarrén de la prosa. Dividíu en siete capítulos, del «Atapecer» a la «Umbría» pasando peles distintes fases llunares, termina col «Cánticu», una puerta que l’autor dexa abierta a la esperanza, atopándose a él mesmu, anque la soledá que percuerre tola obra siga siendo la esencia de la historia. (more…)

Read Full Post »

La revista Reciella Malory, subtitulada Cartafueyos de lliteratura asturiana, acaba de llegar a les llibreries col que yá ye cuartu númberu. Nesti exemplar, los llectores van poder atopar lliteratura n’asturianu de calidá, l’oxetivu principal d’esta publicación, meciendo autores mozos con otros escritores yá consolidaos dientro les nuestres lletres. Asina, nes fueyes de Reciella Malory inclúise un testu narrativu de Jorge Fernández («Eso fáigolo yo»); poemes de Rubén d’Areñes («Carta pa una muyer que se llama Inés»); Héctor X. Fernández («Quixera que supieres»); Sergio Gutiérrez Camblor («Son les once la mañana»); María Esther García López («Buttes Chaumont»); José Luis Rendueles («Xaula«); Laura Marcos («Onde afuxen los paragües»); y Héctor Pérez Iglesias («Cuando’l so pueblu tuvo que dexar»). (more…)

Read Full Post »

MIGUEL BARRERO

¿Hay relevo en la literatura asturiana? La pregunta -que venía repitiéndose con insistencia desde los inicios del nuevo siglo- parece tener ya una respuesta firme cuando estamos a un suspiro de terminar la primera década del XXI. En efecto, hasta hace unos pocos años parecía que la llamada Segunda Generación del Surdimientu -esto es, el grupo de autores que se dieron a conocer entre los 80 y los 90 de la pasada centuria y que componen figuras tan destacadas como Antón García, Berta Piñán, Pablo Antón Marín Estrada y Xuan Bello- no encontraban continuidad más allá de algunos nombres aislados cuyas obras presentaban un carácter más o menos epigonal (Xandru Fernández, Ramón Lluís Bande) o de apariciones fugaces que acabaron esfumándose sin dar pie a ninguna aventura grupal de la índole de la que dejó a su paso títulos tan memorables como ‘El llibru vieyu’, ‘Los díes repetíos’ o ‘Vida privada’.

(more…)

Read Full Post »

« Newer Posts