Feeds:
Antradas
Comentairos

Posts Tagged ‘Hoja de Lata’

Francisco Álvarez (Xixón, 1970) ta acabante d’asoleyar “Los xardinos de la lluna” (Trabe, 2020) una obra que-y valió’l so segundu Premiu Xosefa Xovellanos l’añu pasáu. La primer vez que lu algamó foi con “Lluvia d’agostu” (Hoja de Lata, 2016), la que probablemente seya una de les noveles de mayor éxitu de la lliteratura asturiana, cola segunda edición n’asturianu a puntu d’escosar, otres dos publicaes en castellanu y tamién, dende va unos meses, una edición n’alemán a cargu d’un sellu editorial austriacu. Si en “Lluvia d’agostu” Francisco Álvarez esploraba la vida de Buenaventura Durruti nuna novela perbién documentada, en “Los xardinos de la lluna” el tresfondu políticu sigue ehí anque pasamos de los llugares que marcaron la vida de Durruti a Italia, un país que Francisco Álvarez conoz bien, pos ye traductor lliterariu d’italianu.

Una de les coses que llamen l’atención pa bien de les tos noveles ye qu’anque tean n’asturianu nun tán ambientaes n’Asturies; dalgo que, polo xeneral, ye minoritario nes noveles escrites nesti idioma. ¿Paezte que los escritores asturianos pequen d’asturcentrismu munches veces?

Pamidea que sí, pero ye la mio opinión como llector. Como autor respeto’l derechu de tou escritor o escritora a escoyer l’escenariu y el tiempu que-y pete p’ambientar les sos noveles. Yo soi muncho más ‘centrífugu’ que ‘centrípetu’ nesti aspectu. Préstame escribir histories internacionales y mesmamente internacionalistes, paezme que ye una forma d’enanchar el marcu de les lletres asturianes y d’abrir víes a la esportación de la lliteratura fecha n’Asturies, aparte de que tengo la necesidá mental de fuxir del tiempu y del llugar nel que me toca vivir. Esa ye la mio apuesta o la mio propuesta como narrador, anque ello nun significa qu’arrenuncie a esti país como escenariu: “Lluvia d’agostu” ta ambientada en Barcelona, Madrid, Lleón, París y Moscú, ente otres ciudaes, pero tamién en Xixón, Uviéu y La Felguera; ‘Pasaxeres de la nueche’ ye un volume de cuentos históricos ‘empadronaos’ en Waterloo, Liverpool, Río de Janeiro, el Mar d’Irlanda o una reserva sioux, pero tamién en Castrillón y na conca minera; “Los xardinos de la lluna” ye una novela que se desarrolla en Florencia, Roma, Trieste, Turín y Palermo, pero con visites a Uviéu y Xixón…

(more…)

Read Full Post »

“Lluvia d´agostu” la novela del escritor xiixonés Paco Álvarez foi nel 2016 la ganadora del XXXVI Premiu de Novela en Llingua Asturiana Xosefa Xovellanos, asina como del Premiu de la Crítica Asturiana, va ser publicada esta primavera n’alemán. Centrada na vida del anarquista llionés Buenaventura Durruti, un de los llamaos homes d’acción de la CNT, atracador de bancos pa financiar el movimientu obreru nos años 20, protagonista del aplastamientu del golpe d’Estáu na Barcelona del 18 de xunetu de 1936, y muertu nel frente de Madrid en circunstancies estrañes, “Lluvia d´agostu” va ser editada en mayu por Bahoe Books, un sellu independiente de Viena especializáu’n lliteratura social y política. La editorial en llingua alemana cambió’l títulu del llibru, que va ser “Durruti. El mundo nuevo en nuestros corazones”. Anteriormente, “Lluvia d´agostu” yá fuera editada’n castellanu por Hoja de Lata, la mesma editorial que publicó la novela n’asturianu.

(de Nortes, 10-04-2020)

Read Full Post »

M. ROJO

Tras el éxito de ‘Lluvia d’agostu’, la novela que le valió el Premio Xosefa Xovellanos y en la que cuenta las andanzas del anarquista Buenaventura Durruti, Francisco Álvarez vuelve a publicar con la editorial gijonesa Hoja de Lata, en esta ocasión una colección de relatos cortos que lleva por título ‘Pasaxeres de la nueche’. Historias que van desde las conversaciones de las mujeres de uno de los cuadros más famosos del siglo XX cuando se quedan a solas de noche en el museo a los pensamientos de una sicaria brasileña que ahoga sus penas en el alcohol, con paradas en las reflexiones de un minero que baja cada día cantando a la mina o los entresijos de la batalla de la Ponte de Peñaflor, en Candamo, durante la francesada.

(d’El Comercio, 16-05-2019)

Read Full Post »

PABLO R. GUARDADO

Estos díes ta celebrándose en Barcelona la feria profesional Liber con presencia de nueve editoriales asturianes, dalgunes con obres n’asturianu, como Saltadera o Trabe. Antón García demanda una campaña del Gobiernu pa dar a conocer la nuesa lliteratura nel esterior al haber “obra suficiente pa esportar”.

“Ye un bon momentu pa que’l Gobiernu promocione fuera la lliteratura n’asturianu, con obra suficiente pa esportar”, apunta’l responsable de Saltadera, que señala que la so esperiencia na Feria Internacional del Llibru, Industria Editorial y Editores de Llibros (Liber) “nun ye mui bona” cola so producción en llingua asturiana. Sicasí, “llevamos los llibros qu’editamos n’español y les novedaes n’asturianu”, siendo les traducciones les que más llamen l’atención entres distribuidores, otres editoriales y llibreros.

(more…)

Read Full Post »

L’Institutu Asturies 2030 presenta una iniciativa nueva, el Premiu Institutu Asturies 2030 d’Ensayu, col que quier dar puxu al pensamientu críticu: “Buscamos voces que nos ayuden a problematizar los retos de la nuestra sociedá y respuestes a problemes que son urxentes, como la crisis de trabayu, la socioambiental, les desigualdaes de xéneru…”, esplica’l sociólogu y escritor César Rendueles, presidente del Institutu Asturies 2030.

“Hai fame d’esta triba de reflexones, de pensamientu críticu y, mesmamente, esto rescampló nos últimos años al espoxigar un aquel los llibros d’ensayu. Sicasí, munches veces pa les editoriales comerciales ta malo de tirar por autores o títulos arriesgaos o por novedaes. Por eso nos abultaba qu’un premiu d’ensayu centráu nel pensamientu críticu podía ser un apueste tan interesante como necesariu”, continúa Rendueles.

(more…)

Read Full Post »

La Tertulia Malory, de L’Entregu, escoyó como meyor llibru n’asturianu de tolos que s’editaron nel 2016 la novela Lluvia d’agostu, del escritor xixonés Francisco Álvarez. El xuráu formáronlu los escritores Xulio Arbesú, José Luis Rendueles, Pablo Rodríguez Medina, Solinca Turbón, David Fernán, Roberto Corte, Chechu García, Lluis Aique Iglesias y Henrique G. Facuriella, que fallaron el premiu nun actu celebráu na tertulia’l 23 de xunu del 2017.

El xuráu destacó, nel acta del fallu, “la maestría cola que l’autor resuelve una empresa tan ambiciosa como la de contar la historia del anarquista Buenaventura Durruti ensin perder de vista al home que la historia convirtiera nun símbolu. Tres d’esti trabayu narrativu, onde Álvarez fai rescamplar el so dominiu del asturianu pa facer llegar al públicu la historia al traviés d’un llinguaxe contemporaneu, apréciase un llabor de documentación rigorosu, que mete dafechu al llector na trama y lu conecta colos sos protagonistes».

(more…)

Read Full Post »

ANTÓN GARCÍA

Lluvia d’agostu
Francisco Álvarez
XXXVI Premiu de Novela «Xosefa Xovellanos»
Xixón, Hoja de Lata, 2016

A mediaos de los años ochenta una periodista francesa llega a Moscú cola intención d’entrevistase con Andrés, un vieyu comunista español, exiliáu al terminar la guerra civil, una de les últimes persones que vio vivu a José Buenaventura Durruti. Libertad Casal trabaya nel “Nouvel Observateur”, y tanto’l nome como l’apellíu son nicios de la so historia: fía de militantes anarquistes españoles. El padre muerre n’acción de guerra en 1936. La madre, enfermera, va terminar marchando al exiliu francés, nel que muerre dexando a la pequeña Libertad en bones manes: nes d’Elisabeth Eidenbenz, la suiza qu’axudó a salvar a cientos de nenos refuxaos. Lo que busca Libertad Casal en Moscú, una tarde d’agostu na que llueve a xarraos y da títulu al llibru, ye parte de la so historia personal: la madre, Rosalía Casal, foi la enfermera qu’atendió a Durruti nes últimes hores de la so vida, desque recibió un balazu mortal nel frente de Madrid a meudía del 19 de payares de 1936 y la madrugada del día 20, cuando fallez.

(more…)

Read Full Post »