Gonzali Producciones anuncia’l doblaxe n’asturianu de ‘And Then There Were None’

Gonzali Producciones anunció esti xueves que va facer el doblaxe en llingua asturiana del llargumetraxe ‘And Then There Were None’, dirixíu en 1945 por René Clair, y protagonizáu por Walter Huston, Roland Young, Louis Hayward, June Duprez, Barry Fitzgeral, C. Aubrey Smith, Judith Anderson, Mischa Auer, Richard Haydn, Queenie Leonard y Harry Thurston.

Según esplica la productora nuna nota de prensa, ésta ye la adaptación cinematográfica primera, y abondo fiel, de la perconocida novela policiaca d’Agatha Christie ‘Ten Little Niggers’. Presenta la historia de diez persones invitaes a pasar el fin de selmana nuna mansión na remota Isla del Negru.

Read Full Post »

Esther García López, Pilar Sánchez Vicente y Ramón D’Andrés, Premios Timón

Un xuráu formáu por Carlos Espina Alonso, Humberto Gonzali, Illán Gonzali, Xicu Monteserín y María Xosé Rodríguez, y actuando de secretaria María Teresa González Cobos, alcordó’l pasáu martes 22 d’avientu otorgar les trés modalidaes de los Premios Timón 2016. Asina, el X Premiu Timón p’autores en llingua asturiana y n’eonaviego, llógralu l’autora valdesana Eshter García López; el VII Premio Timón p’autores asturianos en llingua castellana ye pa la escritora xixonesa Pilar Sánchez Vicente, y el IV Premiu Timón de Cultura Asturiana a asociaciones, sociedaes, fundaciones ya instituciones afitaes n’Asturies que tengan como fin la conservación y promoción de la identidá cultural de nueso, y a persones con una trayeutoria valoratible nesi ámbitu. recái nel filólogu Ramón d’Andrés. Los Timón destínense a reconocer la trayectoria creativa de los escritores d’Asturies. Pa esta edición, nes estayes lliteraries, optaren a los gallardones los/es escritores que nacieren nel añu 1.966 o antes. Los gallardones correspondientes consisten nuna obra del escultor y ceramista xixonés Jesús Castañón pa cada modalidá, y van entregase mientres la cellebración de la edición oncena de L’Arribada en 2016.

Read Full Post »

Illán Gonzali: “Nos faltaba este paso de un filme clásico doblado al asturiano para TV”

J. L. ARGÜELLES

El gijonés Illán Gonzali es, pese a su juventud (tiene sólo 23 años) un pionero. Responsable de Gonzali Producciones, lleva desde 2010 embarcado en una no siempre muy comprendida empresa: ofrecer títulos de la filmografía universal doblados al asturiano. Ayer, día de Navidad, estaba feliz. Y lo estará más mañana, viernes. Es la jornada elegida por la TPA para emitir por primera vez una película con su versión en bable. El filme elegido es “El rostro impenetrable”, dirigida y protagonizada por Marlon Brando, y se pasará en horario de máxima audiencia, a las diez y media de la noche. “Estoy muy satisfecho pero lo veo como un paso, el que nos hacía falta dar para consolidar proyecto; y hacía falta un clásico”, afirma el productor.

No ha sido un proceso exento de dificultades. Dos años de negociaciones y cuatro meses de trabajo para culminar el dobable de la única película que dirigió Brando, un western de 1961 que obtuvo la Concha de Oro en el Festival de San Sebastián de ese mismo. Fue mejor recibida en Europa que en Estados Unidos, donde un sector de la crítica reprochó al director-protagonista cierto narcisismo en la conducción de la cinta, sazonada con numerosos primeros planos de la gran estrella.

Read Full Post »

Un congresu va reunir a xente mozo que se dedica a la creación cultural nel ámbitu asturianu

PABLO R. GUARDADO

L’auditoriu d’Uviéu va acoyer, el 19 d’ochobre, el primer Congresu Cultura Asturiana Mozo. Nél va participar xente de menos de 35 años que se dedica a la creación cultural nel ámbitu asturianu pa visibilizar el so llabor énte la sociedá.

L’Asociación Cultural L’Arribada y la Fundación Nueva Asturies son les dos entidaes qu’impulsen esta iniciativa na que ta collaborando delles personalidaes de la cultura asturiana y qu’entá nun tien zarráu’l programa oficial. “Los oxetivos son, de manera interna, ver cómo ven les nueves xeneraciones la cultura asturiana, la so actividá, el mundu económicu y empresarial d’ellos, asina como les perspeutives de futuru que tienen”, apunta Xuan Xosé Sánchez Vicente, que darréu añade que, de manera esterna, la idea fundamental ye facer visible a los güeyos de la sociedá del país a miles de profesionales de la cultura asturiana de los que desconoz el so llabor. “Queremos treslladar a la sociedá asturiana qu’equí hai un mundu ricu na so variedá, creativu y coneutáu al mundu contemporaneu, quitando asina esa imaxe que caltién una parte de la sociedá de que’l mundu cultural asturianu ta mui arreyáu a lo antiguo, a lo folclórico”, continúa’l representante de la Fundación Nueva Asturies.

Read Full Post »

La Universidá dedica al audiovisual asturianu un cursu de branu que tien en cuenta la cuestión llingüística

PABLO R. GUARDADO

Carlos Menéndez Otero y Cristóbal Ruitiña van impartir nel Centru Niemeyer un cursu de branu de la Univesidá de nome ‘El sector audiovisual en Asturias. Una industria cultural en la encrucijada’. Ésti va tener en cuenta la cuestión llingüística.

El cursu, destináu a estudiantes, profesionales del sector y públicu en xeneral, va tener llugar ente’l 10 y el 14 de xunu y ye homologable por creitos de configuración llibre. Na primer xornada, va repasase la historia de la televisión n’Asturies pa depués, dar pasu a Adolfo Camilo Díaz, miembru del conseyu d’administración de la RTPA dende los sos entamos en 2005 hasta 2011, que va esplicar a los alumnos y alumnes cómo nació l’ente de comunicación públicu. Yá pela tarde, va celebrase una mesa redonda sobre la formación audiovisual n’Asturies na que van participar Luis Mario García Bango, Jerome Muñoz Aubry y el propiu Ruitiña. Pela so parte, el martes, Arturo Somoano va falar sobre cómo se programa en televisión, a lo que va siguir una ponencia del direutor xeneral de la TPA, Antonio Virgili, sobre la situación actual de la cadena pública. Tres un descansu pa xintar, va celebrase’l segundu alderique del cursu, nesta ocasión sobre la producción audiovisual asturiana, cola presencia de Jorge Iván Argiz, Azucena López Álvarez, Somoano y el profesor Menéndez Otero.

Read Full Post »

El 3 de Mayu fadráse la primera emisión televisiva d’un llargumetraxe dobláu al asturianu

El xueves 3 de mayu va emitise en televisión, per primera vez na historia, un llargumetraxe dobláu al asturianu. Trátase del versionáu na nuesa llingua del westerm McLintock, protagonizáu por John Wayne, Maureen O’Hara, Patrick Wayne y Stefanie Powers, fechu por Gonzali Producciones y que se podrá ver en Teleasturias esi día a les 10 de la nueche, tres d’una presentación previa de la película y el so doblaxe nel programa Primera Plana. Habrá otru pase de McLintock na mesma emisora’l domingu 6 de mayu, a les 3,30 de la tarde.

Les persones que nun tengan sintonizada la canal, puen atapola nel dial 66 de la TDT, mentes que la xente que nun resida n’Asturies va poder ver el llargumetraxe al traviés d’Internet .

Read Full Post »

Gonzali Producciones pon a la venta’l doblaxe n’asturianu de ‘La nueche de los muertos vivientes’

PABLO R. GUARDADO

Los aficionaos asturianos al cine yá pueden disfrutar en casa del doblaxe al asturianu de ‘La nueche de los muertos vivientes’. Gonzali Producciones ta acabante de poner a la venta un DVD especial de la película qu’inclúi dellos estres.

Read Full Post »

Illán Gonzali: “El nivel de los dobladores asturianos ye peraltu”

PABLO R. GUARDADO

El llabor de Gonzali Producciones ta permitiendo a los asturianos disfrutar de clásicos del cine internacional en llingua asturiana. Illán Gonzali (Xixón, 1990) ye’l responsable d’esta empresa que ta acabante de sacar a la venta ‘McLintock’.

¿Qué va atopar el públicu nesti DVD?
Va topase con un títulu, mezclienda ente comedia y western, protagonizáu y producidíu por John Wayne, con ún de los presupuestos más altos de la so carrera, dalgo que se nota nos decoraos y nel formatu cinemascope en que ta rodáu. Y, claro ta, va afayar a un Wayne que fala na llingua del nuesu país gracies a un gran trabayu d’Antón Caamaño, que-y aportó una gravedá y unos matices a la so interpretación que tán al altor de los meyores dobladores. Cuando dalguién merque esti DVD y lu reproduza en casa, disfrutará d’un productu de calidá frutu del trabayu y esfuerzu d’un equipu artísticu importante, con cuasi trenta actores y actrices de doblaxe, y d’un equipu técnicu qu’inclúi a traductores, montadores, técnicos de soníu, etc. En poques palabres, va topase con una versión al mesmu nivel que cualquier otra película doblada al español o a otres llingües del Estáu como’l catalán o el gallegu.

Read Full Post »

Samartín presenta un ciclu de cine n’asturianu con cuatro clásicos

La Conceyalía de Cultura de Samartín del Rei Aurelio presentó’l xueves 10 de payares el Ciclu de Cine n’Asturianu, que se va poner en marcha esti mes al traviés de la Oficina de Normalización Llingüística y dientro de que van proyectase cuatro películes doblaes al asturianu. La iniciativa ye frutu d’un alcuerdu con Gonzali Producciones, que s’encargó de los doblaxes.

El ciclu va abrise cola proyección, el martes 15 de payares, a les 19:00 hores, n Casona del Bravial de Blimea, d’El tercer home, película del director británicu Carol Reed protagonizada por Orson Welles nel añu 1949.

Read Full Post »

Nacho Fonseca gana’l XIV Concursu de Cuentos pola Oficialidá de Bimenes cola obra ‘Lluis’

PABLO R. GUARDADO

‘Lluis’, de Nacho Fonseca, foi la obra escoyida como ganadora del XIV Concursu de Cuentos pola Oficialidá. D’esta forma, el ‘alma’ de Xentiquina recibe otra bona noticia na selmana na que’l so proyeutu musical pa neños va vivir un homenaxe.

El fallu d’esta edición del Concursu de Cuentos pola Oficialidá diose a conocer ayeri nun de los actos que ta viviendo Bimenes estos díes por mor de la XV Fiesta de la Oficialidá de la Llingua Asturiana, que’l sábadu celebra’l so día grande. La Casa Cultura de Santuyano acoyó la presentación del llibru ‘Canigú lliterariu’ y una llectura de testos n’asturianos por autores de la Mancomunidá de la Sidra, pa depués dar a conocer les meyores obres participantes nel concursu. Nacho Fonseca llevóse’l primer premiu, dotáu con 800 euros, gracies a la obra ‘Lluis’. El segundu premiu, de 500 euros, foi pa Quique Faes Díaz, col cuentu ‘Tengo un plan’ y el terceru, de 350 euros, pa Pablo Rodríguez Alonso con ‘¿Qué coño bebe un zulú?’.

Read Full Post »