L’inglés Robin Munby, nuevu ‘Embaxador de la Llingua Asturiana’

Iniciativa pol Asturianu valora con esti títulu honoríficu “l’interés del traductor en deprender asturianu y el so trabayu de traducción”.  

Inaciu Galán, vocal de la organización, entregó esta mañana a Robin Munby el títulu de ‘Embaxador de la Llingua Asturiana’. Nacíu en Liverpool nel 1991 y residente anguaño en Madrid, estudió’l grau de Llingües Modernes, especializándose en castellanu, rusu y portugués, na University of Sheffield, continuando la so formación depués con un máster de Traducción na University of Glasgow,

Read Full Post »

La Xira pola Oficialidá va percorrer los conceyos “en defensa de la llingua asturiana y d’esti derechu constitucional”

PABLO R. GUARDADO

La movilización cívica Xira pola Oficialidá, impulsada pola Fundación Almastur y Iniciativa pol Asturianu, y abierta a tola ciudadanía y entidaes “con una sensibilidá asturianista y democrática”, va percorrer los conceyos del país y otres autonomíes con idioma propiu “en defensa de la llingua asturiana y del derechu constitucional que ye la oficialidá”. Carlos Rubiera y Iván Llera roblaron un conveniu de collaboración.

L’actu fíxose nel Atenéu Obreru de Xixón, al qu’agradecieron la cesión del espaciu. “Llevamos conversando y falando dende la seronda cola intención de collaborar ente les dos organizaciones de manera formal y continuada nel tiempu y a lo llargo d’estos meses vinimos madurando esta decisión de trabayar conxuntamente, una collaboración que tuvimos concretando nun conveniu nel que ponemos en común esi interés por trabayar en defensa y pol futuru de la llingua y cultura asturianes, que ye l’enfotu que tenemos en común les dos organizaciones”, apuntó nun primer momentu Llera, presidente d’Iniciativa pol Asturianu.

Read Full Post »

‘Onde’l caos se texe y se destexe’ y ‘Hai una llinia trazada’ ente los llibros n’asturianu más vendíos nel 2022

La novela ‘Onde’l caos se texe y se destexe’, de Xulio Viejo, y los ensayos ‘Hai una llinia trazada’, de Xune Elipe, y ‘¡Volved las manos al bable!’, d’Inaciu Galán, tán ente los llibros escritos orixinalmente n’asturianu más vendíos nel añu 2022.

La primera ye una novela que conecta una historia personal, centrada nel conceyu de Quirós, cola d’Asturies y del mundu occidental. Esta obra yá mereció’l premiu al meyor llibru n’asturianu del 2021 de la Tertulia Malory de L’Entregu.

Per otru llau, ‘Hai una llinia trazada’ ye un ensayu qu’algamó’l XXVI Premiu Máximo Fuertes Acevedo del Principáu y qu’analiza la historia de la música asturiana, faciendo un repasu pelos periodos, movimientos y intérpretes más importantes, resaltando los datos y fechos que foron cruciales nel devenir de la nuestra música.

Read Full Post »

Reflexu y Guah.es Terribles entamen «Voces al Abellugu»

Les asociaciones culturales Reflexu y Guah.es Terribles tán acabantes de dar anuncia de la nuevá actividá que van desenvolver en comuña. Trátase de «Voces al abellugu», un alcuentru-recital lliterariu nel que van tar presentes dellos y delles autores del panorama poéticu asturianu.

L’alcuentru qu’entamen estes dos asociaciones fadráse esti domingu, 27 de payares, y tien previsto empecipiar a les 19:00 hores nel Chigre musical L’Abellugu (Cai Ramón y Cajal, 13, Mieres del Camín).

Read Full Post »

El Ministeriu de Cultura concede subvenciones pa la traducción a cuatro editoriales asturianes

El Ministeriu de Cultura y Deporte concedió ayudes pal fomentu de la traducción de llibros ente llingües del Estáu español a cuatro editoriales asturianes. En total, van recibir cerca de 10.500 euros pa publicar seis obres que se van traducir del gallegu y el catalán al asturianu o d’esti idioma al aragonés y castellanu.

Estes ayudes estatales, qu’en xunto sumen 200.000 euros, pela primer vez permitieron la participación d’obres escrites en o al asturianu. Asina, la obra oxetu de traducción tien que tar yá publicada en cualquiera de les llingües del Estáu, ensin necesidá de que sía llingua oficial sinón que valdría col so reconocimientu estatutariu, como ye’l casu de la llingua asturiana o l’aragonés.

Read Full Post »

Gonzalo Llamedo Pandiella faise col premiu Fernán Coronas de poesía con «Los fíos de Bauman»

El xuráu del Premiu Fernán Coronas de poesía aconceyó esti domingu 7, coincidiendo col aniversariu de la nacencia del escritor de Cadavéu, na so Casa Natal. El xuráu tuvo formáu por Inaciu Galán como presidente, Susana Sela como secretaria y polos escritores Carmen Guardado y Daniel García Granda, ganador de la edición anterior, nesti casu unviando les sos valoraciones al nun poder acudir.

Tres declarar trés finalistes y un llargu alderique, nel que se destacó la calidá llingüística y lliteraria de les obres presentaes, quince nesta edición, decidiéronse pol poemariu «Los fíos de Bauman», que resultó ser obra del Gonzalo Llamedo Pandiella.

Read Full Post »

Adolfo Camilo, ganador del V Concursu de Microrrellatos pola Selmana de les Lletres

El xuráu escoyó los meyores microrellatos y decidió dar el primer premiu a Adolfo Camilo, el segundu a Anabel Santiago y el terceru a Natalia Riego. Los 3 primeros van recibir un llote de llibros y un diploma y el restu, un detalle y un diploma.

Trátase del V Concursu de Microrrellatos en Twitter ‘Selmana Lletres FSA’ convocáu pola Secretaría d *Educación, Universidá y Normalización Llíngüística de la FSA-PSOE al rodiu de la celebración de la Selmana de les Lletres Asturianes.

Read Full Post »

«El libro de Matilde de Soignie tuvo al menos tres ediciones y un gran éxito en La Habana»

R. D.

A medida que los investigadores van ahondando en la figura de la escritora avilesina en lengua asturiana Matilde de Soignie se van encontrando con más y más sorpresas. Primero fue el hallazgo, realizado por su sobrina bisnieta Mercedes de Soignie, de un poemario en asturiano de finales del siglo XIX, luego se descubrió que había sido publicado, convirtiendo a De Soignie en la segunda autora de laque se tenga constancia en haber publicado en llingua. Ahora se ha sabido que ‘Ecos de mi aldea’ tuvo al menos tres ediciones «y un gran éxito en Cuba»,

Ayer, en la presentación del documental sobre esta autora que tuvo lugar en el palacio de Valdecarzana en el que participaron José Ramón Iglesias Cueva, secretario y miembro de la Academia de la Llingua y estudioso de la vida y obra de la escritora avilesina, e Inaciu Galán, académico de la Llingua Asturiana y director del documental y la propia Mercedes de Soignie.

Read Full Post »

La escritora n’asturianu Matilde de Soignie centra la Selmana de les Lletres asturianes n’Avilés

Cinco sesiones de bebecuentos musicales cola  actriz Ana Morán y el músicu David Varela nes Escueles Infantiles d’Avilés y la recuperación de la figura y obra de la escritora avilesina Matilde de Soignie – cola presentación d’un vidiu que se va xubir a les redes sociales complementada cola organización d’una mesa redonda-, marquen les actividaes centrales n’Avilés de la XLIII Selmana de Les Lletres Asturianes que se desarrolla del 2 al 6 de mayu.

Sedrá’l vienres 6 de mayu, celebración del Día de les Lletres Asturianes, cuando s’estrene’l documental audiovisual sobre Matilde de Soignie que va poder vese peles redes sociales del Conceyu d’Avilés, na web de la Estaya de la Llingua y na plataforma Playpresta. 

Read Full Post »

Madrid acogerá el I Congreso internacional sobre la llingua

La Universidad Autónoma de Madrid acogerá los días 27 y 28 de este mes la celebración del I Congreso Internacional sobre la Llingua Asturiana: “distintividá, identidá y oficialidá”.

El encuentro será coordinado por el profesor Avelino Corral en colaboración con Iniciativa pol Asturianu y cuenta con el apoyo de la Academia de la Llingua Asturiana.

En el congreso habrá conferencias en asturiano, castellano e inglés y está previsto que acudan representantes de las universidades de Oviedo, Vigo, Autónoma de Madrid, Alcalá de Henares y UNED así como de Tennessee, Zurich, Varsovia, Oxford, Oklahoma y Washington.

Read Full Post »