Feeds:
Antradas
Comentairos

Posts Tagged ‘Inaciu Iglesias Fernández’

INACIU IGLESIAS FERNÁNDEZ

El tiempu cuerre. Hai cuatro díes como’l que diz -venticinco años exactamente- sacábemos a la cai’l primer númberu del periódicu Les Noticies. Teníemos presentao, unes selmanes primero, el númberu cero na Feria Muestres con una banda gaiteros. Y llevábemos ya dellos meses entamando lo que pa nosotros yera una aventura irrepetible. Con too y con ello, aquel Día d’Asturies, aquel 8 de septiembre del añu 1996, aquella puesta de llargo yera’l verdaderu momentu de la verdá.

Sacar a la cai un selmanariu íntegramente n’asturianu nun yera poca cosa. Naide nos tinía dao permisu pa facelo. Y, sobre manera, necesitábemos que furrulare. Tábemos pa mediaos de los noventa del sieglu pasáu y la sociedá entero taba camudando. Había ganes de facer coses. Teníemos que prebar y prebanos a nosotros mesmos. Y hasta les encuestes dicíen que’l 66 % de los asturianos queríen medios de comunicación n’asturianu. Pero eso nun yera lo que más nos precupaba. Lo que nun entendíemos y seguimos ensin entender –o entendemos demasiáu bien- yera a esi 34 % que dicía nun los querer. Nun dicíen que nun los compraren. O que contaren nun compralos nunca. Taba claro –sesnu contrario- qu’esa mayoría que dicía querelos nun diba tampoco compralos nesa mesma proporción. Poro, lo que daveres nos esmolecía yera ver qu’ún de cada tres compatriotes nun quería ver una de les nuestres llingües impresa negru enriba blancu nos kioscos. Nun consentía vela delantre. Nun pasaba por qu’otros la vieren. Nin en pintura. Esa intolerancia tramposa yera lo que significaba pa nós aquella encuesta.

(more…)

Read Full Post »

La Conseyería de Cultura, Política Llingüística y Turismu del Gobiernu asturianu abrió’l Conseyu Asesor de Política Llingüística a 25 persones procedentes de diversos ámbitos de la sociedá asturiana.

Nel organismu, presidíu pola conseyera Berta Piñán, van tar presentes tamién los responsables, o les persones na que deleguen, de la Universidá d’Uviéu, l’Academia de la Llingua Asturiana (ALLA) – , el Real Institutu d’Estudios Asturianos (Ridea) y Radio Televisión del Principáu d’Asturies (RTPA).

(more…)

Read Full Post »

EUGENIA GARCÍA

«¿Cómo se puede usar más el asturiano en las empresas? Usándolo. Punto». Inaciu Iglesias, consejero delegado de la empresa familiar Cartonajes Vir, colaborador de El Comercio y Canal 10, además de autor de libros como ‘La identidá asturiana’, ‘Independencia’ o ‘Soy empresario, lo confieso’, se erigió ayer en el Antiguo Instituto en adalid del uso de la llingua en el mundo empresarial.

Algo que -reconoció- no es demasiado frecuente podría convertirse en habitual. Y aún más, podría aportar a nuestras empresas una seña de identidad propia, un notable valor añadido. Esa es la principal tesis que defendió y el título de su ponencia, que se n el marco de la primera jornada ‘L’usu del asturianu nel mundu empresarial. Un llabor a comuña’ organizada por la Oficina de Normalización Lingüística del Ayuntamiento de Gijón.

(more…)

Read Full Post »

Trabe Editorial asoleya, na so colección Pesllera, la novela que ganara del Premiu Montesín de Lliteratura Xuvenil 2010, premiu que convoca la propia editorial en collaboración cola Conseyería de Cultura y Deporte: Memorial del monstruu, de Dolfo Camilo Díaz.

El xuráu fuera formáu por María Antonia Pedregal Montes, María Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidiendo conceder por unanimidá’l premiu a la obra del prolíficu escritor ayerán afincáu n’Avilés. Toos destacaron la so bien tramada estructura narrativa, amás del fondu conocimientu de l’Asturies del sieglu XVIII na que se desenrolla. (more…)

Read Full Post »

Adolfo Camilo Díaz vien de ganar cola obra Memorial de mostru, el Premiu Montesín de Lliteratura Xuvenil 2010 que convoca Ediciones Trabe en collaboración cola Conseyería de Cultura.

El xuráu, formáu por María Antonia Pedregal Montes, María Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidió conceder por unanimidá’l premiu a la obra del prolíficu escritor ayerán afincáu n’Avilés.

(more…)

Read Full Post »

L’escritor xixonés Vicente García Oliva, cola obra Fontenebrosa II: la rebelión de los homosaurios, resultó ser el ganador del Premiu Montesín de Narrativa Xuvenil, que convoca Ediciones Trabe en colaboración cola Conseyería de Cultura y Turismu. Resultaron finalistes les obres Repuelgos y La maldición de Llucescuria.

El xuráu tuvo presidíu pol maestru Severino Antuña y formáu por María Antonia Pedregal Montes, xefa del Serviciu de Política Llingüística; María Xosé Rodríguez, xefa de la Oficina Municipal de la Llingua de Xixón; Alejandro Vega, alcalde del Conceyu de Cabranes –d’onde yera la filóloga y escritora María Josefa Canellada, autora de Montesín, títulu de la obra xuvenil que da nome al premiu de Trabe–, y la escritora Esther Prieto Alonso. Fixo de secretariu l’editor Inaciu Iglesias Fernández.

(more…)

Read Full Post »