Feeds:
Antradas
Comentairos

Posts Tagged ‘Infoasturies’

“Entrevistes n’InfoAsturies” ye l’espaciu que dende esti llunes llegará a les ondes de Radio QK, Radio Nava, Onda Peñes y Radio L.lena.

La estaya radiofónica sigue afondando nes sos iniciatives p’apurrir espacios de charres y entrevistes dende una perspeutiva asturiana y alternativa. A l’espaciu “InfoAsturies Radio”, nel qu’ufrimos distintes entrevistes d’actualidá na rede, hai qu’amestar una nueva iniciativa que podrá sentise nes ondes de delles radios asturianes. “Entrevistes n’InfoAsturies” ye l’espaciu que, selmanalmente, ufrirá entrevistes d’actualidá con persones y coleutivos de toa triba del ámbitu asturianu. Dende esti mesmu llunes el programa va a poder escuchase nes sintoníes de Radio QK, Radio Nava, Onda Peñes y Radio L.lena, baxo la direición de Samuel Gradín.

(d’Infoasturies, 30-06-2013)

Read Full Post »

DAMIÁN BARREIRO

El BOPA d’esti 22 d’ochobre publica la resolución pola que se conceden y denieguen subvenciones pa los medios de comunicación pol usu del asturianu y del gallego-asturianu. Son un total de 127.759,63 euros, lo que supón cuasi un terciu de la cuantía cola que contaron nel 2011, que foi de 373.500 euros. Sicasí, nesta ocasión parez que los proyectos con mayor puntuación son los que vienen de medios qu’utilicen n’esclusiva l’asturianu, que se reparten un 47,68% del total de la cuantía. Nel 2010 y 2011, la partida pa estos medios namás supunxo alredor d’un 21% del total.

Ello ye que según les bases de la convocatoria de subvenciones, l’oxetu d’esta midida ye la concesión d’ayudes económiques en réxime de concurrencia competitiva pa empreses periodístiques, radiofóniques, televisives o d’internet, poles inversiones realizaes na producción d’espacios onde s’utilice l’asturianu, o’l gallego-asturianu nel so ámbitu, a lo llargo l’añu 2012, bien de manera habitual n’informaciones xenerales, bien n’espacios periódicos y fixos, bien en programes estraordinarios d’interés especial, «pero siempre que tal usu contribuya a la normalización y dignificación del usu social de la llingua y sían espacios configuraos como propios del mediu de comunicación y asumíos por él». (more…)

Read Full Post »