Naz l’Asociación Grana n’alcordanza de Yolanda Huergo, que va instituyir un premiu a trabayos d’investigación n’asturianu

PABLO R. GUARDADO

Esti sábadu va dase a conocer públicamente l’Asociación Grana, n’alcordanza de Yolanda Huergo. Promovida por un grupu de persones cercanu a la xixonesa, yá sía pol tratu personal o por militancia, va entamar unes xornaes na so memoria y instuyir un premiu a trabayos d’investigación n’asturianu de cualquier temática.

N’agostu del 2020 dexábanos de manera prematura, pero la buelga d’Huergo ye difícil d’esborriar. Por tolo lo que fixo en campos tan variaos como la reivindicación llingüística, la defensa de los derechos humanos o la militancia política dende l’asturianismu, y pol enfotu de los suyos de nun dexar morrer el so espíritu.

Read Full Post »

Xilberto Llano gana’l María Josefa Canellada de lliteratura infantil y xuvenil

La obra Boliescritu de primavera, de Xilberto Llano Caelles, foi galardonada col premiu María Josefa Canellada de lliteratura infantil y xuvenil n’asturianu na so decimocuarta edición.

El xuráu quixo destacar del trabayu de Llano Caelles “el tratamientu del tema del confinamientu de 2020 dende una perspectiva orixinal y ensin cayer en tópicos”, amás de la so “alta calidá lliteraria y el bon usu de la llingua asturiana”. L’acta del xuráu resalta tamién “el nivel xeneral de calidá calidable de les obres presentaes y la diversidá de perspectives qu’aborden”.

Read Full Post »

“Si la familia usa l’asturianu, los neños y les neñes van tener munches ventayes pa deprender otres llingües”, diz López

La Casa Conceyu de Xixón acoyó esti llunes l’actu de presentación del IV Día de la Reciella, que va tener como sede’l domingu’l Muséu del Pueblu d’Asturies. La edil Ana Montserrat López Moro defendió l’usu del asturianu nel llar al consideralo una ventaya “pa deprender otres llingües”.

Xunto a la conceyala d’Eduación y Cultura participó nel actu María Xosé Rodríguez, responsable de la Oficina de Normalización Llingüística; Mario Suárez del Fueyo, de Xixón Sí Puede; y Lara María Martínez Fernández, del PSOE; amás de los representantes de ‘Reciella, Families pol Asturianu’ David Guardado y Iris Díaz que dieron anuncia de toles actividaes que van facese nesta cuarta edición del Día de la Reciella. Tamién tuvieron presentes el realizador Pablo Quiroga y Xandru Vega, gaiteru de Skama la Rede, que presentaron el videu promocional de la xornada y de la carrera.

Read Full Post »

Mesa reonda: Qué pasa co la llingua (24/05/2013 – 19:30)

35 años llargos de movimientu de recuperación y nomalización de la llingua astur, y nun paez que los resultaos seyan mui allentaores respetive al so usu social o al afitamientu del asturiano frente a la imposición avasallaora del castellano en to los ámbitos de la expresión llingüística n’Asturies.

L’Ateneu Llibertariu d’Uviéu (ALU), dende’l so entamu na tercer època n’ochobre del 2010, amuesa especial porgüeyu po la cuestión de la llingua, al puntu que la so primer actividá pública foi un debate al rodiu desti asuntu. Como organización antiautoritaria defiende el derechu de los pueblos al so autodetermín y al llibre desarrollu de los sos usos y particularidaes culturales y d’espresión. Como organización social que desendolca la so xera nel ámbitu asturianu, nun puée escaecer les vicisitudes po les que tuvo que pasar la evolución cultural del pueblu astur ni quedar al marxe de les cuestiones implicaes nel procesu de recuperación de los sos recursos expresivos, idiomáticos y llingüísticos.

Read Full Post »

‘Veranu lliterariu: Alcuentros con escritores’, na Biblioteca de Les Vegues (Corvera)

Dende’l martes 7 d’agostu al martes 4 de setiembre una docena d’escritores asturianos van tar en Corvera nel marcu de l’actividá Veranu lliterariu. Alcuentros con escritores en Corvera, iniciativa que busca acercar y dar a conocer una muestra de la producción lliteraria n’asturianu dirixida al pública infantil, mesmo qu’a los sos autores.

Asina les coses, y al traviés de “Veranu lliterariu. Alcuentros con escritores en Corvera” -ye la primer vez que se fai una actividá d’estes característiques nel conceyu-, van visitar Corvera los y les escritores Sidoro Villa, Chechu García, M.ª Luz Pontón, Inaciu Galán, Jorge Fernández, Xulio Berros, Berto García, Antón García, Iris Díaz, Cristina Muñiz, Severino Antuña y Ramón Lluis Bande.

Read Full Post »

Espertos y trabayadores de la llingua revisen les propuestes del Llibru Blancu n’educación, medios y normalización

Espertos y trabayadores de la llingua asturiana van revisar mientres los próximos meses les principales reivindicaciones incluyíes nel Llibru Blancu, a los 15 años de la presentación oficial d’esti documentu de propuestes pa la recuperación y normalización del idioma.

Asina lo anunciaron esti martes Carlos Pulgar, Xosé Miguel Suárez y Llucía Menéndez, representantes de la Xunta pola Defensa de la Llingua Asturiana, organización qu’entama esti periodu de revisión y actualización.

Read Full Post »

La sociedá civil sofita’l llamamientu de l’Academia enllenado la Sala de Cámara del Auditoriu

Redacción

Nuna fecha tan difícil como la vacacional na que nos alcontramos, mediu millar d’asturianos representantes de la sociedá civil que dende distintes estayes vien promoviendo dende hai décades la normalización del asturianu abellugó a l’Academia de la Llingua nel actu celebráu na Sala de Cámara del Auditoriu Príncipe Felipe d’Uviéu, col que la institución quixo afitar que seguirá defendendo los derechos de los asturfalantes más allá d’un estatutu “muertu enantes de nacer”.

L’actu entamó con un discursu de la Presidenta de l’Academia de la Llingua, Ana Cano, que se refirió en primer llugar al testu que pautaron la FSA-PSOE y el Partíu Popular (PP) n’Asturies p’asitiar la llingua asturiana dientro del marcu llegal que fixa l’Estatutu d’Autonomía d’Asturies y que calificó de “una burlla non solo a la llingua sinón tamién a la dignidá del pueblu asturianu”.

Read Full Post »