Feeds:
Antradas
Comentairos

Posts Tagged ‘Iván G. Fernández’

PABLO R. GUARDADO

El Congresu Cultura Asturiana Mozo resultó una perbona ferramienta pa conocer el llabor que se ta faciendo n’Asturies en delles estayes y les mires de los creadores culturales. Éstos foron los protagonistes d’una xornada “que foi un ésitu”.

Con estes pallabres finó Xuan Xosé Sánchez Vicente un congresu que podría tener continuidá n’años vinientes, dalgo que se decidirá nunos dos o trés meses. Ésti ye’l tiempu que van tomar los impulsores d’esta iniciativa, la Fundación Nueva Asturies y l’Asociación Cultural L’Arribada, y los coordinadores de toles estayes pa madurar la esperiencia d’esti primer Congresu Cultura Asturiana Mozo y convocar un conceyu nel que valorar la conveniencia o non de celebrar ediciones nueves. (more…)

Read Full Post »

PABLO R. GUARDADO

Un proyeutu editorial novedosu ta acabante de nacer n’Asturies. Trátase de Post Magazine, una revista cultural bimestral de badre, con conteníos nes trés llingües que se falen n’Asturies, que busca interautar col llector.

Maniac Estudio Multimedia, empresa creada por Eduardo Carruébano y Pedro Núñez, ye la editora de Post Magazine, que cuenta con Iván G. Fernández como direutor de conteníos. Xente mozo que pretende impulsar un proyeutu distintu n’Asturies que sirva de plataforma pa los creadores asturianos y que nun se quede namái nel tradicional formatu físicu. Asina, la revista tien la capacidá d’interautuar col llector mediante l’accesu a conteníos esclusivos al traviés de códigos QR, como pue ser la interpretación d’un tema pa la espublización nel casu d’una entrevista a un músicu o banda. D’esta forma, los ‘smartphones’ o ‘tablets’, tán comunes yá na vida cotidiana de munchos asturianos, van ser un complementu a la llectura de Post Magazine. A ello, hai que sumar la páxina web, qu’incorpora material propiu. (more…)

Read Full Post »

El cuentu títuláu «1962», firmáu pol pseudónimu Aureliano Pueyrreidón foi’l ganador del concursu lliterariu de Los Bilordios de Pinón na categoría d’asturianu, que convoca l’Asociación de Vecinos San Estaban de Sograndio. Detrás d’esi nomatu taba l’escritor xixonés Quique Faes. El xuráu, qu’aconceyó’l 26 de payares nel centru social de Sograndio, reconoció la calidá narrativa y el dominiu de la llingua asturiana del cuentu escritu por Faes. Na categoría de xuvenil y infantil, el premiu foi compartíu por Mara Blanco y Isabel Pardo, pol rellatu «Un cuentu rarísimu». (more…)

Read Full Post »