Feeds:
Antradas
Comentairos

Posts Tagged ‘Javier Antonio Marinas García’

ANTÓN GARCÍA

El 31 de marzu de 1889 editábase en Xixón el primer númberu de “La comedia gijonesa, periódico semanal festivo ilustrado”, que s’anunciaba na portada como fechu por Tarfe (testu) y Pepe (dibuxos). Na páxina 5 publicaba cuatro viñetes seriaes qu’ilustren “Un cuento viejo”: “Una vez era un rey,/ tenía tres fíes,/ vistióles de… colorao (ó azul)/ y tiróles al teyao.” El testu, n’asturianu, ye un cuentu mínimu que se conocía en munches partes d’España (recuéyelu Rodríguez Marín nos sos “Cantos populares españoles” de 1882), d’esos que se relaten a los nenos pequeños pa embromalos. Les cuatro viñetes escenificaben el cuentu con trazos eficaces y calidables, cola soltura habitual de Pepe Prendes, qu’ensiguida diba dexar l’oficiu de dibuxante satíricu pa convertise en dalgo serio: xuez. Teniendo en cuenta esi matiz colorísticu qu’introduz el testu (el “colorao o azul” nun figura en nenguna variante oral del cuentu popular), ye posible que la historieta pudiera llevar dalguna intencionalidá política. Cásique ensin proponéselu, Tarfe y Pepe Prendes taben echando a andar la historia del cómic n’asturianu.

Depués de Pepe Prendes, la combinación de dibuxu y testu n’asturianu parez que quedó reducida al chiste gráficu. Cuando, nos años setenta y ochenta del sieglu XX, la profesora Carmen Díaz Castañón publicaba les sos sucesives histories de la lliteratura bable, dedicaba un apartáu al cómic ensin dase cuenta de qu’esti xéneru necesita un desarrollu narrativu, esi “arte secuencial” que dicía Eisner cola economía de palabres que lu caracterizaba. Asina, Díaz Castañón namás destaca dos autores de chistes gráficos de posguerra: Alfonso Iglesias, el popular dibuxante de Pinón y Telva, y Rovés, el creador del Gaviotu, el personaxe playu. Díaz Castañón nun fai nenguna referencia al inicial Pepe Prendes, y escaez la notable collecha de dibuxantes humorísticos d’a primeros del sieglu XX, onde figuren nomes tan distinguíos como Truán, Valle o Milín, resalvando tamién los galanes que daba, agora sí, el cómic n’asturianu de la mano de Conceyu Bable (Ramón Fermín y Solís Santos).

(more…)

Advertisements

Read Full Post »

ANTÓN GARCÍA

Homes
J. A. Marinas
IV Premiu “Alfonso Iglesias” de Cómic
Uviéu, Trabe/Gobiernu del Principáu d’Asturies, 2013

La primer impresión que causa l’últimu premiu “Alfonso Iglesias” de cómic n’asturianu nun pue ser meyor: un álbum a tou color, encuadernáu en tapa, que cuenta n’espléndides viñetes la historia del mundu, dende l’españíu inicial del universu, cuando “nun esistía un res”, hasta l’aparición del ser humanu na tierra y el relatu de la so llucha por sobrevivir, ensin salir de la prehistoria, cuando cazaba p’alimentase o lu cazaben pa sirvir d’alimentu. Pente medies asistimos a la formación del planeta Tierra y de los continentes, vemos cómo apruz la vida na agua, cómo avanza per tierra, la conquista del planeta pelos dinosaurios y la so desaparición por mor de los meteoritos. Nesta parte l’autor del cómic, según señala na páxina inicial d’agradecimientos, fai un homenaxe a les teoríes enunciaes por Walter Álvarez en 1967, un xeólogu norteamericanu, nietu de médicu asturianu, que “brania anguaño en Salas”, según nos diz Marinas, anque seya “poco conocíu n’Asturies”. (more…)

Read Full Post »

Homes, cómic de J. A. Marinas, ganador del IV Premiu Alfonso Iglesias que convoca la Conseyería d’Educación, Cultura y Deporte del Principáu d’Asturies ye una mini novela gráfica na qu’argumentu e ilustraciones anden de la mano pa ufiertanos una obra completa y muncho cinematográfica sobre l’apaición del ser humanu nel planeta Tierra. (more…)

Read Full Post »

MIGUEL ROJO

El Salón d’actos del Campus d’Humanidaes de la Universidá d’Uviéu foi escenariu ayer de la presentación de los cinco llibros ganadores de los premios lliterarios 2012, con presencia de los sos autores. Nun pudo tar Quique Faes, que mandó un testu sobre ‘La vida increíble’, novela ganadora del Premiu Xosefa Xovellanos, escritu que sofitó’l debate posterior, moderáu por Vanessa Gutiérrez, collaboradora d’El Comercio, con presencia, ente otros, d’Alejandro Calvo, viceconseyeru de Cultura; Ana Cano, presidenta de l’Academia de la Llingua Asturiana, y la decana de la Facultá de Filoloxía, Cristina Valdés.

Asina, falaron sobre’l futuru de la lliteratura asturiana, la invisibilidá de los sos escritores, el procesu de creación, les necesidáes del mercáu lliterariu n’Asturies y los sos vínculos coles alministraciones. Y más en concretu, salió’l tema de la falta d’apoyu a la llingua. Milio Rodríguez Cueto anunció nel transcursu del debate la so intención de presentase al Premiu Nacional de Lliteratura, un concursu que nun aceuta nes sos bases testos escritos n’asturianu, al nun ser una llingua oficial del Estáu. Faralo pa protestar por una situación que nun ve xusta. Participaron nel debate José Ángel Gayol, ganador del Premiu Xuan María Acebal de poesía con ‘El llibru de les coses misterioses’; Xulio Arbesú, ganador del Máximo Fuertes Acevedo d’ensayu con ‘Los deseos del dineru’; Milio Rodríguez Cueto, que ganó’l Premiu María Xosefa Canellada de Lliteratura Infantil y Xuvenil con ‘Carne de melandru’, y Javier Antonio Marinas García, que se llevó’l Premiu Alfonso Iglesias de cómic con ‘Homes’.

(d’El Comercio, 03-05-2013)

Read Full Post »

Aun tamos metíos de lleno na Selmana del Llibru y sin llegar salir d’ella tenemos el Programa d’actividaes de la 34 edición de la Selmana de les Lletres Asturianes.

Dedicada a visibilizar y potenciar la lliteratura fecha n’asturianu, la Selmana de les Lletres Asturianes vien celebrándose, como eventu institucional, dende 1980 coincidiendo cola primer selmana del mes de mayu.

Habitualmente suel tar consagrada a un autor o autora importante de la lliteratura asturiana, dedicando la desti añu a Nené Losada Rico, una de les poetises más destacaes del panorama lliterariu asturianu de les últimes décades. (more…)

Read Full Post »

Javier Antonio Marinas García llevóse’l IV Premiu Alfonso Iglesias de cómic en llingua asturiana por ‘Homes’. El xuráu del gallardón qu’entrega Cultura decidióse por unanimidá pol trabayu del dibuxante y diseñador nacíu en Grau.

Ana María Fueyo Llaneza, direutora de Política Llingüística, presidió’l xuráu formáu polos especialistes de cómic Isaac del Rivero –ganador últimu del premiu–, Ruma Barbero y José Antonio García Fernández y aconceyáu na sede de la Conseyería d’Eduación, Cultura y Deporte. Los miembros del mesmu escoyeron ‘Homes’ por ser una obra de gran valor didácticu que destaca pol tratamientu dixital de les imáxenes. El testu presentóse baxo l’alcuñu de ‘El Rapiegu’. (more…)

Read Full Post »