“Asturies va conocer meyor la so historia llingüística gracies a esti diccionariu”, destaca García Arias

PABLO R. GUARDADO

Xosé Lluis García Arias presentó’l primer tomu del so Diccionariu Etimolóxicu de la Llingua Asturiana (DELLA), un preséu que, según apuntó, va permitir conocer meyor la historia llingüística d’Asturies. La intención de l’ALLA ye sacar dos tomos más esti mesmu añu.

“La xente podrá comprobar que nun tenemos cuatro pallabres, sinón que ye un diccionariu d’una gran riqueza, frutu del trabayu de comunicación de los asturianos a lo llargo de la historia. Y esos materiales, na midida de lo posible, nun pueden desapaecer, hai que mantenelos, porque nellos ta la clave munches veces de poder entender bien un documentu, d’entender bien usos y pallabres de güei; etc. Cualquier idioma que se precie necesita conocer bien la so historia y Asturies, gracies a esti diccionariu, va conocer meyor la so historia llingüística, que ye la historia cultural, y que, nel fondu, ye la historia del pueblu tamién”, apuntó’l caderalgu de Dialeutoloxía de la Universidá d’Uviéu y primer presidente de l’Academia de la Llingua Asturiana (ALLA) a Asturies.com tres l’actu celebráu esta mañana nel Paraninfu de la Universidá d’Uviéu.

Read Full Post »

Pachín de Melás y el Rexonalismu asturianu

* MARCILLA LÓPEZ, José María (2001): “Pachín de Melás y la canción asturiano” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 95-108.

* MENÉNDEZ PELÁEZ, Jesús (2001): “Pachín de Melás y los entamos del teatru costumista asturiano” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 39-46.

* MOLLEDA VALDÉS, Senén Guillermo (2001): “La saga de Pachín de Melás” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 29-37.

* RAMOS CORRADA, Miguel (2001): “Xixón sieglu xx, arte y lliteratura” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 47-62.

* SUÁREZ LÓPEZ, Jesús (2001): “Pachín de Melás y les trés edaes del folclore asturiano” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 109-123.

* URÍA LÍBANO, Fidela (2001): “El nacionalismu musical asturianu ente 1860 y 1934” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 77-94.

* VALDÉS, Guadalupe (2001): “Emilio Robles Muñiz: Pachín de Melás” in Pachín de Melás y el Rexonalismu asturianu. [Uviéu]: Gobiernu del Principáu d’Asturies, p. 9-27.

(de la Dirección Xeneral de Política Llingüística)

Read Full Post »

Dos nuevos volumes analicen la obra lliteraria y la vida de compromisu del escritor Mánfer de la Llera

La obra lliteraria y la vida de compromisu social y políticu del escritor Manuel d’Andrés Fernández, conocíu como Mánfer de la Llera, amás del contestu históricu nel que les desarrolló son temes d’análisis en dos nuevos volumes publicaos pola Conseyería de Cultura del Gobiernu asturianu, y presentaos esti xueves oficialmente en Llangréu.

Esti conceyu mineru, d’onde yera natural Mánfer de la Llera, acoyó esti añu los actos de la Selmana de les Lletres, dedicada al poeta y narrador mineru. L’actu tuvo llugar en Llangréu, y contó cola presencia, ente otres persones, de los coordinadores de los volumes editaos, los investigadores y espertos lliterarios Luis Casteleiro y Severino Antuña, amás de la directora xeneral de Política Llingüística, Consuelo Vega, la teniente d’alcalde del Conceyu, María Fernández, y el responsable d’Ámbitu, entidá propietaria de la editorial Trabe, Inaciu Iglesias.

Read Full Post »

L’ALLA celebró un homenaxe a García Arias “padre de la Filoloxía Asturiana”

I.G.

“Padre de la Filoloxía Asturiana con mayúscules”, asina se refería ayeri Ana Cano, presidenta de l’Academia de la Llingua Asturiana al so predecesor nel cargu, el Profesor Xosé Lluis García Arias, que por mor del so 65 cumpleaños recibió l’homenaxe de l’Academia y la Universidá d’Uviéu. El Rector de la Universidá, Vicente Gotor, dixo d’Arias nes pallabres que-y dedicó “que-y dio encontu ciénfiticu a la reivindicación del asturianu”.

Nel actu participaron tamién el decanu de la Facultá de Filosofía y Lletres, Jesús Menéndez Peláez y el director de la Obra Social de Caxastur, entidá que financió l’actu y la publicación del llibru-homenaxe.

Read Full Post »