Rafa R. Valdés: «La traducción nun ye ferramienta d’aisllamientu sinón de diálogu con otros pueblos»

Rafael Rodríguez Valdes (Uviéu, 1978) ye historiador y director de la colección de torna «Calume», d’Ediciones Trabe. Tien publicao «Discursos llingüísticos y movimientu obreru na Asturies decimonónica» (Trabe, 2009) y «Llingua asturiana y movimientu obreru (1899-1937)» (Atenéu Obreru de Xixón).

Güei en Formientu falamos con él de la so trayectoria dirixiendo un llabor importante pa la lliteratura n’asturianu, la colección Calume.

¿Por qué se dio’l títulu de Calume a la colección de tornes?

El calume ye’l caláu de la mar y esi significáu y conteníu de fondura quier treslladase a esta colección dedicada a la traducción que publica Ediciones Trabe. Fondura estética y lliteraria, fondura pa lo que fai a la diversidá y a la pluralidá de los títulos, de los xéneros, de les temátiques y de los y les traductores que faigan parte de la colección, fondura pa lo que fai al trabayu de traducción, corrección y edición de les obres, fondura porque’l camín que tenemos per delantre ye lentu y llargu.

Read Full Post »

Cultura va promocionar 39 obres n’asturianu en 2023

La Conseyería de Cultura, Política Llingüística y Turismu del Principáu d’Asturies ta acabante de dar anuncia de les obres lliteraries n’asturianu que van ser promocionaes de cara al añu 2023. En total, 39 obres de 11 editoriales diferentes van recibir el sofitu del gobiernu.

Ente les obres a promocionar alcontramos una montonera de xéneros: lliteratura xuvenil, narrativa, lliteratura fantástica… Amás, la traducción, que vive un bon momentu, va ser de nueves el xéneru más espublizáu, con obres d’autores bien reconocíos como J.K. Rowling, Oscar Wilde, Roald Dahl, los hermanos Grimm o John Steinbeck.

Read Full Post »