El Principado otorga el IX Premio Alfonso Iglesias de Cómic en asturiano a Alberto Vázquez García

La Consejería de Educación y Cultura del Principado de Asturias ha concedido el Premio Alfonso Iglesias de Cómic en lengua asturiana a la obra Los llazos coloraos, del artista gráfico Alberto Vázquez García, por “la gran elaboración del guión y el exhaustivo trabajo de investigación que construyen un retrato fiel de la posguerra en Asturias”.

Entre las obras presentadas a la novena edición del certamen, dotado con 3.000 euros, el jurado eligió por unanimidad al ganador que presentó su trabajo con el seudónimo El argentino.

Read Full Post »

Luis Navazo lleva’l VIII Premiu Alfonso Iglesias

PABLO R. GUARDADO

Esti miércoles fíxose público’l fallu del primer de los Premios Lliterarios 2016 qu’entrega la Conseyería d’Educación y Cultura. L’artista plásticu y fotógrafu Luis García Iglesias ‘Luis Navazo’ lleva’l VIII Premiu Alfonso Iglesias de cómic cola obra ‘Indianu’.

El xuráu, conformáu pol músicu y diseñador gráficu Ruma Barbero –ganador de la edición pasada con ‘El viaxe a la lluz’–; la editora María Concepción Prieto y el xefe de serviciu de la Direición Xeneral de Planificación Llingüística y Normalización, José Antonio García Fernández, baxo presidencia del propiu direutor xeneral, Fernando Padilla, decidióse por unanimidá nun conceyu celebráu na tarde d’ayeri pola obra de Luis Navazo por tratar una “temática qu’avera a una dómina poco tratada nel cómic n’asturianu: la emigración y l’empiezu de los movimientos obreros de fines del sieglu xix y principios del xx, asina como’l tratamientu gráficu que bebe d’un estilu clásicu al empar qu’ufierta composiciones de páxina y recursos estilísticos más actuales”. ‘Indianu’ presentóse baxo’l nomatu de ‘Navazo’.

Read Full Post »

Padilla: “Habría d’esparder los actos de la Selmana de les Lletres Asturianes a lo llargo del añu pa tener más presencia”

Munches actividaes en pocu tiempu. Asina definió esti xueves Fernando Padilla la Selmana de les Lletres Asturianes na inauguración de la IV Feria del Llibru y el Discu n’Asturianu que se celebra n’Avilés hasta’l domingu. “Habría d’esparder los actos de la Selmana de les Lletres a lo llargo del añu pa tener más presencia”, aseguró.

25 actos y 35 actividaes conformen la XXXVII Selmana de les les Lletres Asturianes, “pal mio puntu de vista demasiaos”, asegura’l direutor xeneral de Planificación Llingüística y Normalización, qu’apuesta por espardelo nun futuru a lo llargo del añu pa ganar en presencia y visibilidá. Fíxolo na inauguración de la cuarta edición de la Feria del Llibru y el Discu n’Asturianu, actu nel que tuvo acompañáu por Luis Martín, presidente de l’Asociación de Llibreríes del Principáu d’Asturies; José Antonio García Fernández, xefe de serviciu de Planificación Llingüística y Normalización; y Yolanda Alonso Fernández, segunda teniente d’alcalde y conceyala del Área de Promoción Social, Educación, Ciudá Saludable y Cultura.

Read Full Post »

L’institutu xixonés Rosario Acuña convoca’l so decimoquintu premiu d’investigación y divulgación

Les persones interesaes en participar nel XV Premiu d’Investigación y Divulgación IES Rosario Acuña yá pueden unviar los sos trabayos. L’institutu xixonés divide esti gallardón pa estudiantes y investigadores en trés estayes.

La primera ta llendada a alumnos d’ESO, Bachilleratu y Ciclos Formativos, qu’han de tar avalaos por un profesor del centru onde desarrollen los sos estudios. Los trabayos deben ser orixinales, con una estensión máxima de 50 páxinas, y referise a aspeutos del pasáu, presente o futuru d’Asturies de cualquier temática, como pue ser la naturaleza, el mar, el campu, la industria, la lliteratura, el comerciu, el turismu, el folclor, la historia, la xeografía, l’arte, la economía, la sociedá o la llingua asturiana. El ganador d’esta estaya recibirá 400 euros, mentes que’l centru escolar va llevase 300.

Read Full Post »

Marinas gana’l Premiu Alfonso Iglesias de cómic por ‘Homes’

Javier Antonio Marinas García llevóse’l IV Premiu Alfonso Iglesias de cómic en llingua asturiana por ‘Homes’. El xuráu del gallardón qu’entrega Cultura decidióse por unanimidá pol trabayu del dibuxante y diseñador nacíu en Grau.

Ana María Fueyo Llaneza, direutora de Política Llingüística, presidió’l xuráu formáu polos especialistes de cómic Isaac del Rivero –ganador últimu del premiu–, Ruma Barbero y José Antonio García Fernández y aconceyáu na sede de la Conseyería d’Eduación, Cultura y Deporte. Los miembros del mesmu escoyeron ‘Homes’ por ser una obra de gran valor didácticu que destaca pol tratamientu dixital de les imáxenes. El testu presentóse baxo l’alcuñu de ‘El Rapiegu’.

Read Full Post »

El músicu y dibuxante Ruma Barbero gana’l premiu ‘Alfonso Iglesias’ de cómic n’asturianu cola obra ‘Manzajú’

El dibuxante y músicu, miembru del grupu de folk Felpeyu, Ruma Barbero, ye’l gandor de la edición 2009 del premiu ‘Alfonso Iglesias’ de cómic en llingua asturiana, que tolos años concede la Conseyería de Cultura del Principáu d’Asturies, según informó’l Principáu al traviés d’una nota prensa, tres la decisión del xuráu, que falló’l premiu esta mañana.

Ente les obres presentaes, informó la Conseyería, “el xuráu decidió por unanimidá conceder el Premiu al testu tituláu ‘Manzajú’, al valorar que se trata d’una gran narración gráfica, mui sólida y moderna y con un gran dominiu técnicu de tolos recursos propios del cómic”. El testu presentólu baxo’l seudónimu ‘La Gocha Pegui’. Abierta la plica, l’autor resultó ser Rumaldo Antón Barbero de Diego.

Read Full Post »