Feeds:
Antradas
Comentairos

Posts Tagged ‘José Miguel Lamalfa Díaz’

Por segundu añu consecutivu, l’Academia de la Llingua Asturiana aprovechó la selmana na que se celebra’l Día Mundial del Llibru pa entamar a esparder la so revista más popular y con mayor posu científicu, Lletres Asturianes, qu’aporta con esti númberu al 112. Esti númberu 112 recueye dellos trabayos d’investigación d’un total de 11 autores, de los que la mayoría ya foron protagonistes de les Xornaes Internacionales d’Estudiu y Trabayu que se desenvuelven cada añu n’ochobre. Nellos, tóquense temes como la toponimia,la morfoloxía nominal, l’asturianu y les nueves teunoloxíes, la etimoloxía asturiana, el mirandés o l’asturianu ente les lllingües romances. Lletres Asturianes ye’l Boletín de l’Academia de la Llingua Asturiana y espubliza dos númberos añales, entamando la so hestoria nel añu 1982 y aportando nel añu 2011 a la rede Internet, con una versión dixital d’accesu llibre que pue consultase dende’l númberu 105.

Amás de les secciones que davezu s’atopen nesta revista científica,. como Reseñes Bibliográfiques, Notes y anuncies o Llibrería Asturiana, el númberu 112 presenta un total de 10 trabayos que s’averen a distintos campos de conocimientu. Rosabel San Segundo Cachero presenta un trabayu sobre “El neutro de materia en la morfología nominal del asturiano del concejo de L.lena”; Alberto Gómez Bautista fala de “A formação de palavras em mirandês e a obsolescência linguística”; Anne-Marie Chabrolle-Cerretini filo sobre “La lengua asturiana en los textos lingüísticos francófonos” y Pablo Suárez García escribe sobre “L’arte la guerra. Sobre’l léxicu bélicu na nuesa llingua”.

(more…)

Read Full Post »

El profesor de la Universidá d’Uviéu José Miguel Lamalfa Díaz realizó esti miércoles un llamáu a recuperar la importancia del primer testu conocíu de lliteratura en llingua asturiana, ‘Pleitu ente Uviéu y Mérida pola posesión de les cenices de Santolalla’, tamién conocíu como ‘Cuando examen les abeyes’, fecháu en 1939. Les sos vinculaciones con otros testos anteriores de la lliteratura universal, asina como les sos referencies a la historia de Santolaya fáenlu al so xuiciu merecedor de mayor atención per parte de los críticos y estudiosos.

Asina resumió en declaraciones a Europa Press la so ponencia na segunda xornada de les ‘Xornaes Internacionales d’Estudiu’ que l’Academia de la Llingua ta celebrando estos díes.

(more…)

Read Full Post »