La llingua asturiana tuvo representada nel alcuentru internacional sobre estandarización de llingües minoritaries que se celebró’l 26 de payares del 2021 na Universidá d’Évora (Portugal)
L’alcuentru tevo’l títulu de «VI Seminariu Internacional Historia y Llingua: Interfaces», col subtítulu «Les llingües perifériques de la Península Ibérica: procesos diacrónicos y sincrónicos d’estandarización y codificación gráfiques». El profesor de la Universidá d’Uviéu, Ramón d’Andrés, presentó la comunicación «Cómo se hizo la normativización de la lengua asturiana», na qu’esplicó’l marcu sociollingüísticu d’Asturies, el desarrollu históricu y el procesu d’estandarización modernu con detalles de les sos característiques técniques.
Participaron tamién especialistes na estandarización del gallegu (Henrique Monteagudo), del catalán (Miquel Àngel Pradilla Cardona), del aranés (Aitor Carrera), del mirandés (Alberto Bautista y José Pedro Ferreira) y de la fala barranqueña (María Victoria Navas, Filomena Gonçalves, Víctor Correia y Carla Pica). Amás, Carla Amorós Negre y Vera Ferreira espunxeron tamién cuestiones xenerales alredor de la estandarización de les llingües minorizaes.
L’alcuentru fíxose de mou telemáticu, por mor del andaz de covid.
ENLLAZ: VI Seminário Internacional História e Língua.
(del Seminariu de Filoloxía Asturiana, 27-11-2021)