El seminariu d’Iniciativa va centrase en ‘reflexones y casos d’ésitu’ pa “dar lluz sobre les cuestiones que tán discutiéndose al rodiu la oficialidá”

PABLO R. GUARDADO

L’ex presidente Antonio Trevín, el xurista Leopoldo Tolivar Alas y l’ex conseyeru y ún de los padres del estatutu gallegu Víctor Manuel Vázquez Portomeñe son dalgunos de los participantes nel II Seminariu ‘Oficialidá, el camín constitucional pal futuru del asturianu’. Ésti va tratar de “dar lluz sobre les cuestiones que tán discutiénsose al rodiu la oficialidá”, asegura Inaciu Galán.

La tarde del vienres y la mañana del sábadu l’Edificiu Históricu de la Universidá d’Uviéu va tornar a acoyer a espertos de dellos campos p’aldericar sobre la oficialidá del asturianu. La esperiencia del añu pasáu, con aforu completu y esperiencies mui arriquecidores, anima a Iniciativa pol Asturianu a repetir modelu nun momentu clave, a les puertes de les eleiciones del día 26, enfocándolu nesta ocasión en ‘reflexones y casos d’éstiu’.

Read Full Post »

El congresu “Ciencia, Llingua y Fronteres” inaugúrase’l día 5

XICU ARIZA

El congresu “Ciencia, Llingua y Fronteres” va inaugurase’l martes 5 n’Uviéu. Nél van partipar pel momentu dellos cargaos venceyaos a la Universidá, el Departamentu de Filoloxía Española, el Principáu y el Conceyu d’Uviéu.

El Rector de la Universidá d’Uviéu, Vicente Gotor; el Director del Departamentu de Filoloxía Española, la Directora Xeneral de Política Llingüística, Consuelo Vega; y el Conceyal de Cultura del Conceyu d’Uviéu, José Suárez Arias-Cachero van inaugurar el martes día 5 a les 9.30 de la mañana, na Sala de Conseyos del Departamentu de Filoloxía Española, el congresu “Ciencia, Llingua y Fronteres”.

Read Full Post »

Discográficas en asturiano ven peligrar su supervivencia por el descenso de ventas

La industria discográfica en ‘llingua asturiana’ ve peligrar su supervivencia, dado el descenso de ventas padecido por este mercado en los últimos años, y que algunas casas, como L’Aguañaz cifran en torno a un 70%. Preguntados varios productores (Tierra, Algamar, Fonoastur y la propia L’Aguañaz) debaten su visión de futuro entre el replanteamiento total y la venta a través de internet, o la simple desaparición.

Uno de los casos más significativos es el de L’Aguañaz. Su responsable, el vocalista de Dixebra, Xune Elipe, explica que las tiradas de la firma han pasado en cuatro años de 2.000 a 500 ejemplares. Según recuerda, en los buenos tiempos la discográfica llegó a editar siete trabajos en un año, mientras que en el presente 2010 sólo ha sacado el disco ‘Ye too mentira’ de Skama la Rede. Para el 2011 tiene la esperanza de sacar dos trabajos, como máximo.

Read Full Post »

Vicente Gotor entra na historia del asturianismu

«Tuvieron que pasar 122 años pa que vuelvan a axuntase los nomes de Xosé Caveda y Nava y el rector de la Universidá d’Uviéu». José Suárez Arias-Cachero, conceyal de Cultura de la capital asturiana, resumía con estes palabres el sentir colectivu nun actu onde la Fundación que lleva’l nome del illustráu asturianista fixo patronu d’honor a Vicente Gotor, l’actual máximu responsable de la institución académica, y que se celebró en Villaviciosa depués de la tradicional ofrenda floral énte la casa natal de Caveda −al pie del teatru Riera y a unos pasos de la ilesia románica de Santa María de la Oliva−, qu’esti añu tuvo tamién muncho d’homenaxe a Nené Losada Rico con una llectura de poemes a cargu de Ramón d’Andrés y Taresa Lorences.

Read Full Post »

La Fundación Caveda y Nava va celebrar la so Xornada anual con Vicente Gotor como nuevu patronu

PABLO R. ALONSO

La Fundación Caveda y Nava va celebrar la so sétima Xornada anual el próximu 28 de payares nel conceyu de Villaviciosa cola novedá del nomamientu de Vicente Gotor, Rector de la Universidá d’Uviéu, como Patronu d’Honor de la Fundación. Un nomamientu que se xunta al d’otros patronos d’Honor anteriores como Javier Uría Maqua, Enrique Castro “Quini”, Hugo Morán, Pilar Fernández Pardo, Gabino Diaz Merchán, Carmen Ruiz-Tilve, Emilio Marcos Vallaure o Paloma Uría.

Dende la Fundación Caveda y Nava entienden que “so contribución pa desbloquear la incorporación de los estudios d’asturianu al nuevu plan de Bolonia identifícase muncho col espíritu de consensu d’esta fundación”. Según los organizadores, “con independencia de la fórmula resultante, un “minor”, lo cierto ye que la xestión del equipo rectoral ufrió una salida a dalgo qu’amenazaba ser una fonte de conflictos permanentes sobre’l nuesu idioma”.

Read Full Post »

La Fundación Caveda y Nava acueye como patronu d’honor al rector de la Universidá d’Uviéu

Vicente Gotor, rector de la Universidá d’Uviéu, va ser el próximu patronu d’honor de la Fundación Caveda y Nava, que va oficializar el so nomamientu’l 28 de payares, nuna ceremonia que se va facer, como ye vezu, en Villaviciosa. La Fundación quier reconocer asina’l compromisu de Gotor cola llingua y l’actitú que vien mostrando hacia l’idioma del país dende que se convirtió na máxima autoridá de la institución académica.

Read Full Post »

L’Ayuntamientu nun va convocar los premios Uviéu y Tigre Juan

Anunciólo’l conceyal de cultura, José Suárez Arias-Cachero “Felechosa”, la falta de fondos “qu’en tiempos de crisis han empobinase a otros gastos” acaba cola convocatoria del premiu de novela «Tigre Juan», que llevaba trenta años n’activu y de los premios «Uviéu», que llevaben trés ediciones, espublizándose los ganadores cola Academia de la Llingua Asturiana.

La nueva “política d’austeridá” del conceyu va caltener esta decisión polo menos nos próximos dos años.

(d’Asturnews, 23-10-2009)

Read Full Post »

El Tribunal Supremu suspende la oficialidá en Nava

El Tribunal Supremu anuló l’alcuerdu plenariu que s’algamara en xunetu del 2001 pola corporación municipal de Nava pol que s’aprobaba la oficialidá del asturianu. Gobernaben daquella los Asturianistes por Nava, encabezaos por Xulián Montes, y la declaración d’oficialidá foi aprobada colos votos asturianistes, l’abstención del PSOE (nun siendo un conceyal, que votó a favor) y el votu en contra del PP. Claudio Escobio recordó en declaraciones a prensa que’l fallu del Tribunal Supremu, que «ye firme y contra’l que yá nun caben más recursos», ratificó esti añu el determín que nel 2005 yá adoptara’l Tribunal Superior de Xusticia d’Asturies y contra’l que namás Andecha Astur presentó un recursu de casación énte’l Supremu. Les dos sentencies declararon nulu, «por nun ser conforme a derechu», l’alcuerdu plenariu adoptáu el 8 de xunu de 2001 nel que s’aprobaron les ordenances municipales sobre la oficialidá de la llingua. Foi la delegación del Gobiernu, que nel 2001 taba a cargu de la popular Mercedes Fernández, quien presentó un recursu contra esti alcuerdu plenariu.

Read Full Post »

La Consejería de Cultura instaura un Día de les Ciencies Asturianes

GEORGINA FERNANDEZ

El próximo lunes, día 10, Asturias celebrará el Día de les Ciencies Asturianes, una cita que nace con vocación anual para implicar en la promoción de la llingua asturiana a sectores que hasta ahora no están directamente comprometidos con ese objetivo. El anuncio lo hizo ayer la directora general de Promoción Cultural Consuelo Vega (departamento dependiente de la Consejería de Cultura) en el transcurso de la inauguración del I Conceyu Internacional de la Llingua Asturiana que se prolongará hasta mañana.

La Unesco celebra el próximo día 10 el Día Internacional de la Ciencia y este año Asturias organiza, por primera vez, un Día de les Ciencies Asturianes que nace con vocación de continuidad y de convertirse en una cita anual, igual que lo es desde hace años el Día de les Lletres Asturianes. Será, en realidad, su complemento, y así como éste convoca de forma especial a filólogos, escritores y personas relacionadas con las letras, la nueva cita pretende reunir en torno a la llingua a científicos de otros campos.

Read Full Post »

El rector afirma que l’asturianu tien que tar “ente la ufierta de títulos de la Universidá d’Uviéu”

El rector de la Universidá d’Uviéu, Vicente Gotor, consideró güei que la llingua asturiana tien de tar, de la manera que se camiente más afayadiza, ente la ufierta de títulos de la Universidá d’Uviéu”, al tiempu que mostró’l compromisu del so equipu de xestión pa col asturianu y la so lliteratura.

Gotor pronuncióse asina, nun discursu n’asturianu, a favor del títulu de llingua asturiana na Facultá de Filoloxía, demientres el so discursu nel actu d’abertura del I Conceyu Internacional de la Llingua Asturiana, organizáu pola Academia de la Llingua y que se desarrolla dende güei y hasta’l xueves na mentada facultá. Xunto con él intervinieron la presidenta de l’Academia de la Llingua Asturiana, Ana Cano, la directora xeneral de Promoción Cultural y Política Llingüística del Principáu, Consuelo Vega, y el conceyal de Cultura del Ayuntamientu d’Uviéu, José Suárez Arias-Cachero.

Read Full Post »