Esti sábadu 20 d’abril, a los 93 años, morría tres una llarga vida que dexa atrás una inmensa obra n’asturianu, l’escritor mierense Julián Burgos Pasucal. L’autor ye quiciabes l’últimu d’una xeneración, los qu’escribieron nel tiempu del Franquismu y trabayaron pol idioma nun tiempu difícil.
Julián Burgos ñació ne Mieres del Camín l’1 d’abril de 1926. Doctoráu en Ciencies Económiques y profesional lliberal, dedicó’l so llabor lliterariu al xéneru humorísticu, al traviés del monólogu y la poesía. Formó parte, nos años sesenta del sieglu pasáu, de l’asociación Amigos del Bable, xunto a José León Delestal o Llorienzu Novo Mier, ente otros autores.
Tierra alantre, la mesma fala 