La música n’asturianu sobrevivió a la pandemia: 20 discos publicaos nel 2020

L’Anuariu de la Música Asturiana 2020, editáu por Goxe Producciones, da cuenta de lo que supunxo l’añu de la pandemia pa la creación musical n’asturianu, no referente a cancelación d’eventos y correspondiente crisis pa los trabayadores. Failo nun estensu reportaxe de Xicu Ariza, nel que tamién se da cuenta de que los grupos y artistes, pese a la difícil situación, nun dexaron d’editar material nuevo.

Asina, tenemos a Desakato, Hoboken, Nacho Vegas, Felpeyu, José Manuel, Tejedor, Misiva, La Bonturné, K-Nalón, Slum Suit o Dani Álvarez, ente los conxuntos y artistes que subieron a Youtube nueves creaciones n’asturianu. Amás, La Tarrancha sacó’l so videoclip Salii llokes. De la mesma manera, publicaron discu completu artistes como Fruela 757 (Llariegu), Maxi Areñes (Sones del tiempu que nun foi), Fontoria (El máxicu viaxe de Fionna Morlay), Misiva (últimu aliendu). Otra cosa fueron les actuaciones en directo, evidentemente mui reducíes. Na crónica faise referencia al ciclu de conciertos de Mieres Esto nun ye San Xuan, o programaciones como Al Resve de Xixón o Arcadia Vive, en Llaviana.

Read Full Post »

Llingua a ritmo de hip-hop

S. GONZÁLEZ

La cultura del hip-hop es amplia. Bajo esta premisa, la Estaya de la Llingua inició ayer un nuevo taller infantil en la biblioteca de La Luz con el que acerca a los más pequeños este género, de origen neoyorkino, pero teniendo como base la llingua asturiana

Los monitores, Delfo Vázquez y Tori, de ‘K-Nalón’, son los encargados de trasladar todos sus conocimientos sobre el hip-hop a los pequeños, de entre seis y diez años, de una manera amena y dinámica. En el taller de ayer pudieron conocer en primer lugar los orígenes del género para después pasar a la acción. «Queremos que se adentren en este estilo con una idea general sobre todo lo que abarca, desde el rap, el break dance o el graffiti», indicó Delfo Valdés.

Read Full Post »

Una llista de descargues axunta bona parte de la música fecha n’asturianu por artistes yá retiraos

Una lista de descargues espardida estos díes per internet axunta una bona parte de tola música fecha n’asturianu por artistes y grupos que, na so mayor parte, yá nun tán n’activo, o que lo tán pero con otres formaciones diferentes.

L’usuariu de Facebook Lluques Pimiangu compartió’l llistáu, nel qu’apaecen decenes de cantares y de discos, ya hasta discografíes enteres colos sos correspondientes enllaces de descarga. Apaecen grupos como Avientu, Cuerria, Brenga Astur, K-Nalón o Xéliba, y discos recopilatorios como «Xeneración Folk», «Muyeres» o «Cantares d’Asturies».

Read Full Post »

Mónica Álvarez Viña gana’l III ‘Demuestra’l to amor pola llingua’

‘¡Echa la llingua a placer!’ foi’l mensaxe que convenció al xuráu del III Concursu Lliterariu ‘Demuestra’l to amor pola llingua’ de Xunta Moza. La noreñense Mónica Álvarez Viña ye l’autora de la frase ganadora d’esti añu.

Read Full Post »

Toli Morilla, La Bandina, La Col.la Propinde y La Tarrancha, principales atracciones en el Conciertu pola Oficialidá

La Xunta pola Defensa de la Llingua dio a conocer güei los nomes de los grupos qu’actuarán nel XXIII Conciertu pola Oficialidá: Blima, Llangres, La Bandina, La Col.la Propinde (folk), Toli Morilla (pop, cancíu d’autor), Misiva (rock-hardcore) K-Nalón (hip-hop) y La Tarrancha (ska-reggae).

La entidá organizadora fizo pública güei una nota prensa, a la que tuvo accesu Europa Press, anunciando pal próximu llunes, 4 d’abril, la presentación oficial d’esta cita, que tendrá llugar, el sábadu 16, na Feria de Muestres de Xixón, igual que l’añu pasáu. Les puertes abrirán a les 19.00 hores.

Read Full Post »

La mocedá de Xixón “saca la llingua”

Cerca de 600 mozos de Xixón van participar nuna xornada lúdico-pedagóxica na que s’intenta averar l’asturianu a la mocedá al traviés de talleres y un concursu de karaoke.

La Oficina Municipal de la Llingua organiza, con gran ésitu, los Alcuentros de la Mocedá cola Llingua, “Saca la Llingua”, dende hai siete años, coincidiendo cola Selmana de les Lletres Asturianes.

Read Full Post »

K-Nalón, Músicos pola Oficialidá, La Bandina y Esther Fonseca finalistes a meyor cantar n’asturianu nos Premios de la Música

RUBÉN ARDURA

La XIII edición de los Premios de la Música yá tien finalistes. Ente les distintes categoríes d’estos premios, hai una que centra abondo l’atención n’Asturies, al meyor cantar n’asturianu. Na edición de 2009 son cuatro los grupos los finalistes, cuatro bandes con estilos diferentes que representen bien la variedá estilística la música de fecha n’asturianu. Per otru llau, nun hai más presencia de grupos asturianos nel restu de categoríes.

Los Premios de la Música entámalos l’Academia de las Artes y las Ciencias de la Música, entidá fundada pola Sociedá Xeneral d’Autores y Editores (SGAE) y Artistes, Intérpretes y Executantes, Sociedá de Xestión d’España (AIE). Na edición d’anguaño, y al traviés del procesu internu de votu, los finalistes na categoría al meyor cantar n’asturianu son K-Nalón col cantar “Dixebra” del so cd “Conciencia Llibre”, La Bandina col tema “Valse coxu” cantáu por Alicia ÁLvarez (Pauline en la playa), el colectivu Músicos pola Oficialidá, que d’unos años a esta parte reúnese una vez al añu pa facer un tema de sofitu a la oficialidá, en 2008 esti mecigayu de músicos asturianos ficieron el tema “Garra la Palabra”. Finalmente completa la nómina de finalistes Esther Fonseca, col cantar “Negra”, tema incluyíu nel so últimu discu en solitariu “Viaxe”.

Read Full Post »

El XX Conciertu pola Oficialidá va celebrase’l 25 y 26 d’abril na Feria Muestres de Xixón

Redacción.

“El conciertu ye una de les meyores muestres de la música n’asturianu que se fai anguaño”. Xune Elipe, cantante de Dixebra, quiso anunciar con estes pallabres el venti Conciertu pola Oficialidá del asturianu, qu’organiza la Xunta pola Defensa de la Llingua Asturiana. Los actos de promoción del eventu, que va tener llugar los próximos díes 25 y 26 d’abril nel Pabellón de les Naciones de la Feria Muestras de Xixón, entamaron esti martes nel local de Conceyu Abiertu n’Uviéu con un actu nel que tamién participaron Ernesto Avelino, del CAO, Xune Elipe, Santi de La Bandina y Tori, de K-Nalón.

El conciertu va cuntar esti añu cola presencia d’una montonera de grupos de tolos estilos pa un total de 14 bandes. El vienres 25 van ser Nuberu, Llan de Cubel, Skama la Rede, Skanda, K-Nalón, Xera y Gomeru. El sábadu 26 van ser Dixebra, Los Berrones, Tejedor, La Bandina, La Col.la Propinde, DRD y Chalaneru Sound van pesllar la cita musical reivindicativa.

El preciu de la entrada pa un día ye d’8 euros anticipada y 10 na puerta. Y el bonu pa los dos díes sacóse a la venta a 14 euros y va vendese na puerta a 16 euros.

Les entraes pueden atopase n’Uviéu: La Casa Posafuelles, Isla de Cuba, La Deva; Avilés: El Cafetón; Xixón: Café Trisquel, El Barucu, Llibrería Alborá; Candás: La Gueta; Grau: L’Ablugo; Salas: El Cobertizo; Tinéu: Mesón Cervantes; Cangas del Narcea: Bar Azul; La Puela Allande: Café Centro; Mieres: La Buraka; La Pola L.lena: La Xarrina; La Felguera: Llar de Keko; Llaviana: El Riscar; L’Entregu: Tom Mallory; La Pola Siero: El Diañu; Nava: La Posta y en L.luarca: Panadería Aldín, Estancu la Cachona. Asturnews collabora cola edición d’esti XX Conciertu pola Oficialidá.

(d’Asturnews, 08-04-2008)

Read Full Post »