El Congresu sofita la oficialidá de asturianu y aragonés

El Congresu de los Diputaos aprobó esti xueves el puntu sobre la oficialidá de la PNL qu‘Iniciativa pol Asturianu presentó xunto con otres organizaciones de reivindicación llingüística d’otros territorios del Estáu. Son diez asociaciones que trabayen en favor del aragonés, el euskera, l’asturianu, el gallegu y el catalán: Nogará, Kontseilua, Iniciativa Pol Asturianu, A Mesa Pola Normalización Llingüística, Acció Cultural del País Valencía, Ciemen, Escola Valenciana, Ómnium y Plataforma per la Llengua. El puntu 4 de la Proposición Non de Llei dicía: “Impulsar y apoyar reformas estatutarias para la oficialidad de lenguas propias que aún no son oficiales en una parte o la totalidad del territorio donde se hablan”. Este punto, qu’afecta al asturianu y l’aragonés, cuntó col sofitu de 194 votos de la Cámara Baxa.

El presidente d’Iniciativa pol Asturianu, Iván Llera, felicitóse por esti resultáu hestóricu pa la reclamación de la oficialidá del asturianu. “Dempués del complicáu trámite parllamentariu con munches propuestes de cambeos votóse por puntos la PNL orixinal qu’incluyía la reclamación hestórica de la oficialidá. Ye la primera vegada na hestoria que les Cortes Xenerales sofiten esa demanda d’oficialidá de la nuesa llingua” apuntó’l presidente de la organización.

Read Full Post »

Iniciativa pol Asturianu algama compromisos en Madrid sobre la especialidá y la partida pa l’ALLA

PABLO R. GUARDADO

“Vamos trabayar pa que se faigan realidá”, comentó Iván Llera tres algamar compromisos sobre la especialidá docente y la partida pa l’ALLA nos Presupuestos Xenerales del Estáu del PSOE, Xuníes Podemos, Foro y PP. El presidente d’Iniciativa pol Asturianu participó nel Congresu na presentación del manifiestu ‘Pluralidá llingüística: llibertá, igualdá y democracia’ que roblen ocho coleutivos.

Tres aconceyar ayeri col diputáu Roberto García Morís y les senadores María Jesús Álvarez González, María Fernández Álvarez y María Mercedes Otero, amás del parllamentariu gallego Guillermo Meijón, que s’ocupa de cuestiones llingüístiques dientro del grupu socialista, con una valoración positiva del alcuentru, la delegación de la organización asturiana desplazada a Madrid fixo güei lo propio colos congresistes Sofía Fernández Castañón (Xuníes Podemos), Isidro Martínez Oblanca (Foro) y Paloma Gázquez (PP). Los dos primeros treslladaron el so compromisu de sofitar los dos asuntos principales puestos enriba de la mesa, esto ye, la creación de la especialidá docente de Llingua Asturiana y Gallego-asturiano y la inclusión d’una partida pa l’Academia de la Llingua Asturiana (ALLA) nos Presupuestos, al igual que’l restu d’academies, mientres que la popular, “magar les diferencies, vio lóxiques estes dos demandes”.

Read Full Post »

Front ampli en defensa del català, el basc, el gallec i l’asturià davant l’onada “homogeneïtzadora” en castellà

La Plataforma per la Llengua, Acció Cultural del País Valencià (ACPV), Òmnium Cultural i altres entitats que defensen les diverses llengües cooficials de l’Estat han presentat un un manifest a Madrid per demanar compromisos concrets a partir de les eleccions del 10 de novembre en favor del català, el gallec, el basc o l’aranès. Les organitzacions firmants es mostren preocupades per “l’onada que pretén trepitjar” la diversitat lingüística per part de partits polítics i demanen que, aquells que no han assumit un discurs per l’homogeneïtzació lingüística, presentin propostes per protegir tots aquells idiomes oficials que no són el castellà.

“Exigim compromisos reals i efectius per garantir els drets lingüístics de tota la ciutadania”, resa el text, firmat també per A Mesa (gallec), Kontseilua (basc), Nogara (aragonès), Iniciativa Pol Asturianu (asturià) i el CIEMEN. “Ens preocupaven els missatges que estaven difonent alguns partits polítics sobre la vulneració de drets lingüístics que podrien patir els parlants de llengües pròpies que no són el castellà, en cas d’arribar al poder”, diuen els representants de les entitats.

Read Full Post »

Ocho organizaciones firmen un manifiestu pol usu del restu de llingües del Estáu “n’igualdá” col castellanu

A Mesa pola Normalización Llingüística presentó esti miércoles el ‘Manifiestu a favor de la pluralidá llingüística: llibertá, igualdá, democracia’, que reclama l’usu de toles llingües del Estáu “n’igualdá de condiciones” col español. El documentu tamién ta firmáu poles organizaciones Kontseilua (País Vascu), Omnium Cultural, Ciemen y Plataforma per la Llengua (Cataluña), Acción Cultural del País Valenciá, Nogará (Aragón) y Iniciativa pol Asturianu.

Nel manifiestu, según esplicaron nuna rueda de prensa celebrada en Pontevedra’l presidente d’A Mesa, Marcos Maceira, y la vicepresidenta, Elsa Quintas, deféndese “el derechu de los pueblos y de les persones a emplear la so llingua como un derechu humanu”, nel convencimientu de que “el derechu d’usu plenu ye garantía de democracia, de llibertá y de progresu”.

Read Full Post »

Bilbao: “Que’l Protocolu tea consensuáu por entidaes que representen a millones de falantes de llingües minorizaes dará más fuercia a la reivindicación”

PABLO R. GUARDADO

Paul Bilbao Sarria (Getxo, 1971) ta percorriendo Europa pa sumar a entidaes que trabayen pola defensa de llingües minorizaes pa incorporar propuestes pal ‘Protocolu pa la Garantía de los Drechos Llingüísticos’. El secretariu xeneral de Kontseilua tuvo recién en Xixón de la mano d’Iniciativa pol Asturianu pa presentar el proyeutu.

¿Cómo foi l’alcuentru con Iniciativa pol Asturianu y colos coleutivos asturianos celebráu recientemente en Xixón?
Dende Kontseilua teníemos una deuda cola comunidá llingüística asturiana, y facer esa visita sirviónos pa conocer de cerca la so situación. Tamos mui satisfechos col interés algamáu.

¿Tán llegando munches propuestas dende’l dominio llingüísticu asturlleonés?
Tovía tamos en fase de recepción de propuestes, y entendemos que les asociaciones tán en fase de preparación de les mesmes.

Read Full Post »

Esti sábadu 21 presentase en Xixón el Protocolu pa la Garantía de los Drechos Llingüísticos

Dientro del marcu de la Capitalidá Europea de la Cultura, Donostia 2016, va redactase y proclamase un Protocolu pa la Garantía de los Drechos Llingüísticos, coincidiendo col 20 aniversariu de la Declaración Universal de los Drechos Llingüísticos, que va presentase esti sábadu en Xixón.

Pa ello, ta faciéndose una rolda de contactos, que tien n’Asturies y pa tol dominiu llingüísticu a Iniciativa pol Asturianu como entidá representante y organizadora, pola nuesa pertenencia a la organización europea ELEN (Rede Europea d’Igualdá Llingüística)

Read Full Post »

Los problemes del asturianu lleguen al Altu Comisionáu de los Drechos Humanos de la ONX

Un informe presentáu pola organización internacional European Language Equality Network (ELEN), de la que forma parte Iniciativa pol Asturianu como entidá representante de la llingua asturiana, lleva a la Oficina del Altu Comisionáu de los Drechos Humanos de la Organización de les Naciones Xuníes (ONX) la situación de violación de drechos humanos llingüísticos que viven n’Asturies los asturfalantes.

L’informe recueye los principales casos de discriminación y esplica l’estatus llegal del idioma asturianu, que nun tien reconocida la oficialidá magar les recomendaciones feches dende instituciones europees ya internacionales.

Read Full Post »