L’Arribada abre la convocatoria pa la presentación de candidatures pa los Premios Timón

Dende esti momentu y hasta’l 3 d’ochobre yá ye posible presentar candidatures pa los Premios Timón del añu 2017 qu’entreguen dende’l 2007 l’Asociación Cultural L’Arribada. Los gallardones van entregase mientres la decimosegunda edición de L’Arribada.

Nun primer momentu los destinatarios del Premiu Timón yeren los autores en llingua asturiana o eonaviego, que víen asina reconocida la so trayeutoria creativa, pa trés años depués incorporar un Timón nuevu p’autores asturianos en llingua castellana. Por último, nel 2013, creóse’l Premiu Timón de Cultura Asturiana, que valora a les asociaciones, sociedaes, fundaciones y instituciones con sede n’Asturies que tengan como fin “la conservación y promoción de la identidá cultural de nueso, y a persones con una trayeutoria valoratible nesi ámbitu”.

Read Full Post »

Abiertu’l plazu pa inscribise nel taller de Wikipedia n’asturianu d’Arcu Lliterariu

L’usuariu Víctor Suárez Piñero, alministrador y divulgador del proyeutu d’enciclopedia llibre n’Asturies, va impartir esti taller de dos hores dividíu en dos díes. Nél los presentes van deprender a xenerar artículos pa la enciclopedia llibre, que yá cuenta con casi 50.000 artículos na so versión asturiana, lo que convierte a la llingua asturiana na 78 de los 291 idiomes nos que se trabaya en Wikipedia.

El tallar, entamáu pola actividá Arcu Lliterariu qu’organiza l’Asociación Cultural L’Arribada, va celebrase nel aula 1 del xixonés Centru de Cultura Antiguu Institutu el martes 26 y miércoles 27, a les 19.30 hores. La inscripción ye de baldre cola tarxeta ciudadana de Xixón nes oficinas d’atención al ciudadanu, caxeros ciudadanos o na web d’actividaes de Xixón, y el requisitu únicu ye tener más de 16 años. El día caberu pa formalizala ye’l vienres 22.

(d’Asturies.com, 13-07-2016)

Read Full Post »

L’Arribada va cellebrar el so 10º aniversariu con una cincuentena d’actos

Ente’l 14 de payares y el 26 d’avientu la nuesa asociación va cellebrar el deceniu primeru d’actividá per aciu d’un eventu formáu por una cincuentena d’actos y nomáu 10 años de L’Arribada. Esta iniciativa cuenta col sofitu económicu del Ayuntamientu de Gijón/Xixón y la collaboración de FMCEyUP, Oficina Municipal de la Llingua de Xixón, CMI Atenéu de La Calzada, Muséu del Ferrocarril d’Asturies, Muséu Casa Natal de Xovellanos, Asociación de Vecinos de Vega y de varies editoriales, asociaciones culturales, empreses, llibreríes y establecimientos hosteleros. Amás d’ello tamién ufre la so collaboración el conceyu de Miranda do Douro.

10 años de L’Arribada entama un programa especial pa facer analís de la evolución cultural en Xixón y Asturies, abriendo un abanicu ampliu de propuestes en forma d’alcuentros con lliteratos y creadores artísticos, proyecciones cinematográfiques, tertulies, presentaciones, conferencies, actos institucionales y actuaciones musicales, ente más otro. De los conteníos del programa daráse cuenta a la prensa y na bitácora del eventu (http://arribada10.wordpress.com)

(de L’Arribada, 07-11-2015)

Read Full Post »

Humberto Gonzali, nuevu presidente de L’Arribada

L’Asociación Cultural L’Arribada escoyó como nuevu presidente a Humberto Gonzali. Nacíu en Figareo (Mieres), en 1961, ye escritor y xestor cultural. Destaca como poeta y narrador y ye autor de guiones cinematográficos, amás de traductor y axustador audiuvisual. Foi miembru de Conceyu Bable y profesor d’asturianu.

En 1985 nómenlu secretariu de la Xunta pola Defensa de la Llingua Asturiana, coordinando daquella numberoses acciones de protesta pola denegación de derechos llingüísticos, destacando les promovíes ante la sanción al factor de FEVE de Nava por usar la toponimia tradicional. Xunto con Juan Bonifacio Lorenzo Benavente y Xicu Monteserín fundó en 1988 Orbayando, revista asturiana d’información, que codirixe hasta l’añu 1990.

Read Full Post »

L’Arribada convoca los Premios Timón 2016

Esti miércoles 12 d’agostu, abríase la convocatoria de los Premios Timón 2016 qu’entama l’Asociación Cultural L’Arribada. Les candidatures, razonaes, puen ser presentaes por una persona o un colectivu nes señes de corréu electrónicu de l’asociación, larribada@gmail.com, hasta’l 10 d’avientu de 2015.

Los Premios Timón destínense a reconocer la trayectoria creativa de los escritores d’Asturies. Pa esta edición, nes estayes lliteraries, opten a los gallardones escritores que nacieren nel añu 1.966 o antes. Trátase del X Premiu Timón, p’autores en llingua asturiana y n’eonaviego, y del VII Premio Timón, p’autores asturianos en llingua castellana.

Read Full Post »

Esther Prieto algama’l Premiu Timón 2015

La escritora cabraliega Esther Prieto ye la ganadora del IX Premiu Timón pa escritores en llingua asturiana y eonaviego convocáu pola Asociación Cultural L’Arribada, según alcuerdu d’un xuráu formáu por Vicente García Oliva, David M. Rivas, Xuan Pandiella y Humberto Gonzali, actuando como secretaria Mayte González.

L’autora, nacida n’Arenas en 1960, ye llicenciada en Filoloxía Hispánica pola Universidá d’Uviéu. Ente los títulos qu’integren la so obra espublizao destaquen los llibros de poesía Edá de la memoria (1992) y La mala suerte que ganó en 1998 el premiu Teodoro Cuesta. En 2001 llogra’l XXII Premiu Xosefa de Xovellanos cola novela Güelu Ismail. Creadora tamién d’obres de lliteratura infantil, apaez nes principales antoloxíes poétiques asturianes y, con dos cuentos, na antoloxía Muyeres que cuenten (1994).

Read Full Post »

Presenten 46 candidatures a los Premios Timón

PABLO R. GUARDADO

El sábadu finó’l plazu pa la presentación de candidatures a los diferentes Premios Timón qu’entrega l’Asociación Cultural L’Arribada mientres la Vagamar. No que correspuende a los gallardones lliterarios, nesta edición aspiren los escritores nacíos nel añu 1965 o enantes.

Pal IX Premiu Timón p’autores en llingua asturiana y eonaviego hai un total de 19 candidatos: Lurdes Álvarez, Cristina Muñiz Martín, Esther Prieto, Xosé Miguel Suárez, Esther García López, Belén Rico, Adolfo Camilo Díaz, Taresa Lorences, Xavier Frías Conde, Ignaciu Llope, Xosé Lluís Campal, Xulio Berros, Xulio Arbesú, Alberto Cobreros Gil, Consuelo Vega, Milio’l del Nido, Carme Martínez Pérez, Xilberto Llano y Ánxel Álvarez Llano. N’ediciones anteriores reconocióse la trayeutoria de Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013) y Xosé Bolado (2014).

Read Full Post »

IX Vagamar: Monólogu modernu y llingua asturiana

L’actu fadráse’l llunes viniente, 10 de payares, a partir de les 19:30, nel Centru Municipal Integráu de L’Arena, en Xixón.

Dientro de la programación de la IX Vagamar, entamada pola Asociación Cultural L’Arribada, emprima’l ciclu Una Asturies de Teatru con un actu dedicáu al monólogu modernu en llingua asturiana, que tien dos partes, una amuesa de monólogos representada por Silvino Torre, y una tertulia sobre’l tema onde, amás d’él participará’l tamién actor Lluis Antón González y l’escritor Humberto Gonzali. El ciclu Una Asturies de Teatru tendrá’l so desarrollu tamién n’avientu de 2014 y mientres l’añu 2015, coincidiendo entós col 10 aniversariu de L’Arribada.

(d’Infoasturies, 11-11-2014)

Read Full Post »

Convocaos los Premios Timón 2015

El 10 d’ochobre abrióse la convocatoria de los Premios Timón 2015 entamaos pola Asociación Cultural L’Arribada. Les candidatures, razonaes, puen ser presentaes por una persona o un colectivu nes señes de corréu electrónicu de l’asociación: larribada@gmail.com, hasta’l 10 de xineru de 2015.

Los Premios Timón destínense a reconocer la trayectoria lliteraria de los escritores d’Asturies. Pa esta edición, nes estayes lliteraries, opten a los gallardones los/es escritores que nacieren nel añu 1.965 o antes. Trátase del IX Premiu Timón, p’autores en llingua asturiana y n’eonaviego, y del VI Premio Timón, p’autores asturianos en llingua castellana.

Read Full Post »

Antón García: “Este libro era una deuda personal con Andrade”

J. L. ARGÜELLES

Uno de los poetas importantes en el crecimiento de la segunda generación del Surdimientu, el movimiento de modernización de la literatura en asturiano que empezó a configurarse a mediados de los años setenta del siglo XX, fue Eugènio de Andrade (1923-2005). Ese acercamiento al gran poeta portugués no hubiera sido posible sin la labor, resultado de su admiración como lector, del escritor y editor Antón García, que publicó en 1985 la primera traducción al asturiano de un libro de Andrade, “Memoria d´outru ríu”. Ayer, en la Vagamar que organiza L´Arribada, presentó su ultima contribución, “Les manes enceses” (Saltadera). “Publicar este libro era pagar una deuda personal”, afirmó.

El volumen es una amplia antología bilingüe, en asturiano y en portugués, que recoge una significativa muestra de la lírica de Andrade desde 1948 hasta 2001. Antón García, que ayer contó algunas anécdotas de su relación con el autor luso (a mediados de los años ochenta acudió en ALSA desde Oporto, por ejemplo, a una Selmana de les Lletres) lleva tres décadas vertiendo al asturiano a un poeta más complejo de lo que pudiera parecer en una primera lectura.

Read Full Post »