«Música d’eiquí, música p’agora» lleva la producción musical contemporánea n’asturianu a Cangas del Narcea

Cangas del Narcea va acoyer esti xueves, 8 d’avientu, el conciertu Música d’eiquí, música p’agora, un eventu promovíu dende la Conseyería de Cultura, Política Llingüística y Turismu p’allegar al públicu la producción musical contemporánea en llingua asturiana de la mano de los sos creadores y intérpretes.

El conciertu va empezar a les 13:30 hores y va celebrase na cai Mayor de la capital canguesa, abiertu a tol públicu que quiera y con calter gratuitu. El cartel de Música d’eiquí, música p’agora incluye les actuaciones d’Alfredo González, Silvia Quesada y el dúu L-R, integráu por Leticia González y Rubén Bada.

Read Full Post »

Quince empreses qu’usen l’asturianu participen nel Reguerada Fest, espaciu d’alcuentru de la cultura nel idioma

Candás va acoyer del xueves al domingu’l I Reguerada Fest, iniciativa del Gobiernu pa crear un espaciu d’alcuentru de la cultura en llingua asturiana. Van entamase más d’una docena d’actividaes estos cuatro díes y la Fábrica d’Ortiz va agospiar un Mercáu y Feria d’Empreses na que participen un total de quince firmes qu’empleguen l’asturianu.

“Carreño ye una zona mui vinculada a la cultura n’asturianu”, aseguró na presentación Antón García, direutor xeneral de Politica Llingüístca, Antón García, qu’apuntó qu’anque en Candás “suelen dicir que ye’l ñero de la lliteratura asturiana, yo creo que ye un poco más que’l ñero, ye l’aniciu, l’orixe de la lliteratura n’asturianu y paecíanos un bon sitiu pa rindir homenaxe a Antón de Marirreguera”, autor del autor del primer testu conserváu de la historia de les nueses lletres, el ‘Pleitu entre Oviedo y Mérida: Sobre la posesión de las cenizas de Santa Eulalia’, del 1639. Asina, escoyóse’l nome de Reguerada Fest pa esta iniciativa.

Read Full Post »

El Principáu va centrar la presencia en Lorient en mostrar la renovación de la cultura tradicional asturiana

Asturies va ser la invitada d’honor na 51 edición del Festival Intercélticu de Lorient, onde va mostrar la “riqueza renovada” de la cultura tradicional.

La programación impulsada dende la Conseyería de Cultura, Política Llingüística y Turismu, en collaboración cola organización del certame bretón, va mostrar propuestes artístiques “innovadores que beben de la tradición y la reinterpretan al traviés de la fusión y los formatos nuevos”, según informó’l Gobiernu asturianu al traviés d’una nota de prensa.

Read Full Post »

Carla Armas y Rubén García algamen el Premiu Camaretá al Meyor Cantar col tema «El que conoz a tierra»

El tema «El que conoz a tierra», de Carla Armas y Rubén García algamó’l Premiu Camaretá al Meyor Cantar, convocáu na so decimotercer edición y que’l xuráu resolvió anueche na gala celebrada nel Auditoriu del Centru Niemeyer.

El xuráu del premiu, que busca reconocer a la meyor composición en llingua asturiana o gallego-asturianu difundida nel añu 2020, escoyó na primer fase del certame, celebrada en xunetu, los cuatro cantares finalistes: «Tomasín», del grupu ¿Aú?, «Flacos y ensin peinar», de la Banda de Gaites Camín de Fierro, «Veis volver», del dúo L-R y «El que conoz a tierra» de Carla Armas y Rubén García. A lo último, impúnxose el cantar «El que conoz a tierra», con lletra en sanabrés, variante zamorana de la llingua asturiana.

Read Full Post »

La música n’asturianu sobrevivió a la pandemia: 20 discos publicaos nel 2020

L’Anuariu de la Música Asturiana 2020, editáu por Goxe Producciones, da cuenta de lo que supunxo l’añu de la pandemia pa la creación musical n’asturianu, no referente a cancelación d’eventos y correspondiente crisis pa los trabayadores. Failo nun estensu reportaxe de Xicu Ariza, nel que tamién se da cuenta de que los grupos y artistes, pese a la difícil situación, nun dexaron d’editar material nuevo.

Asina, tenemos a Desakato, Hoboken, Nacho Vegas, Felpeyu, José Manuel, Tejedor, Misiva, La Bonturné, K-Nalón, Slum Suit o Dani Álvarez, ente los conxuntos y artistes que subieron a Youtube nueves creaciones n’asturianu. Amás, La Tarrancha sacó’l so videoclip Salii llokes. De la mesma manera, publicaron discu completu artistes como Fruela 757 (Llariegu), Maxi Areñes (Sones del tiempu que nun foi), Fontoria (El máxicu viaxe de Fionna Morlay), Misiva (últimu aliendu). Otra cosa fueron les actuaciones en directo, evidentemente mui reducíes. Na crónica faise referencia al ciclu de conciertos de Mieres Esto nun ye San Xuan, o programaciones como Al Resve de Xixón o Arcadia Vive, en Llaviana.

Read Full Post »

Reciella presenta’l programa completu pal VII Día de la Reciella

PABLO R. GUARDADO

El domingu 13 d’ochobre’l Muséu del Pueblu d’Asturies va enllenase de neñes y neños y los sos familiares pa vivir una xornada llúdica y festiva en llingua asturiana dafechu. Celébrase’l VII Día de la Reciella, que va abrir la IV Entaína, carrera de relevos que simboliza la tresmisión del idioma de padres y güelos a fíos y nietos.

Les puertes van abrise a les 11 hores, cuando comience la inscripción –yá se pue formalizar al traviés d’esti enllaz –pa esta prueba pa tolos públicos con salida na bolera a les 11.30 hores. Nun va ser l’atletismu la única modalidá deportiva del día, yá que van entamase un cuadrín de fútbol (12.30 hores), xuegos de baloncestu (14 hores) y un taller-exhibición de skate (16.30 hores).

Read Full Post »

La música será la protagonista de la XI Sumana de las l.letras en Cangas

D. ÁLVAREZ

Con el concierto de “Güeyos de la Montaña” se inaugura la semana de actividades que el Ayuntamiento de Cangas del Narcea organiza para promocionar el asturiano. La XI Sumana de las l.letras asturianas canguesa dará inicio el próximo domingo 19 de mayo, a las 19.00 horas, con el concierto y el homenaje que rendirán a la Asociación Cultural Canción Asturiana Narcea, encargados de organizar el Concurso de canción asturiana “Valle del Narcea”, siendo la primera vez que se reconoce a un colectivo. “Gracias a esta asociación se recuperó la cultura y tradición de la canción asturiana y tenemos relevo generacional”, explica la concejala de Cultura, Carmen Riesco.

A los escolares del concejo irán dirigidas las actividades del martes y el miércoles. La primera será la celebración de la IV Xunta d’escolinos, en el teatro Toreno, donde el alumnado de todos los colegios podrá disfrutar de teatro y música. El instituto cangués tendrá su propia actividad el miércoles con una charla sobre cine a cargo del cineasta Pablo A. Quiroga.

El final de semana estará marcado por la música con el concierto de “L-R”, el jueves, la muestra de folclore cangués, el viernes, y la III Entama la nueite, el sábado.

(de La Nueva España, 15-05-2019)

Read Full Post »

Cangas acueye la UABRA dende’l 29 xunetu con conciertu inaugural de L-R

Un añu más, l’Academia de la Llingua organiza esti 2019 los cursos de la Universidá Asturiana de Branu (UABRA) que se van celebrar en Cangas del 29 de xunetu al 9 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu sobro’l patrimoniu cultural asturianu, un taller d’escritura creativa y otru más d’educación y nueves teunoloxíes multimedia.

Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como «Entidá Organizadora d’Actividaes de Formación Permanente del Profesoráu». Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d¡Educación Primaria y Secundaria del Principáu d¡Asturies. Los cursos desenvuélvense na Escuela Hogar de Cangas del Narcea en réxime d’internáu y la matrícula entama como siempres el próximu mayu nel llar de l’Academia n’Uviéu y va tar abierta hasta xunu.

Read Full Post »

40.ª edición de la Selmana de les Lletres Asturianes

La 40.ª edición de la Selmana de les Lletres Asturianes va destacar el papel que la música cantada n’asturianu y en gallego-asturianu desempeña na normalización de dambes llingües. Del 26 d’abril al 9 de mayu, van desenvolvese actividaes de tou tipu repartíes per diez conceyos: talleres, esposiciones, homenaxes, presentaciones de llibros, llectures públiques, certámenes lliterarios, alcuentros escolares, entregues de premios, conciertos, representaciones teatrales…

La Selmana empieza’l vienres 26 d’abril, a les siete de la mañana, cola celebración del Alba de Les Lletres Asturianes na escuela de Llorgozana (Carreño). Esi mesmu día, a les ocho de la tarde, el Teatru Nuevu de La Felguera (Llangréu) va acoyer la gala del XI Premiu al Meyor Cantar, cola interpretación en directu de los cuatro cantares finalistes al cargu de la Banda de Gaitas El Trasno, Lafu y Rebeca, Los Berrones y Xaime Martínez, amás de l’actuación de Luis Núñez y los Folganzanes, ganadores de la edición anterior.

Read Full Post »

Xaime Martínez y L-R van estrenar ‘Amosando’, ciclu pa presentar les novedaes discográfiques de la música asturiana

PABLO R. GUARDADO

Un conciertu acústicu, con aforu reducíu, y una entrevista que s’emite per Internet a tol planeta. Eso ye ‘Amosando’, propuesta novedosa pa presentar les novedaes discográfiques asturianes que van estrenar el 16 de marzu L-R y Xaime Martínez.

Javier Lueje va encargase de la grabación nos sos estudios de Xixón y Goxe de la producción d’esti proyeutu “pa visibilizar a la música asturiana dientro y fuera de les nuestres fronteres; una ferramienta promocional adaptada a los vezos actuales de consumir música; una iniciativa pionera n’Asturies influyida por otres esperiencies asemeyaes exitoses notres partes del planeta”, espliquen dende Musicasturiana, organizadores de ‘Amosando’. D’esta forma preténdese “valtar ún de los más grandes problemes que tien la música asturiana: la poca promoción”.

Read Full Post »