Feeds:
Antradas
Comentairos

Posts Tagged ‘La Casa Posafuelles’

El cantante del grupu Dixebra y fundador de la Xunta pola Defensa de la Llingua, Xune Elipe, comparó güei la perda de les ayudes prometíes pol Gobiernu español y la UE pa comunidaes con llingua propia cola perda de los fondos mineros, “como si’l Gobiernu asturianu diz qu’equí nun hai mines”, matizó.

Asina s’espresó’l vocalista, que güei fizo de voceru de la Xunta, na rueda de prensa pa conmemorar colos medios de comunicación el 25 aniversariu d’esta organización, fundada nel Muséu Belles Artes d’Uviéu un 21 de xineru de 1984. Xunto con representantes d’otres xeneraciones de militantes, Carlos Pulgar y María Xosé Martínez dieron anuncia de la efeméride y convocaron el primer actu pa conmemorala, que será’l día 31, nel muséu Belles Artes.

(more…)

Read Full Post »

Coincidiendo coles feches nes qu’echara a andar la Xunta pola Defensa de la Llingua Asturiana, el sábadu 31 de xineru a les 18:00, va entamase un actu conmemorativu nel Salón d’Actos del Muséu de Belles Artes d’Asturies (Cai Santa Ana d’Uviéu), el mesmu sitiu qu’acoyera venticinco años atrás l’asamblea fundacional de la organización.

Dende la Xunta quier facese un llamáu xeneral a toles persones qu’a lo llargo d’estos años collaboraron cola organización y formaron parte della. Asina tamién, a toles persones que quieran amosar el so apoyu a la nuesa llingua.

Nel actu va cuntase cola actuación del músicu asturianu Alfredo González. Depués tolos asistentes van tar convidaos a un pinchéu nel chigre de la Xunta, La Casa Posafuelles, na Cuesta de la Vega, 10 d’Uviéu.

(de la Xunta pola Defensa de la Llingua Asturiana, 16-01-2009)

Read Full Post »