José Ángel Gayol faise col primer premiu del Concursu de Cuentos pola Oficialidá

L’escritor José Ángel Gayol (Mieres, 1977) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventitrés. El primer premiu, dotáu con 600 euros, foi pa la so obra “Dalgunes posibilidaes de la domótica”. El segundu premiu, dotáu con 450 euros, foi pal cuentu “Instintu”, de Laura Marcos Domínguez (Mieres, 1982), y Xuan Trenor Allen (Uviéu, 1981) algamó’l tercer premiu –por segundu añu consecutivu– al que se-y apurren 300 euros, con “Xigomencia”. Nesta edición, a la que se presentaren once cuentos, el xuráu tuvo compuestu polos escritores Xulio Vixil Castañón, Héctor Pérez Iglesias y Paco Álvarez González.

Read Full Post »

Fernando Martínez y Laura Marcos faense colos premios del concursu de microrrellatos n’asturianu «L’Horru del Carbayedo»

Esti vienres 20 d’avientu aconceyó’l xuráu del XIII Concursu de microrrellatos n’asturianu «L’Horru del Carbayedo», qu’entama l’Asociación de Vecinos El Horreo. Tuvo formáu por Miguel Solís Santos, escritor, dibuxante y miembro de l’ALLA, Susana Sel, escritora y esperta en cultura tradicional asturiana, y Verónica Fueyo Alcedo, hestoriadora, investigadora na etnografía asturiana y traductora.

Decidieron entregar el primer premiu d’esta edición, 500 euros y troféu, al rellatu «El güelu» (presentáu col nomatu «Valdesoto»), que resultó ser del escritor avilesín Fernando Martínez Rodríguez, que tamién foi ganadora l’anterior edición del gallardón.

Read Full Post »

Gonzalo González Barreñada lleva’l Acebal de poesía

La ventésima quinta edición del Premiu Xuan María Acebal de poesía qu’entraga’l Gobiernu asturianu recayó nel escritor de Sotrondiu Gonzalo González Barreñada pola obra El llar n’orde. El premiu tien una dotación de 5.000 euros. El xuráu encargáu de valorar les nueve obres finalistes tuvo presidíu pol director xeneral de Política Llingüística, Antón García Fernández, y integráronlu los escritores Pablo Texón Castañón, Marta Mori de Arriba y Laura Marcos Domínguez.

Ente les obres presentaes, el xuráu decidió conceder el premiu al poemariu tituláu El llar n’orde destacando «la singularidá de la voz poética que recrea con emoción el paisax natural y humanu n’Asturies con una llingua qu’esplora les posibilidaes del versu llargo averándose a la prosa». La obra presentóse col seudónimu M.R Beyle. Abierta la plica, l’autor ganador resultó ser resultó ser Gonzalo González Barreñada.

Read Full Post »

Ana Esther Martínez Sierra gana’l concursu de cuentos pola Oficialidá de Bimenes na so decimoctava edición

Ana Esther Martínez Sierra (Nava, 1970) foi la ganadora del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so decimoctava edición. El primer premiu, dotáu con 600 euros, foi pa la so obra “Ensin fades, ensin perdices”. El segundu premiu, dotáu con 450 euros, foi pal cuentu “Stylommantophora”, de Laura Marcos Domínguez (Mieres, 1982), y Héctor Pérez Iglesias (Llanera, 1978) algamó’l tercer premiu, al que se-y apurren 300 euros, con “Si verde”.

Nesta edición el xuráu tuvo compuestu polos escritores Xulio Vixil Castañón, Isabel Gutiérrez Novo y Pablo Rodríguez Alonso, amás de pol Alcalde Bimenes, Alejandro Canteli Rozada, y el técnicu responsable de la Estaya de Cultura, Daniel Cueli Canto, que ficieren les funciones de Presidente y Secretariu respeutivamente. Nos prósimos díes daráse anuncia de la fecha y del llugar d’entrega premios.

(d’Asturnews, 10-06-2015)

Read Full Post »

Premiu Narraciones Curties de Llaviana

Esta selmana aconceyábase’l xuráu calificador del XIII Concursu de Narraciones Curties Conceyu Llaviana, formáu por Dña. María García Fernández, D. Pablo Xuan Manzano Rodríguez, Dña. Carla Domínguez Díez y Dña. Mónica Rodríguez Riesgo, y decidía entregar un primer premiu de 400 € a Dña. Laura Marcos Domínguez pola narración La Santa Fesoria y un segundu premiu de 150 € a D. David Fernández Fernández pola narración Vivir suañando.

(d’Asturnews, 17-12-2014)

Read Full Post »

Cangas ya tiene los ganadores de su concurso de cuentos

Laura Marcos Domínguez, con el cuento titulado «Abril, xunetu», y Julio González Rodríguez, con su obra «Nara, un viaxe nel tiempu» son los ganadores del X Concurso de cuentos cortos de Cangas del Narcea. La entrega de premios será durante la Semana de las Letras Asturianas en mayo.

(de La Nueva España, 23-01-2013)

Read Full Post »

Laura Marcos faise col primer premiu del Horru del Carbayedo

El xuráu del VI Concursu de micro-rellatos n’asturianu “L’Horru del Carbayedo”, independiente dafechu de la organización, alcordó conceder el primer premiu, de 400 euros, al rellatu “Cleo en Cerbere”, presentáu embaxo’l nomatu de Dorothy Amieva, por Laura Marcos Domínguez, escritora de Mieres. El segundu premiu, de 200 euros, foi pa Montenegro, que resultó ser, n’abriendo la plica Marisa López Diz, escritora n’asturianu y eonaviegu de Xixón.

Tolos rellatos presentaos espublizaránse nuna esposición al aire llibre, nel campu la fiesta (Parque del Carbayedo), dende’l vienres, 17, al martes, 21. La entrega premios faise’l llunes, 20, alredor de les 20:00 hores, nel Salón d’Actos de l’Asociación de vecinos El Hórreo (Cai Dr. Marañón, 16, baxu. Avilés).

(d’Asturnews, 09-08-2012)

Read Full Post »

María Jesús Rodríguez gana el III Concurso de Narraciones Curties

María Jesús Rodríguez Guillón ha ganado el III Concurso de Narraciones Curties «Conceyu de Piloña», con la narración «El zapatu». El primer premio estaba dotado con 1.000 euros. El segundo premio, dotado con 700 euros, fue para Laura Marcos Domínguez, con la narración «Formal». El jurado acordó por unanimidad el fallo de los premios y destacó en el acta «la calidad de los trabajos premiados», y resaltó «la dificultad en las deliberaciones a la hora de otorgar los premios». Además, animó a la participación y a la creatividad literaria para el próximo certamen. La entrega de premios del concurso, al que se presentaron dieciséis relatos, será el viernes 16, en la Casa de Cultura de Infiesto.

(de La Nueva España, 07-07-2010)

Read Full Post »

“Foca de Dios, tu que quites el pecáu del mundu ten piedá de nós”

I.G.

Pa un asturianu dalgo choca nesta frase. Sicasí, pa dellos pueblos nórdicos ye daqué de lo más normal. Asina adaptaron los misioneros unviaos a estes zones los testos sagraos cristianos, p’acerca-yos la fe a les poblaciones que nun conocíen los corderos y sí a esti otru animal.

Read Full Post »

Entamen les Xornaes d’Estudiu de l’Academia de la Llingua Asturiana

Güei, martes 4 de payares l’Academia va inaugurar na Facultá de Filoloxía d’Uviéu la edición XVIII de les sos Xornaes Internacionales d’Estudiu. Les xornaes van entamar a les 16:45 cola ponencia de Fernando Sánchez Miret “La hipótesis de la diptongación asturiana ante yod y wau a la luz de la Romanística” pa sentir darréu a Clara E. Prieto Entrialgo col so estudiu “Reflexones sobre la marcación preposicional del OD n’asturianu. Dellos datos medievales”.

Read Full Post »