Feeds:
Antradas
Comentairos

Posts Tagged ‘Les Noticies’

ANTÓN GARCÍA

Ye posible qu’esti llibru, Franco nos diccionarios, que firma Ramón d’Andrés (Madrid, 1959), seya la última publicación d’Ediciones Ámbitu, la empresa que publicó’l selmanariu “Les Noticies” ente 1996 y 2012. Zarra asina esa editorial una etapa espléndida nel procesu normalizador del asturianu, con una notable contribución a qu’esta llingua se dotara d’un estándar escritu basáu na oralidá, pero al mesmu tiempu depuráu y con criterios claros de corrección. Un modelu que terminó por trescender a la radio, a la televisión y seique tamién a la lliteratura. Naquel selmanariu, baxo’l títulu xenéricu de “Les revueltes de la llingua”, fueron apareciendo ente’l 2008 y el 2010 los artículos que Ramón d’Andrés atropa nesti volume.

Profesor universitariu de Llingua y fíu del escritor Mánfer de la Llera, D’Andrés alterna na so bibliografía llibros estrictamente académicos con otros divulgativos, toos ellos alredor de la llingua asturiana. Destaquen los tres tomos sobre Cuestiones d’asturianu normativu (2001-2003) o el repás que fai a los problemes del asturianu en Juicios sobre la lengua asturiana (2002), na so mayor parte adelantaos nes páxines del mesmu selmanariu. Queden ensin reunir en volume los artículos que fuera publicando na prensa asturiana na década de los ochenta, en bona midida dedicaos a defender les idees normativizadores de l’Academia de la Llingua, de la que foi parte bien activa hasta mediaos de los noventa. (more…)

Read Full Post »

ANTÓN GARCÍA

L’aventura empresarial y cultural del desaparecíu selmanariu «Les Noticies» (1996-2012) foi de les más emocionantes que-y tocó vivir a la llingua asturiana nes últimes décades. Enantes del branu del 96 yá sabíemos que dalgo importante taba en marcha. Asistimos arremellaos a la constitución de la redacción, a la elaboración del númberu menos unu, y un día tuviemos nes manes el cero y al poco vimos que tolos quioscos d’Asturies ofrecíen aquella cabecera diseñada por Lola Zapico, tan curiada y guapa. Los primeros númberos llevaben cartelera de cine, programación de televisión y horóscopu, amás de pasatiempos. Poco a poco’l selmanariu foi ocupándose más de lo que pidíen los llectores y garrando l’aspectu que llegó hasta l’añu pasáu. Yéremos abondos los que teníemos poca confianza en que’l proxectu siguiera vivu munchu tiempu: coleccioné tolos númberos que salíen, como fixera col «Asturias Diario Regional» dos décades enantes, imaxinando que duraría un añu o asina. Siguí la colección hasta’l númberu 200, de los 769 que llegaron a salir. (more…)

Read Full Post »

ANTÓN GARCÍA

A mediaos de los ochenta del pasáu sieglu XX aparez na escena cultural asturiana un grupu d’escritores que vien recibiendo’l nome de Segunda Promoción del Surdimientu, anque nun falten otres propuestes, como Xeneración del Conflictu. Ye un grupu que dexa claro dende mui ceo que quier marcar diferencies colos sos hermanos mayores promoviendo la idea de que formen una nueva xeneración en marcha. Estos autores van facer una revisión crítica de la lliteratura inmediatamente anterior poniendo de manifiestu les diferencies existentes ente lo qu’ellos entendíen qu’había ser el camín de la nueva lliteratura y lo que se taba faciendo. Enuncien l’aparición d’esa nueva xeneración lliteraria, que ye la d’ellos; refuguen l’asturianu tapecío que veníen defendiendo Conceyu Bable y l’Academia de la Llingua Asturiana y proponen como modelu de llingua lliteraria otra distinta, basada, primero, na fala cotidiana y, segundo, na tradición lliteraria principalmente del sieglu XIX y del primer terciu del XX. (more…)

Read Full Post »

Va unes selmanes que Les Noticies pesllaba la so actividá como diariu dixital, dempués de que va cuasi un añu acabara cola so edición en papel. Coincidiendo cola fin de la so actividá Publicaciones Ámitu estrena “Les Noticies, 15 años de periodismu n’asturianu”, un documental dirixíu por Alberto Suárez, nel que se recueyen los testimonios y opinones de personalidaes de dellos ámbitos de la sociedá civil y representantes institucionales a la manera de valoraciones sobre’l papel qu’ellos y elles creen que desendolcó Les Noticies na normalización y promoción del asturianu. (more…)

Read Full Post »

Depués de que’l Comité d’Espertos del Conseyu d’Europa aprobara les recomendaciones al Estáu español del tercer informe sobre’l cumplimientu de la Carta Europea de les Llingües Minoritaries, onde se fala del asturianu y se recuerda qu’a pesar de les recomendaciones de los informes anteriores tovía nun se declaró como llingua oficial, la Xunta pola Defensa de la Llingua Asturiana (XDLA) pide al Gobiernu d’Asturies y a la Xunta Xeneral que tomen nota y que faigan dalgún pronunciamientu sobre les recomendaciones que-yos faen les instituciones europees. Asina, la organización entiende que nestos cuatro años que pasaron desque se publicara’l segundu informe nun se dieron pasos alantre, porque güei, como nel 2008, el Conseyu d’Europa recomienda avanzar nel reconocimientu llegal del nuestru idioma. La XDLA compara l’actitú del Conseyu d’Europa hacia la política llingüística del País Vascu cola d’Asturies: mentes qu’al Executivu socialista de Patxi López lu emponderen dende Estrasburgu y lu ponen como modelu a siguir nel ámbitu español, el Gobiernu d’Asturies, tamién en manes del PSOE, recibe un tirón d’oreyes por nun dar pasos alantre col reconocimientu de los derechos llingüísticos de los falantes. Mesmamente, al lleer l’infome pue vese cómo en política llingüística tamos dando pasos atrás cola sida de la crisis económica. (more…)

Read Full Post »

DAMIÁN BARREIRO

El Comité d’Espertos del Conseyu d’Europa acaba d’aprobar les recomendaciones al Estáu español del tercer informe sobre’l cumplimientu de la Carta Europea de les Llingües Minoritaries. Nel mesmu, fálase del asturianu y recuerda qu’a pesar de les recomendaciones de los informes anteriores, el nuestru idioma mantién el mesmu rangu llegal: «Nun se declaró como llingua oficial y la Llei d’Usu ye tovía vixente». Por eso, recomienda que, en collaboración colos falantes, el Gobiernu considere la posibilidá d’ameyorar el nivel de proección que se recueye nel Estatutu. El Comité recuerda que nel informe anterior recomendaron a les autoridaes proporcionar datos actualizaos sobre’l númberu de falantes, «pero nun se proporcionaron». Amás, establez que los «representantes de los falantes» afirmaron que la falta d’oficialidá pon torgues a la plena protección y promoción de la llingua.

El Conseyu diz que l’Alministración asturiana tien un compromisu «de munchos años» na promoción del idioma, «que ta presente na educación, na alministración pública y medios de comunicación», estayes onde los espertos europeos dicen notar meyores nel empléu prácticu. Otra manera, citen los datos facilitaos pol Gobiernu sobre les llinies de subvenciones pa la normalización y, por eso, emponderen el «compromisu llargu y los esfuercios de les autoridaes na promoción del idioma». Ente lo positivo citen la creación d’una Dirección Xeneral de Política Llingüística y la puesta en marcha d’una Unidá de Traducción, «que permite a tolos ciudadanos presentar documentos n’asturianu». (more…)

Read Full Post »

DAMIÁN BARREIRO

El BOPA d’esti 22 d’ochobre publica la resolución pola que se conceden y denieguen subvenciones pa los medios de comunicación pol usu del asturianu y del gallego-asturianu. Son un total de 127.759,63 euros, lo que supón cuasi un terciu de la cuantía cola que contaron nel 2011, que foi de 373.500 euros. Sicasí, nesta ocasión parez que los proyectos con mayor puntuación son los que vienen de medios qu’utilicen n’esclusiva l’asturianu, que se reparten un 47,68% del total de la cuantía. Nel 2010 y 2011, la partida pa estos medios namás supunxo alredor d’un 21% del total.

Ello ye que según les bases de la convocatoria de subvenciones, l’oxetu d’esta midida ye la concesión d’ayudes económiques en réxime de concurrencia competitiva pa empreses periodístiques, radiofóniques, televisives o d’internet, poles inversiones realizaes na producción d’espacios onde s’utilice l’asturianu, o’l gallego-asturianu nel so ámbitu, a lo llargo l’añu 2012, bien de manera habitual n’informaciones xenerales, bien n’espacios periódicos y fixos, bien en programes estraordinarios d’interés especial, «pero siempre que tal usu contribuya a la normalización y dignificación del usu social de la llingua y sían espacios configuraos como propios del mediu de comunicación y asumíos por él». (more…)

Read Full Post »

DAMIÁN BARREIRO

Nun ye fácil lleer comics n’asturianu. A pesar d’iniciatives como Crónica de Leodegundo -que publicó la so última historia nel 2006- o revistes como El Gomeru -desaparecida hai años-, les noveles grafiques nel nuestru idioma puen contase colos deos de les manes. Mesmamente, la desapaición de la edición en papel de Les Noticies supunxo’l fin, polo menos hasta’l momentu, de la tira cómica n’asturianu. Otra manera, nel campu de la traducción namás existen tres exemplos a lo llargo de la historia del Surdimietu: dos álbunes de Tintín y ún d’Astérix. Per otru llau, l’últimu cómic publicáu n’asturianu foi hai dos años con Manzajú, de Ruma Barbero, obra editada por Suburbia -y que se convirtió nel llibru más vendíu de la editorial- y ganador de la primer edición del Alfonso Iglesias de Cómic. (more…)

Read Full Post »

La Xunta pola Defensa de la Llingua Asturiana (XDLA) y Iniciativa pol Asturianu amosaron el so descontentu pol recorte del 61,53 por cientu a les ayudes al idioma. “Pue suponer el fin de la industria cultural n’asturianu”, afirma la XDLA.

“El sector cultural n’asturianu ye una industria grande que da trabayu a cientos de persones de manera direuta o indireuta y que, en tiempos de crisis, necesita de l’apoyu de l’Alministración”, afirmen dende la organización, que ve “llamentable y contradictorio que’l Gobiernu autonómicu anuncie planes pa crear emplegu por un montante de 10 millones d’euros y, per otru llau, apruebe recortes nun sector como’l de la industria cultural n’asturianu, que yá ta mui mermáu pola crisis y pal qu’esta mengua pue suponer la reducción de puestos de trabayu, sía por despidos o porque ciarren empreses”. Al mesmu tiempu, critica que l’Executivu siga apostando pol Centru Niemeyer “cuando tien una deuda acumulada de más d’un millón d’euros”, una cifra que ta lloñe “de les partíes destinaes a la promoción del sector editorial n’asturianu y gallego-asturianu”, poniendo “en peligru la viabilidá d’empreses qu’apuesten pol sector editorial na nuestra llingua”. Amás, recuerda la falta de visibilidá que tien el llibru n’asturianu nes llibreríes y, “dalgo que ye más sangrín”, nes mesmes biblioteques publiques. (more…)

Read Full Post »

El BOPA asoleyó’l resultáu de les sovecniones a obres audiovisuales n’asturianu. “Ende sur”, de la productora De la piedra producciones y documental sobre la hestoria del selmanariu “Les Noticies” fechu por Ámbitu Ediciones llévaronse la partida presupuestaria de dalgo más de 12.000 euros.

ANEXU: Resolución de 20 de julio de 2012, de la Consejería de Educación, Cultura y Deporte, por la que se conceden subvenciones para la promoción de actividades cinematográficas y de vídeo en asturiano o gallego-asturiano.

(d’Asturnews, 13-8-2012)

Read Full Post »

« Newer Posts - Older Posts »